http://www.nilemotors.net/Nile/165076-17.html
عرض للطباعة
العيوب هى عضه فى المارشيدير ومش موجوده على طول مش عارف بقى علشان العربيه لسه جديده وحتروح خالص ولا لا
سخونة الدواسه ظهرت معايا مره واحد فقط فى الشهر ونص اللى اشتريتها فيها
صوت الماتور عالى واسمع من الاعضاء هنا انه حيقل بعد 3000 كيلو
وبالامانه هى دية العيوب اللى لاحظتها ومش مضايقانى كمان فى حاجه وشايف انها احسن قيمه مقابل السعر اللى بيندفه فيها
هي الفكره مش عيوب أو أي كلام من هذا القبيل و لكن الموضوع كله إن وحوش اللوجان عندهم أمانه و ضمير جامدين أوي في الوصف و التحليل و التدقيق لكل شيء في اللوجان لدرجة إن أي حد يقرا إللي مكتوب يفتكر إن العربيه تعبانه و مليانه مشاكل و لكن للأمانه كل إللي مذكور عن اللوجان يعتبر ملاحظات و ليست عيوب مزمنه في السياره مثل سخوبه عند الدواسات "التوكيل بيحلها في أول زياره" و للعلم الموضوع ده انا ما حستش بيه نهائي و العربيه معايا بقالها 14 شهر "27 ألف كيلو" و كمان صوت الموتور العالي "بيهدا بعد أول 5000 كم و هو أصلا مش عالي للدرجه لأنك لو مشغل الكاسيت مش حتسمعه". و للأمانه أيضا المشكله الوحيده إللي كانت موجوده هي عضة المرشدير و تم حلها ايضا بدون أي مشاكل في التوكيل وبدون أي تكلفه و بالإضافه إلى ذلك الدفعات الحديثه تم علاج الأمر من المنبع و ده يديك إيحاء بإن الناس دي محترمه و عموما ربنا يوفقك للخير دائما و أنا ليا رأي إن كل السيارات الجديده حلوه و كويسه و لكن حدد إمكانياتك و متطلباتك من العربيه قبل ما تشتري و توكل على الله و لكن لما تطلب النصيحه أكيد مش حنتأخر عليك في أي شيء.
شكرا على الرد السريع و ديه حاجة متوقعة من وحوش اللوجان
معلش هاكون تقيل عليكم بس أنا سمعت أن فيه لوجان اوروبي ومغربي فـهل فيه فرق بين الاتنين في الكفاءة و السعر
وكمان هو في مصر الي بيتباع انهو فيهم في المعارض أو التوكل وبعرف الفرق بينهم منين .
ليا اتنين زمايلي كانوا في نفس حيرتك اخدت كل واحد فيهم مرة و ركبته كان بيقولي سمعت و سمعت قلتلوا جرب و بعدين نتكلم
التنين جابوا لوجان ههه