طائرة

**OO7** · 10-01-2011 12:52 PM

المشاركة الأصلية كتبت بواسطة amribrahim

هو ليه الريموت بتاع الطيارة ديه ممنوع زي مقال عضو crazy ... اشمعنى الريموت ده يعني

جميع أجهزة التحكم عن بعد ممنوع دخولها مصر لأنها تتحكم على مسافات كبيرة ويستخدمها بعض المتطرفين فى
أعمال غير شرعية !!!!!!! مفهوم طبعا إيه هى الأعمال دى من غير الدخول فى تفاصيل ... يعنى مثلا الريموت المعروض يمكن أن يتحكم فى أى شئ عن طريق الريسيفر الخاص به وسيرفو الحركة على مسافة واحد كيلو .. وده طبعا خطر جدا لأن فيه أجهزة قوية جدا تقدر تتحكم لمسافات أكبر من كده بكتير ... وده ممكن يتحكم فى طائرة كبيرة بدون طيار مجهزة بأجهزة تصوير خاصة وقد يستخدمه البعض فى أعمال التجسس وهى أعمال ضد أمن الدولة ...

**tarekmomo** · 10-01-2011 07:58 PM

حلوة اووى

**ahmedkhl** · 10-01-2011 09:36 PM

السعر النهائي للبيع كام و السؤال الاخر

**rahmanboud** · 10-01-2011 10:07 PM

فين ايام الطياره الورق

والله كانت ايام جميله

**OO7** · 11-01-2011 10:51 AM

المشاركة الأصلية كتبت بواسطة ahmedkhl

السعر النهائي للبيع كام و السؤال الاخر

السعر النهائى علشان خاطرك 5000 جنيه

ههههههههههههههه .. بهزر طبعا ...

السعر النهائى بجد 3500 جنيه علشان الريموت الفوتابا من أشهر وأفضل أجهزة التحكم عن بعد وكمان 7 قنوات يعنى ممكن يصلح للعمل على طائرة هليكوبتر بننزين .. يعنى الريموت ده ممكن تبرمج عليه لحد عشرة طائرات مختلفة الطرازات .. بس هتحتاج لكل طائرة ريسيفر بنفس تردد الريموت ...

ونصيحة أخوية وبصرف النظر عن موضوع البيع .. إذا ما كنش عندك أى معلومات عن مجال الطيران اللاسكلى .. مستحيل ومن رابع المستحيلات إنك تعرف تطيرها .. ولازم وحتما ولا بد تستعين بمدرب متخصص والكورس الأول بيتكلف حوالى 1200 جنيه وده بيقتصر على التشغيل واٌلإقلاع والهبوط .. وأعمال الصيانة صعبة وتحتاج كمان إلى تدريب لأن موتور الطيارة مثل موتور السيارة يحتاج إلى ميكانيكى ..
وبقول مرة تانية .. الطائرة دى مش لعبة .. دى زى الطيارة الحقيقية بالظبط بس انت بتتحكم فيها بالريموت ... وعلشان هى بتشتغل بموتور بنزين لذلك فهى خطر جدا ولا تحتمل مجرد التجربة لأن الموتور قوى جدا ولو ايدك جت عند المروحة وهى شغالة على السلانسيه تقطعها لقدر الله بكل سهولة .. فما بالك وهى طايرة بكل قوتها و اصطدمت بشخص عند الهبوط !!! .. أنا لما كنت بتدرب عليها المدرب كان بياخدنى فى أماكن صحراوية بعيده عن المساكن وأحيانا فى مطار امبابة وفى أماكن فى 6 أكتوبر الهواة بتجمعوا فيها حاليا ..
لو عايز طائرة تطيرها فى البيت أو فى حديقة مش هينفع الطائرات البنزين وعليك بالطائرات الكهرباء اللى بتتباع فى كارفور ومحلات اللعب ...
أنا مش بقول الكلام ده كله علشان مش عايز أبيع .. لكن علشان للأمانة ومعرفتى بمدى خطورة الطائرات البنزين وأجهزة التحكم بعيدة المدى ... دى مسئولية لازم أكون وتكون قدها ...

**heshamzaky** · 11-01-2011 11:16 AM

ربنا يوفقك فى البيع دى بجد تحفة أنا شوفت منها بس كانت طائرات هليوكوبتر و الى كان بيلعب بيها أجانب مش مصرين و ليها زى صديرى بيتلبس علشان تحط علية الريموت و تتحكم فية بأيديك الاتنين

**major_memo** · 11-01-2011 11:30 AM

ياااااااااة فين ايام نادي الطيران
اكيد يا باشا كنت في نادي من اندية الطيران الي موجودة في كل محافظة انا من بنها ونادي طيران القليوبية انا دلوقتي بروح ادرب ناس علي الحاجات دي وحاليا عضو مجلس ادارة في النادي
ومش اي حد فعلا يتعامل مع الطيرات دي وخصوصا انها خشب بلسا ودة لو اشتريتة من مكان بيبقي غالي جدا لكن الوزارة بتوفرة لاندية الطيران مجانا كدعم للنادي ولراغبي هذة الهواية
والي عايز يتدرب طبعا لازم يفهم اساسيات التدريب واحدة واحدة من اول النماذج الشراعية الي الهاند كنترول الي الاسلكي مش لاسلكي علي طول كدة علشان يفهم كيف تطير الطائرة اصلا
وسعر الطائرة كدة رخيص بالنسبة للعدة الي جواها الاسلكي دة اخر مرة سالت علية تقريبا كان ب 4000 جنية وعلشان والعدة بقي الي موجودة دي ثمنها غالي بردو يعني الراجل عامل واجب بزيادة والله ويشكر
بس علشان تطير لاسلكي دلوقتي غلبا بيبقي في مطار امبابة وبتاخد تصريح علشان تطلع تطير هناك
هو الشغل دة انت الي عاملة يا باشا ولا مكاكيت وحضرتك مجمعة ولا جاية جاهزة علي التركيب ؟

**OO7** · 12-01-2011 10:49 AM

المشاركة الأصلية كتبت بواسطة major_memo

ياااااااااة فين ايام نادي الطيران
اكيد يا باشا كنت في نادي من اندية الطيران الي موجودة في كل محافظة انا من بنها ونادي طيران القليوبية انا دلوقتي بروح ادرب ناس علي الحاجات دي وحاليا عضو مجلس ادارة في النادي
ومش اي حد فعلا يتعامل مع الطيرات دي وخصوصا انها خشب بلسا ودة لو اشتريتة من مكان بيبقي غالي جدا لكن الوزارة بتوفرة لاندية الطيران مجانا كدعم للنادي ولراغبي هذة الهواية
والي عايز يتدرب طبعا لازم يفهم اساسيات التدريب واحدة واحدة من اول النماذج الشراعية الي الهاند كنترول الي الاسلكي مش لاسلكي علي طول كدة علشان يفهم كيف تطير الطائرة اصلا
وسعر الطائرة كدة رخيص بالنسبة للعدة الي جواها الاسلكي دة اخر مرة سالت علية تقريبا كان ب 4000 جنية وعلشان والعدة بقي الي موجودة دي ثمنها غالي بردو يعني الراجل عامل واجب بزيادة والله ويشكر
بس علشان تطير لاسلكي دلوقتي غلبا بيبقي في مطار امبابة وبتاخد تصريح علشان تطلع تطير هناك
هو الشغل دة انت الي عاملة يا باشا ولا مكاكيت وحضرتك مجمعة ولا جاية جاهزة علي التركيب ؟

جسم الطائرة صناعة محلية .. وتم تصنيعها من محترف متخصص فى هذا المجال شغلته تصنيع وصيانة جميع أنواع الطائرات اللاسلكية .. والشهادة لله هو فعلا محترف جدا وبيعمل تصميمات مبتكرة وتعديلات على نماذج الطائرات من خلال برامج خاصة فى تصميمات الطائرات على الكمييوتر ) وطبعا بقية المعدات مستوردة

**nabilar** · 12-01-2011 02:29 PM

ربنا يوفقك فى بيعها لأن واضح جداً إنك راجل محترم وبتحط كل التفاصيل بمنتهى الأمانه للى عايز يشترى ، وياريتنى كنت أعرف وسائل استخدامها كنت اشترتها منك

**Sherif Khalifa** · 13-01-2011 10:33 AM

السعر كويس نوعا ما بأسعار مصر ...

انا هاوى قديم و خربان بيتى برضة

بس سؤال لصاحب الموضوع (فين مركز التصنيع دا )
ممكن تفصيل اكثر علشان مش فاهم لوسمحت

و توضيح بسيط للعايز يشترى
الطيارة دى مش صغيرة زى الصورة
طول الجناح 1.6 متر
و الشكل دا انسب حاجة للتدريب فعلا و كمان سهلة الاصلاح فى حالة الكسر

الموضوع: طائرة

LinkBack

أدوات الموضوع

عرض

-

اخر سعر -

-

-

المواضيع المتشابهه

أول طائرة فندقية بالعالم .

طائرة حقيقية على الطريق

حادث طائرة رهيييييييييييييييييييييييييب

أول سيارة طائرة حقيقية!!

طائرة سوخوي الجديدة

الكلمات الدلالية لهذا الموضوع

المفضلات

المفضلات

ضوابط المشاركة