مساعدة في اللوجان

**islam_soliman** · 11-01-2011 06:33 PM

أنا ناوي اجيب عربية بس محتار . فى ناس نصحتني أني اجيب اللوجان أو لانوس بس أنا متحيز لي اللوجان
كنت عاوز اعرف اللوجان إيه أخبرها لاني لقيت تناقض غريب في كلام الاخوة
ناس بتقول فيه عيوب في الكماليات بتاعت العربية ومشاكلها كتير [ سخنة عند الرجلين وصوت المتور عالي و التكيف مش جامد ] وناس تاني بتقول العربية زي الفل ومفيهاش مشاكل
بس الكل اتفق على أن العربية في العفشه و الثبات انها كويسة جدا وبرده أن قطع الغيار غالية
فأنا عاوز اعرف حد يكون عنده اللجان من مدى ويقولي عاملة إيه معاه لو سمحتوا و شكرا

**dedoes6** · 11-01-2011 07:30 PM

انزل جربها فى معرض او لو حد تعرفه جابها تسوقها لفتين و تعرف اخبارها ايه
و نصيحه بلاش تاخد على كلام اى حد لانه مش حاسس بيك و مش حاسس بفلوسك و عشان مترجعش تقول انا ندمان
و اللوجان كماليتها معقوله و مفيش سخونيه و التكييف كويس
اللانوس بقالها كتير فى السوق و عيوبها و مميزاتها معروفه وهى عربيه محترمه برضو

**islam_soliman** · 11-01-2011 08:12 PM

شكرا على الرد السريع بس للاسف مفيش حد اعرفه عنده لوجن عشان اجربها :(

**MOUSTAFA_SAAD** · 11-01-2011 08:22 PM

اللوجان كويسه جدا وعيوبها معروفه وبتتعالج ومش خطيره اوى يعنى

**nour_nrc** · 11-01-2011 09:12 PM

المشاركة الأصلية كتبت بواسطة islam_soliman

أنا ناوي اجيب عربية بس محتار . فى ناس نصحتني أني اجيب اللوجان أو لانوس بس أنا متحيز لي اللوجانبصراحة عندك حق
كنت عاوز اعرف اللوجان إيه أخبرها لاني لقيت تناقض غريب في كلام الاخوة
ناس بتقول فيه عيوب في الكماليات بتاعت العربية ممكن الناس دي تقولنا زي ايه؟ ومشاكلها كتير [ سخنة عند الرجليندي كانت خلاص في الموديلات 2010 ووكانت الناس بتركب في التوكيل عازل حراري ببلاش وخلاص مشكلة واتحلت من الاصل وصوت المتور عالي ده في اول 3000 ك بعد كده بيهدي خالص و التكيف مش جامدياراجل ده في ناس بتقول شعر في تكييف اللوجان ] وناس تاني بتقول العربية زي الفل ومفيهاش مشاكل انا واحد منهم الحمد لله
بس الكل اتفق على أن العربية في العفشه و الثبات انها كويسة جدا وبرده أن قطع الغيار غالية قطع الغيار بدات في الانتشار تاني حاجة انت بتشتري عربية ربنا يحفظها ليك مش حتفكر في قطع غيار قبل سنتين تلاتة
فأنا عاوز اعرف حد يكون عنده اللجان من مدى ويقولي عاملة إيه معاه لو سمحتوا و شكرا

الحمد لله معاي كويسة والحمد لله بارك الله فيما رزق

بص علي عيوب الانوس مع منصور وشوف العربية عاملة ايه مع الناس

وخد جولة في قسم اللوجان حتلاقي شرح وافي من الاعضاء

بصراحة انا لولا اني عند شغل الايام دجي كنت خليتك تجرب العربية بنفسك

واخيرا ربنا يوفقك لما فيه كل خير
مع خالص تحياتي
اخيك
د.نور