الموضوع: جهد المقل مقارنة شاملة للسيارات السيدان في الفئة السعرية من 65 الى 70 الف جنيه

السلام عليكم و رحمة الله
تحياتي الى كل اعضاء منتدانا الجميل
في البداية احب اقول ان المقارنة دي هي تقربيا خلاصة تفكيري في البحث عن عربية جديدة لوالدي بعد عدة تجارب مع عربيات مستعملة واني بنيت المقارنة دي على الاسعار والامكانيات الحالية للعربيات في بداية 2011
و ارجو ان يكون مجهودي فيها خالص لوجه الله عز و جل و وسيلة اساعد بيها غيري من الحائرين في الاختيار و شئ ارد بيه النفع للاعضاء الرائعين اللي استفدت منهم كتير في المنتدى المحترم ده
احب اوضح بعض النقط في البداية عشان الناس تستفيد بيها ان شاء الله
- المقارنة هي رأيي الشخصي و تقييمي المبني على القراءة و اراء اعضاء المنتدى فقط مع تجارب بسيطة جدا لبعض العربيات و لكن ان شاء الله ممكن يكون في تعديل كبير فيها بعد التجربة الحقيقية للعربيات و الاحتكاك الفعلي باصحاب الموديلات دي و ده اللي ناوي عليه في الفترة اللي جاية ان شاء الله
- حبيت المقارنة تكون بين الموديلات الكاملة من غير تخطي للسقف السعري اللي انا محدده و هو 70000 جنيه
- حاولت استوفي كل النقط اللي الواحد بيفكر فيها لما يجي يشتري عربية زيرو و خليت لكل نقطة تقييم منطقي بالدرجات و ده ساعدني على تمييز كل عربية بميزاتها و في نفس الوقت مفيش نقطة تطغى على الباقي في الاختيار
- تقديري لدرجات كل نقطة هو تقدير شخصي و كل واحد ممكن يعدل في الدرجات دي على حسب ظروفه و تفكيره فمثلا نقطة اعادة البيع على اهميتها قدرت ليها 5 درجات بس لاني بفكر احتفظ بالعربية فترة طويلة و لكن ممكن اللي بيفكر يبيع بعد سنتين تلاتة يزودها الى 10 درجات مثلا
- في بعض التفاصيل اللي احب اوضحها قبل قراءة المقارنة بتوضح منطقي في وضع الدرجات لكل نقطة
اولا السعر: 5 نقط......65 الف او اقل
0 نقط......70 الف يعني كل ما السعر زاد كل ما النقط تقل
ثانيا الشكل :و ده طبعا هيختلف حسب الميول الشخصية و حبيت ادمج فيه الخامات و التقفيل لاني شايف انهم جزء كبير من مظهر الصالون و العربية بشكل عام
ثالثا الاداء: وده الجزء اللي احب خبراء المنتدى يشاركوني في اعادة تقييمه من واقع الارقام المؤكدة و تجاربهم الفعلية و تقييم المالكين و انا جمعت النقط لكل عربية من اصل 80 نقطة و بعدين قسمت على 4 عشان يكون التقدير المجمل للاداء من 20 نقطة
رابعا الاتساع و استهلاك البنزين : و دول نقطتين معتمدين اساسا على التقدير المنطقي لاصحاب العربيات و الدرجات اللي حطيتها كانت معتمدة على اراء الاغلبية في كل موديل بعيدا عن الامور الفردية
و اخيرا احب الجميع يراجعوا المعلومات اللي موجودة في المقارنة و يصححوا اي خطا موجود زي وجود كمالية زيادة مذكرتهاش او اختبار تصادم اوروبي للعربيات الصيني مثلا عشان تكتمل عوامل التقييم
طولت عليكم لكن ارجو ان الجميع يقرأ المقارنة و يشاركنا برأيه و بشكر فعلا كل الاعضاء اللي استفدت بخبراتهم و بتقييماتهم في تجمييع المقارنة دي و اسيبكم مع المقارنة و السلام ختام

انا رفعت الملف على الموقع اللي الاخ ذكره و حطيت الرابط هنا عشان الناس تشوف المقارنة و يا ريت لو اي حد يقدر يعرض الجدول هنا يبقى جزاه الله كل خير و كل ده في انتظار الجدول الجديد بعد التجربة الفعلية للعربيات و التقييم العملى ليها
مقارنة العربيات من 60 الى 70 الف.docx