أه والله كانت بتبقي خازوق
مش عارف ليه بيعملوا فينا كدة :))))))
يا نهار !!!!
شكلك رحت البيت عملت فلم عياط تمام :)
لأ جو الأمتحانات ده بيفكرني بحاجة تانية قريبة الحقنة :)
عرض للطباعة
أه والله كانت بتبقي خازوق
مش عارف ليه بيعملوا فينا كدة :))))))
يا نهار !!!!
شكلك رحت البيت عملت فلم عياط تمام :)
لأ جو الأمتحانات ده بيفكرني بحاجة تانية قريبة الحقنة :)
طب احمدو ربنا
انا ماما هي اللي كانت بتديني الحقن في المدرسه
أنا بقى عمري ما خدت حقنة في المدرسة ...
:nemoflow:
عشان كنت في السعودية في إبتدائي ..
:44:
في السعودية النظام عندهم حلو خالص .. كانو بيبعتوا جواب لولي الأمر بالتوجه اليوم الفلاني للعيادة الفلانية لتطعيم الطالب الفلاني (اللى هو أنا) في الموعد الفلاني .. وغالبا العيادة بتختلف من طالب للتاني حسب عنوان بيته ... دا غير إن التطعيمات ماكانتش إجبارية إلا حاجات معينة
طبعا أنا ماكنتش ببقى عارف حاجة عن القصة دي (إلا لما كبرت وفهمتها) ... أنا كنت بتاخد على العيادة على طول من غير ما أعرف ليه ... وفجأة ألاقي أمي بتاخدنى في حضنها وفجأة ألاقي واحد راح رازع الحقنة وشايلها قبل ما آخد بالي إيه اللى بيحصل
ههههههههههههه
مرة اخدت وقع حلوة بلعجلة وانا في اعدادي
وقعت من علي العجلة وانا لابس النظارة ووقعت علي وشي
الدم ساعتها اتحبس عن عيني وكانت عيني مزرقة كاني واخد بوكس في وشي
افتكر ساعتها بابا وداني لدكتور عيون وقاللي ان في حقن لازم تتاخد لمدة 3 اسابيع كل يوم حقنة وكمادات شاي علي عيني مع كام قطرة
يعني كان قرص علاج تييييييييييت
لا واللي يغيظك ان الحقن كانت في العضل وكل يوم اروح للصيدلي يقعد يعملي فيلم اني مش هاشوف تاني لو ماخدتش الحقنةوالكلام ده
اتاري في الاخر بابا هو اللي قايلو يقولي كده
ياما طلعت اجري واستخبى في المدرسه علشان حوار الحقنه ده وكان دايماً يوم الحقنه وكيلة المدرسه بتطلبني بالاسم وتحبسني في مكتبها لحد ما اخد الحقنه علشان مجريش وادوخهم
والاغبى من كده الفلور (لو كان موجود في مصر) كانو لازم كل فتره يجيبولنا كبايات فلور (سائل لزج لونه بينك وطعمه مقرف) بنتمضمض بيه علشان السنان
التطعيم لا دين له
اليوم اللى فية التطعيم اكون اول واحد فى البيت ( زوغان طبعا)
اسوأ اختراع في التاريخ هو الحقن
مازلت بخاف من الحقن
في تطعيم هربت منه وانا صغيره
عرفت ان ميعاده امتى وماروحتش اليوم ده المدرسه
التطعيم ده مش فاكره كان بتاع ايه
بس كان عندي خلفيه مسبقه من اللي اكبر مني
انه مرعب وكمان بيسيب اثر بارز في الذراع مكان التطعيم
وبعدين يا جو الممرضه كانت بتبقى مخيفه ومش شكلها زي اللي في الصوره
انا ايام الحقن كنت بخاف بس عادي بس كنت اول ما اشوف النات بتعيط و الولاد بتصوت كنت بحس بشجاعه غير مسبوقه وانزل اول واحد للممرضه
انا فاكر مره وانا صغير جم يدونا الحقنه في الفصل وكانت الممرضه شعرها منكوش و لابسه نضاره مدوره زي بتاعت هاري بوتر واصلا الست كان شكلها يخوف زي الساحره الشريره و اول ما البنات شافتها اعدت تعيط و الولاد ماتت من الضحك بصراحه كان يوم مسخره