ارجو المساعده فى ريحة شياط فى زيت الموتور

**ahmedyaris** · 10-01-2011 01:40 AM

انا بستعمل موبيل 1 10000 اخر غيار فات عليه 5000 كم يعنى لسه فاضل 5000كم وانا بشيك على الزيت الصبح بالمقاس شميت ريحة شياط او ريحه غريبه كده مش عارف احددها مع انه لزوجته مش وحشه لسه شغال يعنى يا ترى ايه ده يا معشر اليارس العربيه عامله لحد الان 20000كم بس على فكرة دة فى الشتا ده يعنى اليومين دول وعلى فكرة برده المقاس تمام والزيت مش ناقص ارجو الافاده ضرورى

**BLOODY_STONE** · 10-01-2011 02:31 AM

شياط ؟ اول مرة اسمع ان في زيت بيعمل ريحة شياط .. عموما انا مش حقدر افيدك بس نصيحة ... ابعد عن الموبيل خاااااااالص انا معايا ياريس 2009 و حطيط برده موبيل 10000 في التوكيل و لزوجته راحت بعد حوالي 4000 كم و لحد انهارده انا مش مصدق نفسي ... انا حاليا ماشي على الشل و الحمد لله الموتور صوته هدي عن الاول كتيييييييييييير و نعم بطريقة فظيعة ..
عموما لو محدش هنا قدر يفيدك قولي انا ليا حبايبي كتير شغالين في التوكيل و حساعدك ان شاء الله ..

**ahmedyaris** · 12-01-2011 10:45 AM

المشاركة الأصلية كتبت بواسطة bloody_stone

((((شياط ؟ اول مرة اسمع ان في زيت بيعمل ريحة شياط .. عموما انا مش حقدر افيدك بس نصيحة ... ابعد عن الموبيل خاااااااالص انا معايا ياريس 2009 و حطيط برده موبيل 10000 في التوكيل و لزوجته راحت بعد حوالي 4000 كم و لحد انهارده انا مش مصدق نفسي ... انا حاليا ماشي على الشل و الحمد لله الموتور صوته هدي عن الاول كتيييييييييييير و نعم بطريقة فظيعة .. ))))))

عموما لو محدش هنا قدر يفيدك قولي انا ليا حبايبي كتير شغالين في التوكيل و حساعدك ان شاء الله ..

شكرا يا باشا على الرد وجزاك الله خير المهم التوكيل مفيهوش زيت شل على ماافتكر يعنى انت كده تقصد انى اغير زيت بره التوكيل على انا بتعامل مع توكيل تويوتا اللى فى اسكندريه
سوال كمان هى فلتر الزيت ممكن نشتريه من اى حته وياترى هنلاقى اصلى ولا ممكن نوع تانى وكمان فلتر الزيت بتاع كورولا ينفع ولا لأ؟ شكرا مرة تانيه

**BLOODY_STONE** · 12-01-2011 09:29 PM

لا لا غير في التوكيل عااادي خد الزيت معاك ... حيقعدوا في الاول يقولولك لا و مش عارف ايه قولهم ده 10000 برضه و ده اللي عندك بقى و يخبطوا دماغهم في الحيط .. حتلاقيه قالك اتفضل يا باشا .. (انا كده عالطول) و لو عايز تغير بره غير عااااااادي برضه ( انا بغير في التوكيل و مرة في النص بين كل صيانة و التانية مع نفسي بره)
بالنسبة لفلتر الزيت في ناس كتير بتبيعه اصلي ممكن اقول لحضرتك عليهم بس الفكرة بيبيعوه بنفس سعر التوكيل (50 جنيه + الطبة 7 جنيه) فانا رأيي تجيبه من التوكيل مش فارقة ..
عموما في شركة اللوز فصلاح الدين و في شارع السلطان حسين واحد اسمه تويوتا عباد الرحمن ده اصلي برضه ...