عايز اشترى زينون

**alaakamal** · 12-01-2011 11:38 PM

[overline]
السلام عليكم ,,

انا علاء من الهرم و عندى عربية بيجو 406 موديل 2006 و النور بتاعها ضعيف جدا لدرجة ان انا غيرت الفوانيس الامامية مرتين من التوكيل و دفعت بتاع 3000 جنيه و بردو ضعيف سألت الناس قالولى ركب زينون و كل واحد يقولى مش عارف ركب نوعه ايه و شكله ايه و كده بس انا حبيت اخد رأى احسن منتدى عربيات فى مصر الاول قبل ما اعمل حاجة

دلوقتى المطلوب عشان مطولش عليكوا

1- عايز اغير النور العالى " بمعنى النور الواطى و المتوسط زى مهما عايز العالى بس هوه اللى زينون "

2- فوانيس الشبورة عايز اغيرها زينون بردو

مع العلم انى مش فارق معايا السعر اوى المهم حاجة تكون نضيفة و بتعيش

سؤال اخير : انا سمعت ان الزينون بيضعف مع الوقت و على سنة كده بينتهى خالص و بتغيره الكلام ده صح ؟

يا ريت ونبى تفاصيل عشان انا معرفش يعنى ايه زينون اصلا :)

و شكرا جدااا مقدما
[/overline]

**evram** · 13-01-2011 12:10 AM

بص شوف الموضوع ده هيفيدكhttp://www.nilemotors.net/Nile/19366...rsion-kit.html ده انضف زينون في مصر

**alaakamal** · 13-01-2011 12:18 AM

المشاركة الأصلية كتبت بواسطة evram

بص شوف الموضوع ده هيفيدكhttp://www.nilemotors.net/nile/19366...rsion-kit.html ده انضف زينون في مصر

انا متشكر ليك جدا يا باشا على سرعة الرد

و ياريت اشوف اراء اعضاء كمان عشان تعم الفائدة

**elewey** · 13-01-2011 12:26 AM

فى راى الشخصى هات لمبات لمبات واط عالى زى ( اوسرام نايت بريكر ) او فيلبس رالى و ركب كتاوت و حتبقى زى الفل الزينون عيبه المخالفات بتاعته فى المرور

**Deshahcoka** · 13-01-2011 12:32 AM

المشاركة الأصلية كتبت بواسطة elewey

فى راى الشخصى هات لمبات لمبات واط عالى زى ( اوسرام نايت بريكر ) او فيلبس رالى و ركب كتاوت و حتبقى زى الفل الزينون عيبه المخالفات بتاعته فى المرور

جديدة ديه ! المخالفات في المرور ؟ يعني العسكري بياخد نمرة العربية و يكتب زينون ؟!

**alaakamal** · 13-01-2011 12:44 AM

هوه فعلا الزينون المرور بيعاقب عليه بس انا قلت حخلى العالى بس هوه اللى زينون عشان انا مش بشغل العالى الا فى سفر او لما بكون محتاجه و فى العادى بشغل النور العادى و لو مشغل الزينون و شفت لجنة اروح مشغل الواطى

بس انا مش فاهم يعنى ايه لمبات واط عالى دى بس اللى انا اعرفه ان الزينون اقوى حاجة و اضمن حاجة و اشيك حاجة

**evram** · 13-01-2011 05:34 AM

لمبات عاليه زي فيلبس رالي في البموضوع دهhttp://www.nilemotors.net/Nile/83963...ips-rally.html

**alaakamal** · 13-01-2011 04:12 PM

طيب دلوقتى انا عايز اركب الوينون الفيليبس اللى موجود فى اللينك بتاع حضرتك عايز اعرف ينفع اركبه على العالى بس و اجيبة منييييييين !!

**astraman** · 13-01-2011 07:53 PM

بص يا اخى عاوز النصيحه...اقولك
سيبك من اى حد يقولك اى حاجه بخلاف الزينون...دا كلام من الاخر وعن تجربه فى الشبوره السوده اللى كانت الايام اللى فاتت...فعلا الزينون مفيش اى حاجه زيه...لدرجه انى كنت مركب عالى وواطى وبعد ماعرفت قيمته فى الشبوره...نزلت غيرت الفوجات كمان لزينون...هى صحيح مدتنيش نفس كفاءة ولا ضوء الزينون اللى فى الفوانيس بتاعة العربيه برغم ان نفس الطقم هو هو اللى كان راكب فوق نزلته تحت واشتريت طقم تانى فوق...اعتقد السبب ان الفوجات دايما بتتوسخ من الطريق زائد ان الفوجات عندى مهياش بتلمع اوى لأن الازاز بتاعها مش فلات عشان عربيتى قديمه موديل 97
اما تشترى نوع ايه اقولك تجربتى...انا ركبت من سنتين واحد عالى وواطى من دمشق دفعت فيه 750 جنيه وكان من وقت للتانى يعمل حاجات مش ظريفه ...لمبه تطفى لوحداها وحاجات من دى بس عامه اداءه مكانش عاجبنى عشان اول ما بتنوره بيبقى ضعيف وبياخد حوالى 5 ثوانى عشان نوره يبقى قوى مع ان سعره 750...لما نزلته فى الفوجات اشتريت 2 موديول لقيتهم عند واحد بتاع اكسسوار وخدتهم بالضفيره من غير اللمبان ب 150 جنيه ايوه والله 150 جنيه وركبتهم على نفس اللمض اللى كانت عندى وبصراحه احسن الف مره من ابو 750 جنيه...هتقولى طيب هيعيش اد ايه...دا بقى فى علم الغيب ومش هتفرق دا الراجل بيبيعه كامل باللمبات ب 280 جنيه.
لكن لو عاوز راى فى الفليبس اللى موجود فوق بصراحه مفيش حد يقدر يختلف عليه هو صحيح غالى 1750 جنيه بس مفيش حد عاب عليه...طبعا الاختيار ليك...وفى جميع الاحوال كله هيبقى زى بعضه الغالى والرخيص لو انت فوانيسك مفهاش عدسات ودا موضوع لازم تاخد بالك منه جداااااااااااااااا

**elewey** · 14-01-2011 12:07 AM

محدش قال يا استاذى ان اللمبات زى فيليبس رالى حتبقى زى الزينون اكيد الزينون اقوى بس مع الاسف انا اروح كل سنه عشان اجدد الرخص الاقى مخالفات على الزينون بتمنه مرتين وعلى فكرة فعلا اى عسكرى فى الشارع بياخد النمرة و انتا ماشى لو مشغل الزينون اظن دة بردة مش معقول ولا ايه