علبــــــــــة الشــكـمــان

**zalantaheee** · 12-01-2011 10:52 PM

السلام عليكم يا رجالة

اناعاوز اعرف

1) علبة الشكمان اللي في النص دي ليها علاج غير التغيير لأنها غالية حبتين مش عارف ليه 300 جنيه يعني !!!

المصفة او المصافي بتشخلل و بتعملي حفلة ع الصبح اول ما ادور العربية

سؤال كمان

2) هو في حد غيري هنااااا راكب فيكترا و بيغيرلها حساس كامة كل 15 يوم ؟؟؟
أنا قربت افتح حساب تبرعات يا جدعااااااااان

3) كمان بحس ان كل ما اجي ازود بنزين و انا ع الطريق علي سرعات ...زي مايكون العربية بتفضل مع كل دوسة انها بتسقط غيار و كأني بعمل كيك داون

4) هو ليه في دخنة بيضا ورا بسيطة

5) ليه العربية بقت ناشفة معايا من قدام بالذات مش لونه زي زمان في المطبات و الطريق و ع الدائري ترزع في مطبات الهوا

6) الدريكسيون مش ناعم....بيعض عضة بسيطة لما تلفه

بالله عليكم شوفولي حل عملي بعيد عن التغيير ...للأجزاء الغالية

أريــــــــــــــد حلا

عملي و بسيط لو ينفع اذا وجد :)

و شكرا مقدما

**romany777** · 12-01-2011 10:58 PM

لمصفة او المصافي بتشخلل و بتعملي حفلة ع الصبح اول ما ادور العربية

عندى نفس المشكله دى برضو لو وصلت لحل ايقى قولى

**cayman69300** · 12-01-2011 11:36 PM

هو فى حل ممكن يتعمل
العلبة بتتفور زى الخزنة كدة و يلحم التكرير اللى جواها و بعدين يقفل العلبة تانى
و بينى و بينكم دة اسمة عك
الشغل الصح انسف علبيتك القديمة
ههههههههههه
و قبل ما انسى انا عندى نفس المشكلة و العلبة اللى عندى الجى ام بتاعة العربية و معنديش استعداد انى اغيرها حتى لو الموتور وقع من العربية
كدة مية مية و تشخلل زى ما هى عايزة و لو رسيت اركب فيها علبة سمنة البقرة الحلوب و برضوا مش هغيرها
ههههههههههه
عربيات زبالة

**islambana** · 12-01-2011 11:42 PM

1-بالنسبه للعلبه غيرها احسن وممكن تشوفها استيراد نضيفه هتبقي في حدود 100 الي 150
2-لا طبعا مفيش اكيد انت عندك حاجه غلط في الضفيره خلي حد بيفهم يراجع علي الضفيره ولو سمحت انا عاوز حساس كامه من الحساسات القدام هجرب عليه حاجه
3-مش فاهم قصدك طيب عداد الاربي ام يتغير يعني بينزل مثلا 2000 او 3000 لفه اقل ويطلع تاني ولا ايه
4-طبيعي يبقي فيه دخنه بيضاء في الشتاء وده نتيجه تكثيف بخار المياه وبيبان في البرد زي لما تمسك كوبايه شاي سخنه وتخش يها البلكونه الصبح هتلاقي دخان ابيض
5-6 مالهومش حل غير انك تكشف علي البطاحات وتغير علبه الدريكسيون عندك لو كانت بايظه يعني بأختصار اكشف عند عفشجي نضيف

**caboo_1** · 13-01-2011 01:10 AM

الرجالة قالو اللى عايز اقولوه تسلمه يا احلى عصابة

**tananybasha** · 13-01-2011 04:29 PM

و مين قال ان الحساسات دى كلها بايظة
و الدخنة البيضا لو فى الجو شبورة عادى
مفيش يبقى الموتور خفيف
العلبة خلى بتاع شكمانات يشيلها و يوصل بدالها ماسوره لو عايز تلغيها
العضة دى يا بطاحات
يا بارات طرف بايظه

**Amr_650** · 14-01-2011 12:24 AM

انا غيرت العلبة + الشكمان - العلبة كانت استثمارى و الشكمان كان جى ام اصلىىىىىىىىىى بنفس الختم اللى كان على الاصلى

العربية بقت جامدة اوى و سحبها بقى تمام وبقت ناعمة جدا ,,و الدخنة راحت

غيرتها ب 400 جنية بس بالتركيب التمامممممممممممم

فكترا بى 98 1600

**zalantaheee** · 14-01-2011 01:43 PM

انا كدا محتار

بس شكلي هاغيرها بس يا اسلام باشا هو فين السعر دا :(.....انا عاوز علبة تكون نظيفة عشان متتكررش المشكلة دي

1- انت دايما بتقوللي اسعار حلوة جدا بس ساعة التنفيذ مش بلاقي حد بينزل بالسعر دا....حتي بعد الفصال.....عالعموم قوللي اجيبها منين تحديدا ربنا يكرمك لو تعرف حد

2-الحساسات موجودة في اي وقت تحتاجهم قوللي دا رقمي 011.9.6666.52 بس هو ينفع اروح مقار و اعمل الكشف كامل دا و يبقي يراجعوا ع الضفيرة كاملة كلها ؟؟

3- عارف لما تعمل كيك داون خفيف ؟؟؟ هو كدا بالظبط...و كمان العربية مبقتش ترجعني ع الكنبة اللي ورا اول ما ادوس كيك داون....مجرد سحب معقول + الصوت بتاع الموتور لما يعلي في الكيك داون

4- جميل موضوع ان احنا في شتاء بس لو عاوز اتأكد ان الموتور مش خفيف زي ما طناني باشا بيقول اعمل ايه ؟؟ و هل بيبان بردو في الكشف بتاع مقار ؟؟

5- انا هاغير البطاحات ماشي و بارات الطرف ماااااشي بس علية الدريكسيون اللي ب 2000 و شوية دي .....صعب فعلا....هي استيراد بكام و ازاي اعمل تشيك عليا انها سليمة ؟؟؟

ناولني الزبد يا اسلام باشا يا مزبطني d:d:d:d:

نفسي اشوفك و الله و تيجي تجيبلي قطع الغيار بنفسك بالمرة أكيد انت ليك تأثير علي ولاد الـــ...... دول , بجد الأفتراء وحش d:d:d:

**islambana** · 14-01-2011 02:08 PM

بص ياباشا اهم حاجه في الاستيراد انك متحسسش التاج انك محتاج الحاجه يعني تسأل علي كذا حاجه قبلها وتفاصل فيها وبعد كده تسأل علي اللي عاوزه في وسط الكلام هيديك سعر حلو تروح تفاصل بقي من السعر ده معجبكش سيبه
مش عارف بصراحه مشكلتك دي ايه بتات الكيك داون
وكشف مقار بيبقي شامل كل حاجه حساسات وقياس كبس الموتور وكده بس مش هيراجعولك علي الضفيره غير لو طلبت ده وبمصنعيه لوحده لان ده كشف مش صيانه
علبه الدريكسيون ب800 علي فكره استيراد نمره واحد ده للفيكترا 97 معرفش عندك نفس السعر ولا بتختلف بس بيتهيألي هي هي وماتجيبهاش جديده لان ام 2600 دي صيني علي فكره وفيه ب3600 دي من التوكيل وبرازيلي