الموضوع: قدر الله, وما شاء فعل.

الله يسلمكم جميعا, متشكر جدا,,,,
الحمد لله, إمبارح ذهبت لتوكيل بريدجيستون إللي في عمارات العبور - صلاح سالم - بعد المعرض (حوالي الساعة 7 مساءا) وبصراحة الناس فس التوكيل هناك أمناء في النصيحة, ونصحوني بعدم تغيير الإطارات كلها لأنها في حالة معقولة و فكرت إني أشتري فردة جديدة أخليها استبن و الاستبن القديم اركبها مع باقي الفرد و أمشي عليهم 10 - 15 ألف و بعد كدة أبقى أشتري 3 فرد من نفس نوع الفردة الغستبن الجديدة و أرجع الفردة اللي كانت استبن في الأول تبقى غستبن تاني بعد ما تكون كدة مشيت 10 - 15 ألف.
و إشتريت فردة أدرينالين سعرها 855 جنيه,,,
الخطورة إني بعد 10 - 15 ألف كم ملاقيش الأدرنالين تاني يبقى كدة إدبست بس التوكيل قال لي إنها إن شاء الله مستمرة في الإنتاج ولسة بدري على الكلام ده و إنها ناجحة جدا لدرجة إن المخزون عندهم بيخلص في خلال شهر من مجرد وصوله ليهم,,,, و فعلا أنا قرأت تاريخ تصنيع الفردة الأدرينالين إللي جيبتها لاقيته الإسبوع 38 سنة 2010 يعني تقريبا إنتاج شهر أغسطس 2010.
ربنا يسترها معانا جميعا, وشكرا لحضراتكم مرة أخرى.

يا باشا حمد الله على السلامة وفداك مليون فردة كاوتش وربنا يباركلك فى العربية ويارب ماتجرب انفجار الكاوتش فى عربية تانية علشان انا جربته ربنا ما يوريك