فاكر مدرستك؟

**shady_elkady** · 31-03-2008 10:32 AM

اسماء فهمى الاعدادية كانت ايام جميلة بس المشكلة كانوا بيحبسونا كتير لان المدرسة خلف سفارة اسرائيل فكان دخلنا و خرجنا بحساب و مرة مدرس الالعاب ضحك عليناو قلنا هعملكوا رحلة جامدة جدا و كانت ب 20 جنية تخيلوا و دانا فان ودانا حديقة الحيوان الى ادام باب المدرسة خدنا طابور و عدنا الشارع و دفع تذاكر لينا و دخلنا و سبن :)ا

**Sharky** · 31-03-2008 11:28 AM

حضانة فى الكريت
إبتدائى فى مدرسة عمر بن الخطاب - مصر الجديدة
إعدادى فى الكويت
ثانوية عامة - مدرسة طبرى الحجاز - مصر الجديدة

**حماده عزو** · 31-03-2008 11:46 AM

أبتدائى مدرسه الأصلاح الأبتدائيه المشتركه
أعدادى مدرسه حسنى مبارك النموزجيه هاهاهاهاها
ثانوى طنطا الثانويه
أبتدائى كانت أيام هنا أنا وأخواتى كانت خالتى مديره المدرسه
وحاسب يا جدع أكل وشورب ومواصلات كله فى السليم
ووسع لأين أوخت المديره

**Noha.M** · 31-03-2008 11:52 AM

:)

كانت اجمل ايام والله بالنسبة لي

انا كنت فى victoria college من اول حضانة لحد ثانوى و كنت انا و اخويا و بنت خالتى و ابن خالتى بنروح

مع بعض فكنت بحس انى رايحة رحلة مش رايحة المدرسة

**معاذ الشرباصى** · 31-03-2008 11:58 AM

انا كنت فى العروبة للغات فى المعادى من nursery حتى IGCSE

كل العيلة هناك, عماتى و عمى و خالاتى كمان

بس كانت ايام جميلة جدا

**mokhtar** · 31-03-2008 12:49 PM

انا حضانه وابتدائى واعدادى فى مدارس الايمان الاسلاميه اما ثانوى فى دمياط الثانويه العسكريه والفرق بين شخصيتى فى المدرستين من السما للارض الاولى مدرسه اسلاميه بتزرع القيم والمبادىء والتانيه فيها كل الشعب بجميع اشكاله ..فى الثانويه كنت ..مزوغاتى كبير ..وكنا فاتحين فرع لمدرسه المشاغبين فى المدرسه والشغب كان على مستوى عالى ..تقريبا اللى عملناه فى المدرسين يتوع ثانوى بيطلع علينا لحد دلوقتى ..واكيد كان نفسى استمر فى المدرسه الاسلاميه بس للاسف مافيهاش ثانوى

..mokhtar..

**emadkamel** · 31-03-2008 02:26 PM

المشاركة الأصلية كتبت بواسطة sahtot

يااااااااة ايام المدرسة بص يا معلم دية زكريات هستربع واحكى فى الابتدائى كنت فى مدرسة اسلامية اسمها ابو بكر الصديق وفاكر ابلى هيا كانت زنجية بس عسل والله كان بييجى حنطور يضربلى بالكرباك انزل هواياتى المفضلة كنت انا وواحد صحبى نقعد نكعبل العيال فى الفسحة طول الفسحة نخلى الناس تجرى واحنا نكعبل اة وكنا ههه فاتحيم حساب مع محل جمبنا كنت كل يومافضى الزمزمية بتاعتى من المية واحط كوكاكولا كان ب 40 قرش :) فى الاعدادى كنت فى مدرسة الحديثة وكنت كل يوم اتشاكل مع الناس وكنت بقدس تحية العلم وكنت بقف زى الاسد اصلى كنت عاوز اطلع ظابط بس مكنتش بعرف ازوغ اصلى كنت تخين فى سنة 3 بدأت ازوغ وانط السور وفى الثاناوى كت فى مدرسة العسكرية ماكنتش بحضر وكنت علطول بزوغ ولما كنت بخش كنت بأخد الوجبات بتاعت التغزية ديو واقعد اضربها فى السبورات بتاعت الفصول انا والعيال اصحابى ولجبنة على اللوح كنت عامل انقلاب فى المدرسة هههههه ومرة كانوا بيلعبوا ماتش نهائى كأس مدرسة العسكرية كورة واتشاكلت فى نص الملعب والمتش باااظ بسببنا كانت ايام هبلة والله :) وكنت غاوى اروح اقف للبنات فى فسحتهم اصل مدرستهم جمبنا واقد اظبطهم بقا والى يظبط اكتر يبق صايع اكتر يالهوى ايام ومن ثم الى الكلية وما ادراكم ما الكلية عاوزة مقالات لواحدها :)

ايه يابنى ده ؟؟؟!!!!! انت ليك تاريخ مشرف !!! يضعك فى الصفوف الاولى مع آل كابونى :) :)

**emadkamel** · 31-03-2008 02:33 PM

انا اخدت بالى دلوقتى بس انى ماكتبتش حاجه عنى انا :) :) منهى الفضول!!!!

المهم انا من حضانه لثانوى فى سانت فاتيما الحجاز .... كنا لغايه اعدادى كده شباب فرافير أخرنا نادى الشمس وشويه خناقات على خفيف مع طبرى الحجاز وكنا بنقطعهم ( ..... دى جمله استفزازيه فقط علشان نشجع اى حد من طبرى الحجاز يتكلم :) :) )

فى ثانوى الموضوع اتطور شويه وخصوصا فى ثانويه عامة لما المدرسين بقى مالهمش لازمه من وجهة نظرنا (مافيش اعمال سنه وكلنا بناخد دروس خصوصية) ... انا فاكر مره مدرس "اتضايقنا" منه حطيناله سكر فى تنك البنزين ونيمناله الاربع عجلات وكسرنا الازاز وفكينا الدركسيون !!!

**hamedo0** · 31-03-2008 02:43 PM

ابتدائي واعدادى في مدرسه الحريه وثانوى عام في المدرسه ابن خلدون
ابتدائي كنت هادى معاده حصه الالعاب كنت باقف جون
اعدادى برضو هادى مع ذباده الرخمه شويه كنت بحب ارخم الاساتذه بتعوعي وبرضو جون الفصل ومدرسه في تالته اعدادى
في ثانوى حدث ولا حرج كنت بزيط في الزيطه في مره كنت مزوغ ورحت العب طاوله علي القهوه واقدامي كوب الثحلب ولاقي الوالد الله يرحمه بيخبت علي كتفي يقوللي معاك تحاسب ولا احسابلك:D