السلام عليكم
انا معايا سويفت 93 لما باجى اروح مشوار وأركن العربيه بمجرد ما أركن ألاقى الخرطوم بتاع الهواء بتاع قربة المية بينزل مية وبتقل من الريداتير المشكله ديه عيبها إيه ؟؟؟ وعلى فكره غطاء الريداتير محكم
عرض للطباعة
السلام عليكم
انا معايا سويفت 93 لما باجى اروح مشوار وأركن العربيه بمجرد ما أركن ألاقى الخرطوم بتاع الهواء بتاع قربة المية بينزل مية وبتقل من الريداتير المشكله ديه عيبها إيه ؟؟؟ وعلى فكره غطاء الريداتير محكم
حاجه من الأتنين
يا حضرتك بتزود الردياتير والقربه عالأخر والعربيه دايره
فالقربه بتدى الزياده من الفايز
أو غطاء الردياتير تعبان أو مضروب لو جديد
على فكرة انا مثلك تمام لما بكون فى مشور طويل مثلا وبعمل ريست فى الطريق وبمجرد مابطل السيارة وشويه اجد مياه اسفل السيارة
http://www.nilemotors.net/Nile/191256-a.html
راجعو الموضوع دة بالاخص الرد السابع
سلام عليكم
هل العربية بتسخن لأنها لو بتسخن يبقى ده طبيعى
لاكن لو مابتسخنش غير الغطاء وقولى وربنا يسهل
طب خليك متابع معانا وربنا يسهل ونعرف إيه المشكله
ألف شكر يا باشا بس مفهمتش حاجه من الرد السابع ده هيه نفس المشكله بس الرد ما إستفادتش منه على العموم أنا هقرأ بقيت الموضوع جايز ألاقى الحل فيه
لا مبتسخنش أنا هغير الغطاء لإن تقريبا المشكله منه ولاونه لسه جديد وبجيبه ب 25 جنيه:36_2_33:
نصيحه يا اخى وخدها منى...انت بتقول العربيه مش بتسخن...عرفت ازاى؟؟؟
متقوليش اصل مؤشر السخونه على العادى...هنا اقولك تجربتى برضه اللى كانت مع السويفت وبرضه موديل 93 :-)
بص يا اخى كان معايا سويفت من حوالى 8 سنين...عربيه زى الفل ماشاء الله..فجأه العربيه جابت جوان وش سلندر...قلت معلش وغيرته...قامت بعدها بفتره جابت جوان تانى...كل دا ومؤشر الحرارة مبيتحركش ولا زى الفل...غيرت الجوان...مش هطول عليك
المشكله كلها كانت من ساعة الزيت...اللى هى السينسور اللى راكب فى الموتور المسؤال عن مؤشر الحراره...السنسور دا او الترموستات دى غالبا هتكون هى السبب...هتلاقى العربيه بتسخن اوى بس لان السنسور دا بايظ فالمؤشر مبيقولش حاجه وعشان كدا مية القربه بتفور من كتر السخونه الزايده بتاعة العربيه...شوف كهربائى او ميكانيكى يتاكدلك منه...وقولى عملت ايه :-)
يا أستاذ astraman إنت جيتلى من السما أرجو الرد بسرعه اللى هيه إيه السينسور ديه وبتركب فين وجبتها منين وبكام