بس أرخم موقف اتحكالي من واحد صاحبي كان في السعودية . كل ما يركب تاكسي السواق يسأله بتشتغل إيه و بتاخد كام و بيكفوك و لا لأ و عندك كام عيل و المدام حامل و لا لأ
الغريبة إن الأسئلة دي عادية عند السعوديين
عرض للطباعة
بس أرخم موقف اتحكالي من واحد صاحبي كان في السعودية . كل ما يركب تاكسي السواق يسأله بتشتغل إيه و بتاخد كام و بيكفوك و لا لأ و عندك كام عيل و المدام حامل و لا لأ
الغريبة إن الأسئلة دي عادية عند السعوديين
1-سؤال تكون اجابته معروفة فلا داعى للسؤال
2- سؤال متحبش تقول رد عليه لانك لا تريد اعطاء المعلومة للسائل
3- سؤال تزويغى يقصد به السائل الهروب مما يسأل عنه
4- سؤال تمهيدى يحاول السائل الانقضاض بموضوع معين بعده وكأنك موش واخد بالك
5- سؤال من يعتقد انه اذكى ممن حوله وهو العكس
6- السؤال المتكرر وده هاعطى له مثال :
واحد يسأل هوه دا شارع كذا الاجابة لا
تانى يوم هوة دا شارع كذا الاجابة لا
تالت يوم هوة دا شارع كذا - طيب ده تقول له ايه
الأسئلة خلصت وللا إيه ؟؟
كل واحد يفضفض ويقول :)
انا بقي كل يوم لازم الناس تسالني الاسئله دي
لاني فاتح سنترال والحكومه لغت التصاريح الجديده فالمحل فيه كباين بس مفيش خطوط
يدخل شخص رخم فيه سنترال اقوله لاء يقولي امال الكباين دي ليه متشيلها اقوله علشان محسش ان المحل واسع عليا
يدخل واحد تاني
فيه كروت اقوله بطلناها يقولي طيب ما تجيب كروت علشان تشغل نفسك (مكسب الكارت 15 قرش)اقوله النصيب
فيرد عليا ويقولي طيب فيه شحن علي الهوا (بجنيه وربع)اقوله لاء يقولي امال فاتحه ليه ارد عليه واقوله تضييع وقت بدل قعده القهوه ومعاكسه البنات في الشارع اهو البنات تدخل هنا واعاكسهم
يرد يقول طيب ما تعمل اي نشاط تاني في المحل تزود بيه دخلك (كانه بيصرف عليا)
اقوله فيه صيانه وسوفت للموبايل يقولي طيب ما تصلح كمبيوترات (اجهزه الكمبيوتر اللي جايه تتصلح متلقحه في كل حته في المحل) اقوله ربنا يسهل
طيب هات اكسسوار ولا اقولك هات ماكينه تصوير(مفيش غير مدرسه للمعوقين جنب مني وانا مش علي شارع رئيسي)
يدخل عليا شخص تاني المحل ويقول مشاء الله عليك شغلك كويس ما اخدتش محل علي الشارع ليه اقوله النصيب وهنا الشارع هادي بريح اعصابي فيه (السؤال الغبي لازمله اجابه غبيه الشارع الرئيسي فيها فرق 300 الف جنيه في تمن المحل)
طيب متشوفلك محل في محطه الرمل(اعفن ايجار هناك 4000 جنيه )
مره بقي واحده دخلت عليا ودي منساهاش
جارتنا وست كبيره وابنها في سني بس مش بيشتغل
قعدت وفردت رجليها وبدات الاستجواب
انت اخدت كورسات في اللي بتعمله ده قولتلها الحمد لله درسته وبدرسه للناس
انت مخلص كليه ايه اقولها خدمه اجتماعيه تقولي طيب وايه علاقتها بالكمبيوتر اقولها هوايه
هو المحل ايجار ولا تمليك قولتلها تمليك فبلغت بيها السفاله انها تقولي وجيبت فلوس المحل منين قولتلها من باب الله فقالتلي طيب قولي باب الله دا فين قولتلها في كل مكان
راحت حالفه عليا وقالتلي والله لا تقول جيبت فلوس المحل منين قولتلها انابقالي كتير بشتغل وكان عندي محل تاني واهلي ربنا يخليهم كملولي تمنه
طيب اخدته بكام ؟
وبتكسب كام ؟
واهلك دفعولك كام ؟
هو ابوك بيشتغل ايه ؟
ووالدتك بتشتغل ايه ؟
ليك اخوات ؟
طيب والعربيه ؟
اهلك جابوهالك ؟
واففففففففففففففففففففففف ففففففففف والله لو ما كانت واحده كبيره كنت قفلت عليها المحل وروحت وسيبتها محبوسه اسبوع
دا بقي غير موضوع العربيه
مجيبتش زيروا ليه الزيروا احسن واعطاله قليله
لالالالالالالا متصلحش انت تبيع علطول وتكمل وتجيب زيروا
اتجوزت ولا لسه؟
عندي ليك عروسه ؟
انت مقاس رجلك كام؟ (والله بتسال السؤال ده لان مقاسي 46)
تخنت خسيت ؟
انت علطول حالقها زيروا كده ؟
بتشتغل الصبح شغلانه تانيه ؟
انت ساكن فين ؟
ياااااااه معاك تليفونين محمول(دايما بيكون التاني بتاع زبون اتصلح وبجربه)
مجيبتش ليه عربيه قسط ؟
ليك اخوات ؟
وطبعا انا بتضاف في القايمه مع نايل ستورم في اني وحيد وبتعرض برضه لمواضيع تانيه واسئله تاني
وانا كل اللي كتبته ده كتبته باختصار شديييييييييييييد بس لما شوفت الموضوع
طلعت كل الغل اللي جوايا من الناس دي
وبجد ياريت الناس متشغلش بالها بغيرها وتخليها في حالها واوعوا تفتحوا اكتر من كده علشام ممكن تلاقوني دخلت اكمل باقي الاسئله اللي بتسالها معاكم
وكفايه عليكم كده من الحاجات اللي بشوفها تقريبا كل يوم لان فعلا جزء كبير من السئله دي بتسالها كل يوم
والي مشاركات قريبه يا احلي منتدي
انا مش بيفرق معايا اوى السؤال ..قد مابيفرق معايا الشخص اللى بيساله واسلوبه والوقت؟؟
ومن الحاجات اللى بتخنق مثلا..مش هتقوم تذاكر بقى ؟؟؟امتحانك كمان شهر ونص؟؟؟؟
اكيد الوالد والوالده
ومش بحب ان حد يسئلنى عن ناس تانيه..مثلا
انت ماتعرفش فلان بيشتغل فين...طب ماتعرفش ساكن فين؟؟ والاسئله المتخلفه دى.
سمعت انك بتحضر ماجيستير أيوة
ليـــــــــــــــــــــــ ــــــــــــــه ؟ بحب العلم
يعنى ليـــــــــــــــــــــــ ــــــه ؟ !!!!!!
هو هيزودك فلــــــــــــوس ؟ ربنا يكرم
ياااااااااااااه كل السنين دى هو انت فاضى ولا ايه ؟! الثواب على قدر المشقة
بس على فكرة ملهوش لزمة ابن عمى خده ومعملوش حاجة !! كأنه بيتكلم عن لبوس!!
واول ما الواحد ياجماعة ربنا يكرمه ويحصل عليه الناس تبصلك كانك لقيت شهادة
الماجيستير فى كيس شيبسى , واشمعنى انت تلاقيها وهو لأ !!!
ربنا يرحمنا من أراذل الناس وأسافلهم
والله الأسئلة اللي من النوع ده ن مبتخلص، منها الآتي:
*من والدي الحبيب لما حد يديني مسد ع الموبايل: مين ده اللي بيتصل بيكي؟
أنا: فلانة
والدي: مين -فلانة- دي .. طبعا أصحابي كتير مش لازم يكون هو شاف كل واحدة فيهم
أنا: واحدة صاحبتي
والدي: وده بقى ميسد ولا اتصال ولا رسالة
أنا غالبا بحس ان الموضوع ممكن ميخلصش وممكن أسمع الفون بوك كله فبغير الحوار لحاجة تانية
*من أحد صديقاتي المقربين اللي ممكن بشوفها كل أسبوع: ايه الأخبار، مفيش حاجة كدة ولاكدة؟ ..قصدها طبعا خطوبة
أنا: لأ لسة ربنا ما أرادش
صديقتي: لا بجد..أوعي تكوني بتخبي عليا
أنا: لا ودي تيجي ..
طبعا حاجة زي دي مبتستخباش أكيد لو حصل هتعرفي
*من أحد العمال الجدد على بوابة المستشفى اللي بشتغل فيها وبيكون شايفني لسة نازلة من عربية عليها بدج الجامعة وبدج طب وصيدلة: على فين يا أبلة؟
أنا: -بصة شظرا- دكتورة لو سمحت
العامل وهو عايز الأرض تنشق وتبلعه: اتفضلي حضرتك
والأسئلة لا تنتهي بس كفاية كدة لحد دلوقتي
ارخم سؤال فعلا بتشتغل فين وبتقبض كام
وبرد في الاداره الماليه لمجموعه شركات
ايوا يعني ايه ومجموعه شركات ايه
حجات كتير
والمرتب الحمد لله
ومر كنت راكب ميني باص ومروح وهلكان قبل ما جيب العربيه وتيلفوني رن اللي قاعد جنبي سئلني مين
بصيتله وسكت
راح سائلي تاني مين هه مين
قلتله مش ليك