الموضوع: عملت صيانة الـ 5 آلاف للإيفـو

إخواني الأعزاء
إمبارح كان ميعاد الصيانة،

الموضوع مافيهوش اي حاجة تماما، زي مابعض الأعضاء ماقالوا!
اتصلت بيهم يوم الأثنين الماضي وحددوا لي الميعاد يوم الأحد الساعة 01:00 م

وصلت هناك (المكان علشان اللي مايعرفش: آخر شارع جسر السويس وقبل الحرفيين، في سوق كبير اسمه" سوق القنال" علي اليمين، وأول يوتيرن هاتدخل الشارع المقابل على طول، على ناصيته جامع وصيدلية اسمها "د/ نيرمين" على ما أعتقد)

ركنت العربية في المكان المخصص ودخلت الإستقبال, سيبت الرخصة واتأكدوا من ميعاد الحجز
وطلبوا مني أدخل العربية وأستنى المهندس اللي هايستلمها مني
وفي خلال 30 دقيقة، كان المهندس استلم العربية وسأل على أي ملحوظات في العربية وقلتلة على اللي عندي
قالي اتفضل في الإستراحة و هاتستلم العربية الساعة 03:30

ومن الإستراحة فوق شفت العربية دخلت ورفعوها، وبعدين واحد قعد ينفخ في الموتور بالهواء وبعد كده غسلة بالفوم، وقعد يلعب في المساحات شوية(كان بيغسل الزجاج مكان الفوم)

دخلت أصلي الظهر وطلعت مالقيتش العربية !
قلت أكيد بيكملوا في مكان تاني، واستنيت
على الساعة 03:00 سألت فني كان موجود فوق، العربية بتروح فين بعد كده قالي بتطلع الجراج بره !!!

نزلت للمهندس قالي "ياباشا كل حاجة تمام"
طيب واللي قلنا عليه ؟؟
نيجي للمشاكل اللي قلتله عليها:
أولا: مرتين أسمع صوت عالي جدا زي صوت تعشيق التروس مع بعضها من غير ماتكون دايس دبرياج على الآخر (ودي حصلت مرة وأنا بأدور العربية ومرة وأنا ماشي أثناء نقل الغيار من 2 لـ 3) قالي كل حاجة تمام وزي الفل ! كشفنا على العربية على الكمبيوتر ومفيش حاجة.

ثانيا : بقى ودي المشكلة الأكبر

بكرة التكييف (التحويل بين الساخن والبارد) اتكسرت !!!!!

باشغل التكييف على الساخن لقيتها طلعت في ايدي
افتكرت ان كان في عضو معانا مارضيش يستلم العربية لنفس السبب (وكنا فاكرين انه اهمال من اللي كان سايق العربية من التوكيل.)

ولما وريتها للمهندس قالي هانشوف زيها
وبعد ماقالي خلاص العربية خلصت، باسأله ايه اللي تم ؟ قالي ماعندناش ومابتنزلش لوحدها، لازم وش المفاتيح كله مع بعض وهاتكون بحوالي 950 جم غير الضريبة !!

قلتله هي مش في الضمان ؟ كان الرد اني استلمت العربية سليمة ودي بره الضمان !


وده اللي حصل في أول زيارة ليا للتوكيل العظيم ( أوماترا)

ياريت تكونوا استفدوا من التجربة !!

ملحوظة:
بعد السؤال على سعر القطعة اللي اتكسرت و المناقشات بخصوص الضمان، أو عدمه. ماشي من هناك الساعة 04:50 م

sorry for typing in english .... i just wantt to tell u i had ths problem with ac .... andd it was in an auto pk2 blue ... andd when i entered the car i didnt find l bakra already ... so i didnt rrecieve the car ... ad abouut fixinng it u can try uusiing UHO iguess it will work !