اقتباس المشاركة الأصلية كتبت بواسطة tlrsiap مشاهدة المشاركة
يا زيزو
تعال نراجع سوا الأمور يا ريت

أولا , كون اللي عاملها مسلم مش هايفرق في مصداقيتها زي ما انت متخيل

ثانيا:
حالات العنف اللي الحديث بيدور حولها ... عشان نقول انها عنف طائفي لازم يكون غرض العنف : لأن الضحية مسيحي
صح كده ؟

هل فعلا تقدر في كل الحالات اللي بتتكلم عنها تبقى متأكد انها كانت بالغرض ده ؟
شفت يا أخويا الفاضل ..
أهو الرد بتاع حضرتك بيعبر عن موقف غالبية الأعضاء اللى بيردوا فى المواضيع دى ، وملخصه ان حضرتك واخد (حكــم مسبق) بنكتب ردود لإثبات موقف احنا واخدينه من الأول مش مبنى على اللى بيحصل بالفعل.

لو تفتكر موضوع حادثة اسكندرية ، نفس السيناريو اتكرر ، وكتير من الزملاء دخلوا وقالوا ان الحادثة مش طائفية وممكن يكون المقصود الجامع اللى قدام الكنيسة ومشاركات كتير من هذا القبيل بدون قراءة الوقائع ولا معرفة من اللى مات ومين اللى اتصاب.

نفس الكلام حاصل دلوقتى فى موضوع قطر سمالوط لدرجة انه بناءاً على الموقف المسبق فيه ناس بتنكر فيديوهات المصابين وبتقول عليها مزورة وبتصدق نظريات داخل عقلها بس.

ونفس الكلام حضرتك عملته فى ردك بالتشكيك فى مصداقية الدراسة قبل قراءتها وتحليلها قبل ما تعرف مضمونها.