هو دة اللى انا قصدى عليه.. حضرتك بالنسبة لهم عميل عادى.. ممكن واحد تتكسر منه عشان اتغاشم عليها و ييجى يقول لهم انا لمستها اتكسرت.. و اعتقد فى ناس كتير ممكن تعمل كدة
انا مصدقك عشان شبه اعرفك.. و عارف الشخصية اللى بتكلم معاها و ممكن يعمل ايه و ميعملش ايه
لكن هم بالنسبة لهم
بيقابلوا ناس من كل الانواع و ميعرفش حد فيهم ممكن يتصرف ازاى.. فهو اعتقد مش حيقدر يغيرلك حاجة ب1000 تقريبا الا لما يكون متأكد 100% ان الغلط من عنده هو..
ازاى بقى تثبت ، اكيد لو اشتدت جامد حيبقى شكل الكسر مختلف عن لو هى اصلا مكانتش متثبتة كويس و اتلمست فقامت مكسورة ..
انا مش متخيل الشكل اللى وصفته، و مش قادر اعرف هى اتكسرت ليه اصلا؟ انت بتلفها عادى، يروح العامود اللى مثبتها جوة يروح مقطوم؟ طب ليه ؟ و ازاى ؟
امم.. مش عارف اقول لك ايه، بس اعتقد مفيش حل غير انك تجيب قطعة من عربية بايظة زى ما يوكو و غمروى باشا بيقولوا.. حل انك تجيب التابلوه كامل جديد، انا لو مكانك مش حعمل كدة.. ثانيا هو دلوقتى الfunctionality بتاعة البكرة لسة شغالة ولا انت كدة ملكش تحكم فى نوع التكييف يبقى حر او بارد ؟
و الصباع اللى اتكسر دة، هل فيه اى نوع من توصيل الكهربا و لا حاجة بلاستيك ولا ايه ؟
ممكن تتصرف لو مفيش تأثير على الوظيفة اللى البكرة دى كانت بتعملها و تجيب اى حاجة تثبتها فى التبلوه و خلاص..
او لو لقيت حاجة من نفس التابلوه فى عربية تانية "استيراد" تجيب منها ..
او بقى انك تهتم بإنك تثبت انه مش سوء استخدام..