اولا الف الف مبروك عليك و على اختك العربيه جميله ما شاء الله ربنا يباركلكم فيها
ثانيا ان شاء الله الاخ ابو عبد الله يرد عليك و هوا مبيتأخرش ابدا و لحين حضوره انا ممكن افيدك في بعض النقاط
اولا : بالنسبة للسعر داخل و خارج التوكيل ........
التوكيل لما بيكون العربيه موجودة و مش بالحجز و بيديها لموزعين بيديهم طبعا بسعر ارخص من الزبون عشان يكون ليهم نسبة مكسب و بيكون سعر السيارة الرسمي التوكيل تحت اي وضع ميقدرش ينزل عنه و لكن الموزعين اللى التوكيل بيديهم بيكون ليهم نسبه بيقدروا يلعبوا فيها براحتهم و لكن في حدود بردو ....
يعني العربيه دي مثلا التوكيل مديها للمعرض ب 70 و يقوله ان سعرها الرسمي 77 فالمعرض يقول خلاص انا هبيع ب 76
طيب ليه التوكيل بيوافق على ان المعارض دي تكون ارخص منه ؟؟؟؟
عشان يدي فرصه للمعارض دي تشتغل ... يعني اللى بيشغل التوكيل اسمه يعني اي حد عايز دايهاتسو على طول هيروح ع التوكيل اول حاجة و لكن المعرض بيشتغل بفرق السعر لأن نسبة انتشارة مش زي نسبة انتشار التوكيل و انت لو لاقيت العربيه في التوكيل و في المعرض نفس السعر هتروح تجيبها من التوكيل على طول من مبدأ انك بتلعب في المضمون و انت مش خسران حاجة لا سيما انه معلهاش حجز و التوكيل ميقدرش ميسمحش بكدة و الا محدش من الموزعين هياخد منه لأن محدش هيشتري منهم طبعا
ثانيا: موضوع البنزين ...و الزيت....
طبعا المفروض ان الكلام دة يا اما هتلاقيه على باب تانك البنزين يا في الكاتالوج لكن طبعا كل ما كان رقم الاوكتان اعلى كل ما كان احسن المفروض يعني يبقا تستخدم 92 و لو 95 يبقا خير و بركة و في انتظار رأي ابو عبد الله لأنه من الملاك للسيارة
بالنسبه للزيت طبعا هيه فيها زيت و مش هيتغير غير في التوكيل مع الصيانة الدوريه اللى هتعرف هيه بعد اد ايه و انت بتستلم العربيه او لحد ما حد من الملاك الافاضل يقولك :)
المفضلات