خد بالك

**mertahgedan** · 12-01-2011 05:09 PM

اخواني الاعزاء طبعا كلنا والحمد لله أقل حاجة وأخدين ثانوية عامة يعني متعلمين المفروض ان احنا بنتعلم من الآخريين يعني الطريقة اللي يتسرق بيها عضو ميتسرقش بيها حد تاني . نعمل أيه بقي في زمن يتسرق فيه رمش العين وأنت مفتح .أولا أتأكد دايما ان الزجاج مقفول ثانيا رخصة العربية متسبهاش في العربية خليها معاك ثالثا متسبش العربية شغالة و تكسل تطفي العربية لقرب المسافة و اللي عنده نصيحة يقولها

**osama.m** · 12-01-2011 05:24 PM

و متسيبش حاجة ملفته في العربية .. شنطة مثلا او ظرف حتى لو كان فاضي .. وحاول تركب جهاز انذار
و لو هتسيب العربية في مكان اعمل لوك للدركسيون

**mohamed_e36** · 12-01-2011 05:27 PM

فعلا والله الواحد لازم يتعلم من اخطاءه واخطاء الناس التانيه وخد عندك
اي حد جي يشحت منك وانته في العربيه متطولش معاه في الكلام وانت لان ممكن يكون في حد معاه من الناحيه التانيه من الشباك التاني وبياخد حاجه من العربيه
موبيلك ومحفظتك دايما في جيبك ولو عندك لاب متسيبهوش في العربيه تماما
تنزل من العربيه تقفلها ايا كانت المسافه اللي رايحها .. قريبه من العربيه او بعيده
هيا كلها حاجات بسيطه بس احنا بنكسل نعملها بتفتح للحرامي الباب انو يسرقك

**M.Alaa92** · 12-01-2011 06:42 PM

ولو راكب لوحدك العربية تفتح الزجاج اللى بجانبك فقط لان لو فىة حاجة جنبك او وراك و الزجاج مفتوح وواقف فى اشارة فيبقى الله يعوض عليك
يستحسن تقف السنتر و انت ماشى

**rompo10** · 12-01-2011 07:45 PM

ربنا يسترها علينا

**mertahgedan** · 12-01-2011 08:29 PM

ربنا يسترها معانا كلنا و يكفينا شرها .أنا شايف ان احنا اللي بنسمح للحرامية يسرقونا مش بسبب عيب فينا لا لا لكن بطيبة قلبنا المثل قال حرص ولا تخونش كلنا بنشتكي من الحاجات المغشوشة طب محدش فكر في طريقة تساعدنا في محاربة الغش أنا من رأى ان أي منتج بلاستيك قبل رميه ننزع الورقة الدالة علي اسم المنتج من عليه مثلا جركن الزيت موبيل قبل ما ترميه شيل اللزقة اللي عليه و هكذا