انا رحت المعرض ده امبارح
دخلت بدون دعوة وبدون ملابس رسمية
اصلا الشركة عندي هي اللي عاملة جناح gm
بس على ماروحت بعد الشغل لقيت كل زمايلي اللي معاهم دعوات مشيوا
فقعدت اتنطط شوية وحوارات شوية لحد لما عرفت ادخل
المشكلة انك بتعدي على بوابتين علشان تعرف تدخل
ملاحظاتي المتواضعة :
لا يوجد أجنحية ل لا ميتسوبيشي ولا تويوتا ولا هوندا ولا بروتون!!!!!!!
حاسس ان الاجنحة فقيرة شوية مش عارف ليه
ماعدا اجنحة العربيات العالية زي الجاكورا ولميني كوبر والمرسيدس وكل العربيات زاد الرفاهية العالية
لقيت جناح مش عارف بتاع ايه بالظبط كان حاطط لانسر القرش
اشتريت شوية منظفات وملمعات طلعت مضروبة ورميتها
في شركة مش متذكر اسمها بالظبط عندها فرش سيارات بس رائع بجد
بالنسبة لجناح نيسان عاملين حاجة حلوة جدا
فيه لوحة كبيرة جدا لو وقعت فيها زائر الشركة بتدفع عنك 10ج لصالح جمعية خيرية (مش متذكر الاسم) كل اللي عليك توقع بس
حاطين عربية نيسان صني أعلى فئة ب 101000 زجاج فياميه فابريكة وبترخصها زجاج ملون بس عربية رائعة ومغيرين في الفوانيس الخلفية بتاعتها
التحفة بجد واللي هتنح لما تشوفها القاشقاي
تركب جواها تنسى نفسك من الرفاية والمتعة
مواصفاتها : 1600 سي سي و 118 حصان وجنوط 17 وسقف بانوراما الحجز من الان والتسليم بداية من مايو 2011
انا وقفت قدام العربية دي أكتر من نص ساعة شفت ناس كتيرة جدا كانت عايز تحجز على طول
مفيش بنوك عارضة هناك غير البنك الوطني للتنمية وفائدة 9.5% طبعا كتير جدا
الاكسنت الجديدة تحفة بجد بس تحس ان في حاجة غلط
كان نفسي اطلع جناح ال 4*4 بس الوقت ما اسعفش
كان في جناح المصرية للسيارات كل اللي واقفين فيه محدش فاهم حاجة وبيدولك عناوين الفروع وخلاص
انا شايف ان معرض اوتوماك اقوى بكتير
وفعلا في هرجلة جامدة جدا عند بوابات الدخول
المفضلات