تحفة أبو الفتوح إسبرانزا a620

**ahmedatef2008** · 15-01-2011 09:20 PM

طاب متحكلنا على تجربتك خلى الناس تستفيد بدل ما إحنا شغلين موبيل صيني ونوكيا

**egypt0777** · 15-01-2011 09:39 PM

المشاركة الأصلية كتبت بواسطة ahmedatef2008

طاب متحكلنا على تجربتك خلى الناس تستفيد بدل ما إحنا شغلين موبيل صيني ونوكيا

انت عاوز تقلب علينا المواجع ليه بس

**egypt0777** · 15-01-2011 09:50 PM

بص على الرابط ده -- مع كامل الاعتذار للاستاذ الفاضل هوجن --

http://www.nilemotors.net/Nile/150504-egypt0777.html

**kamalsalem** · 15-01-2011 10:12 PM

يا جماعة نقول كمان مرة عشان الموضوع يمكن في ناس مشافتوش أول مرة

نفس العربية اللي بتتكلموا عليها الاسبيرانزا الكبيرة ال2000 سي سي دي... أنا شخصياً مش حد تاني.. ركبتها في بلدها... عروسة وكل حاجة فيها جميلة وبتبرق وبجد تحفة...

ركبتها في المصرية... كنت عايز اشوف هي ازاي ف مصر ارخص من بلدها!!! الكاسيت الكينود ال2دين اللي جواها (عشان الناس تتأكد اني ركبتها) جاي اشغله البكرة طلعت ف ايدي... درج التابلوه جاي افتحه وقع كلللله في الارض

ليييييه.... العربية دي من بق الراجل اللي بيعملها في الصين... بينزل منها 5 فرزات... وهو ده الفرق بين الصيني والاوروبي... العربية الاوروبي مظنش بتنزل منها كذا فرزة للسوق (مع ان معايا بونتو ايفو ومش مبسوط منها اوي برضه بس ما علينا)... أول وتاني فرزة لو نزلوا مصر العربية دي تمنها هيعدي ال300 ألف جنيه زي الاوروبي... ف اللي بينزل مصر مش أول فرز للعربية

ده يسبب ايه بقى؟ عربيات معدتش اختبارات الصناعة في بلدها... واحدة حلوة وواحدة وحشة بس كله بيتباع... وقطع الغيار موجودة... ونعمل ضمان منعملش ليه؟ ماهو الناس بيشتروا زبالتنا ف كل عربية لو صرفت نص تمنها قطع غيار في الضمان يبقى انا كمصنع صيني كسبان برضه عشان هي أصلاً لا تصلح للبيع

على فكرة ده فكرهم في كل حاجة من الابرة للصاروخ بدليل انك ممكن تلاقي اجزاء صيني في عربية اوروبي

**ahmedatef2008** · 15-01-2011 10:17 PM

حضرتك دي تجربة خاصة وتعامل مع توكيل سيئ مهو كل مركة وأكيد حتلاقي فروع لتوكيلات نضيفة ومحترمة وتوكيلات مقرفة وطهأ العيشة ..... أنا مثلا عمي معاه كيا سيراتو 2010 يعني مش أي حاجة .... بعد أسبوع بالزبط وهوا ماشي بيها على القاهرة أسيوط الصحراوى الردياتير إتخرم (إزاااااااى حألك أكيد سوء خامات مش مستخدم دا ردياتير والراجل لسا مفتحش كبودها) وطبعا مش واخد بالو من مأشر الحرارة وكان شهر سبعة والدنيا في الصحراوي نار الموتور ولع ووش السلندر طار.....هل تأدر تحكم على السيراتو عشان تجربة شخصية واحدة؟؟؟؟؟؟؟؟؟!!!!!!!!!! ولا تحكم على التوكيل والصيانة عشان فرع ولا فرعين مش ولا بد؟؟؟؟؟؟!!!!!!!!

**ALshahba** · 16-01-2011 02:50 PM

ما اعلمه عن سحب هذه السياره , انها فى الطلعه الاولي علي وضع الاتوماتك تكون ضعيفه يعني تساوي تقريبا اللانوس, وعلي وضع المانوال تكون سرعتها عاليه فى الطلعه الاولي
وبالنسبة للتكييف, فهو جيد فى اوقات الصيف الحاره
وهذا كلام من مالكيها مما اوقفتهم وسألتهم بنفسي
وانا لا املك هذه السياره