مش لازم نستسلم

**Shuaib** · 10-01-2011 12:15 AM

طبعاً كلنا عارفين أد إيه صاج العربيات الجديده ضعيف جداً إن حد يعدلك عليه أو عيال يطلعوا يتنططو على العربيه

وطبعا كلنا عارفين المصريين ديماً بيعتبروا أى عربيه واقفه فى الشارع ممكن تنفع كنبه ممكن يأنتخوا عليها شويه وده طبعاً بيدفع تمنه صاحب السياره الغلبان ...... إلى تعب ودفع فلوس عشان يجيب عربيه مش عشان الناس تعدله عليها

أنا شخصياً ليا موقف مع كبوت الكروز ,,, بس أكيد فى حلول أنا بقترح

مثلاً ممكن بتعمل غطا يمنع الماره إنهم يريحوا على العربيه لو مثلاُ وسخنا الغطا بشويه زيت يحيث إلى يفكر يسند هدومه تتوسخ

لو هنفكر مع بعض ممكن نلاقى أفكار أحسن من كده

همممممممم .... مين عنده أفكار تفيدنا ؟؟؟؟؟

**dedoes6** · 10-01-2011 12:42 AM

ممكن نكهرب الغطا
او يبقى طبقتين طبقه داخليه نضيفه و طبقه خارجيه صوت و ريحه
:)
اخر اختراع شفته كان لوحه مكتوب عليها برجاء عدم السند على السياره
الناس كانت تسيب كل العربيات و تشوف السنده على العربيه ديه فيها ايه جديد عشان صاحبها يكتب كده
ما علينا
كله سلف و دين و احنا ياما سندنا

**ramy87** · 10-01-2011 02:53 AM

انا مرة شوفت واحد مغطي عربيته و حاطط على سقف العربية لوحة ملاينه مسامير حوالي 100 مسمار علشان القطط و الكلاب اللي بتنام على السقف

**Shuaib** · 10-01-2011 11:11 AM

أنا فكر أحط شحم على الغطا ,,

**medo500** · 10-01-2011 12:05 PM

والله بجد فعلا حاجة تغيظ موضوع السند علي العربيات والاكتر من السنيدة الناس الي بتقعد علي الكبود او الشنطة قمة الغيظ انا فاكر واحد جاري معاه لانسر شارك علشان يبعد الناس السنيده عن عربيته جاب 10 لتر زيت عربيات راجع مستعمل وراح ناقع فيهم الغطاء بتاع العربية لمدة يومين وبعد كده سابه في الشمس اربع ايام وبقي يغطي بيه العربية عادي بس خد عندك بقي كل ما ييجي يغطي العربية يبهدل هدومة وايديه وتاني حاجة الراجل ده اخد شتيمة ودعاء من الناس الي بتكون مش واخده بالها وتحط ايدها علي العربية بس بجد تجربة فاشله