إلحقوا باسات الجديدة كليا ٢٠١٢ !!

**pharonicking** · 10-01-2011 07:17 PM

شكلها شرس وهجومى

**Amr_650** · 10-01-2011 08:42 PM

انا شايف انهم قلابوها اودى من ورا شوية ,,و صغروها زى البى ام الفئة التالتة ,,بس اكييييييد على الحقيقة حاجة تانية لان الالمان مش بيغلطوا وعمرهم مهيعملو حاجة وحشة

**zangry** · 10-01-2011 08:57 PM

شكلها جامدة اوى واحلى من الاديمة بكتيير

**AHMED REFAT** · 11-01-2011 10:02 AM

المشاركة الأصلية كتبت بواسطة superb

للأسف فولكس معملتش التعديلات اللى تخليها جديده كليا .. فى رأيى و رأى الناس بره انها ليست بالجيل السابع لأنها عالقه فى مواصفات الجيل السادس الحالى .. العربيه بنفس الشاسيه و نفس نظام التعليق حتى و ان قيل ان فى تعديل بس فى الريفيوهات هو هو نفس الكلام عن نظام التعليق القديم .. و من الداخل المقصوره الداخليه بنفس التصميم و المساحه مع تغير طفيف فى حاجات صغيره .. اما بالنسبه للمحركات .. نفس المحركات بنفس القوه . و فى التصميم اجد ان المصممين راجعين بالتصميم فى الأتجاه المعاكس للمستقبل .. و دا اللى مش عاجبنى بس فى نفس الوقت العربيه شكلها جميل .. و اكيد هتفرض نفسها بقوه . و احلى ما فيها انها باليل مع اضائة الفوانيس الخلفيه و الأماميه .. شكلها فوق الرائع .. و دا رأى الشخصى ...

تمام الكلام

**hossamhookman** · 11-01-2011 10:53 AM

شكلها وحش جدا
شركة فولكس بقاله ا سنتين كده مخرفين و بينزلوا اشكال غريبة

**bmw3m007** · 11-01-2011 01:13 PM

الشارع جميل اوي و الجراج تحفه
و العربيه جميله طبعا بس خساره في شوارعنا الي بتطلع بلالين في الكاوتش دي
و بمناسبة الشوارع انا مش عارف ايه سياسة المطبات الي انتشرت في المحافظات دي
عندي هنا كل كام متر مطب صناعي غبي و متخلف مش عارف بيعملوه عالي اوي ليه كده !!

**marmoraiaaa** · 11-01-2011 02:30 PM

مش دى فولكس.....!!!!!!
دى شبه الرينو الفلوينس من ورا و من قدام شبه الاسكالا شويه

**hakeemkimo** · 11-01-2011 08:35 PM

شكلها تحفة وجامعة فى ااواجهة الامامية باسات 2000 والشيروكو الحالية

**tarekfar** · 11-01-2011 08:49 PM

العربية نزلت خلاص ألمانيا من الشهر اللي فات وانا قعدت جواها هي هي من الداخل زي الباسات البي 6 مافيهاش تغيير كبير الفتيس يمكن شكله اختلف شوية يقى شكله زي بتاع الجولف الجديدة لكن دي اس جي برضه ونفس المواتير برضه، انما الشكل الخارجي اختلف من برة شكلها أقرب شويه على اودي ، والمساحة الداخلية بالمناسبة ما صغرتش العربية واسعة من جوة زي القديمة وشنطتها اعتقد كمان نفس المساحة الكبيرة

بس من وجهة نظري كمالك سابق للباسات ان العربية ما حصلش فيها تغيير يخليها جيل جديد ، والشكل الخارجي بتاعها مش احلى من القديمة كله بقى شبه بعضه من قدام هي والجولف والجيتا ... الخ

**superb** · 11-01-2011 09:17 PM

على فكره اللى فى الفيدو دا مش باسات اوروبا ؟؟ دى باسات امريكا بس تحت اسم nms (new midsize sedan) و دا عشان امريكا مفهمتش الباسات القديمه و طبعا امريكا معروف عنها انها بينزلها كل حاجه مختلفه ... يعنى فى امريكا فى تغيرات فى تصميم التابلوه و اشكال و اماكن الزراير و كمان اللى ياخد باله من الصور لغو الفرامل الكهربائيه و بقت هاند عاديه و بالنسبه لأمريكا هتنزل بمحركين فقط هو محرك 2.5 و دا بقوة 170 حصان و محرك تانل 3.6 و دا 6 سلندرات بقوة 280 حصان و دا اقوى محرك فى امريكا و الناس بره مش عاجبهم دا لأن الباسات القديمه كانت بتنزل بمحرك اقل حاجه 2.0 تيربو بقوة 200 حصان. و حاليا مفيش دفع رباعى اللى هو الفورموشن زى الباسات القديمه حتى اشعار اخر من فولكس هتكون جر امامى فقط .. و فى التصميم الخارجى باسات امريكا مثلا مكان لوحات الأرقام ورا فى بابا الشنطة ولكن فى نسخة اوروبا زى الحاليه اللوحات مكانها فى الأكصدام و كمان فى اختلافى فى الفوانيس الأماميه و بعض الخطوط الجانبيه و كمان الحجم اكبر .. مع العلم ان سعرها هيقل و هيكون فى حدود 20 الف دولار فى حال القديمه كانت ب 28 الف دولار .. و هنا نقول ياترى العربيه هتكون كفء و محترمه زى سابقتها على الأقل ولا هتفتقر لحاجات كنا نتمناها فيها ... ؟؟ لأن 8000 دولار دا رقم

:)