الموضوع: جماك السيارات القديمة ؟؟

المشاركة الأصلية كتبت بواسطة keko

ياب باشا ربنا يوفقك ويرزقك باحسن من المانيا والسعودية
طب سؤال هنا لو ليا حد قريبى قاعد بره (ودول كتي قوى ) وعربيته هوا اول مالك ليها ينعف اخليه ينزل بيها ويرخصا وبعدين اشتريها منه ولا دا مكلف برضه ؟

السلام عليكم و رحمة الله و بركاته

اللى أنا أعرفه, أنك ممكن تنزل أى عربية مستعملة , بس الشرط الأساسى, أنها يكون اللى بينزل العربية هو أول مالك ليها , اللى أنا كنت عاوزك تسأل عليه هو السيناريو الآتى, ينفع و لا لأ :

وارد جدا أنك لما تروح تشترى عربية و ليكن مثلا mercedes e200 2005 من ألمانيا, أنك تلاقى اللى بيبعهالك فى ألمانيا هو الراجل الألمانى اللى هو أول مالك ليها , عادى يعنى, أنك تلاقى واحد ألمانى محترم كان شارى عربية mercedes e200 2005 زيرو من الdealer سنة 2005 و فضل راكبها لحااااااااااااد دلوقتى و عاوز يبيعها عشان عاوز يجيب الموديل الأعلى أو عاوز يجيب عربية تانية أو لأى سبب, المهم, ينفع أنك تشترى العربية دى منه و تنزلها مصر و هى لسه باسمه و تخلص جماركها و هى برضه لسه باسمه و ترخصها فى المرور هنا فى مصر و هى لسه باسمه و بعد كوووووووووووول ده , تبقى تنقل ملكيتها ليك بناء على توكيل هو -الراجل الألمانى- كان عاملهولك فى ألمانيا و لا ألمانيا مافيهاش توكيلات زى مصر ؟؟؟؟؟

المشاركة الأصلية كتبت بواسطة djhaggar

في تجار متخصصة بتشتري سيارات الحوادث الي هيا ماتنفعش تتصلح وبعدين ياخد النمر و رقم شاسية العربية ويروح يجيب عربية نصين نفس ماركة عربية الحادثة ويجمعها ويلحم رقم الشاشية ويركب النمر وشكرا

السلام عليكم و رحمة الله و بركاته

للأسف الزمن اللى احنا فيه دلوقتى, ماعدش فيه حد أهبل و لا على نياته, النهاردة اللى بيبع عربية عاملة حادثة , يعنى بيبيعلك الورق بتاعها بس, بيبقى عاوز يبيعهالك العربية ب(سعر العربية - مصاريف التصليح بس) بدون أى مكسب ليك .

يعنى لو فرضنا أن عربية زلمكة 200 مو 1990 مثلا عاملة حادثة, العربية دى توبها لو سليمة و من غير الحادثة بتاع 100 ألف جنيه , يقوم اللى هيبيعها, يطلب فيها بتاع 70 ألف جنيه, على أساس أنك لما تصلحها هتصرف معاك بتاع 30ألف مثلا و بالتالى أنت هتطلع بمكسب ضئيييييييييييييييل أو بدون مكسب خالص, يعنى مش هيقول لنفسه, دى عربية معجونة فى حادثة و يبيعها مثلا ب 30 - 40 ألف جنيه و خلاص و ربنا يبارك للى شاريها, لأ يبيعها بسعر عالى, رغم أنها عاملة حادثة و معجونة و خاصة أنه بيلاقى كذا واحد بيجروا وراه عشان يشتروها منه !!!!!!!!!.