سينيك ولا ميجان

**abdoelkot** · 14-01-2011 01:07 AM

سلام عليكم
عايز اخد راى الوحوش فى حاجه كده ياريت تساعدونى
انا كان معايا ميجان كنت اتخميت فيها والحمد لله بعتها بس بخساره اكتر من 10000 جنيييييييييييييييه
المهم انى بضور على ميجان لأن بصراحه مش لاقى حاجه فى رفاهيتها مقارنه بسعرها اللى واقع فى بلادنا العزيزه
وبما انى كنت راكب سيدان وبسمع مزيكة الطبلوه فقررت مركبش غير تجميع فرنساوى
وبما ان الهاتش باك متناسيبنيش اطلاقا فى شكلها ف انا اختياراتى بقت محدوده فى حاجتين
ميجان استيشن (عارف انه طلب نادر )
والاختيار التانى سينك 2 (برضه عارف انه طلب غريب )
فكنت عايز مقارنه من الوحوش عن العربيتين
وكان معروض عليا سينيك كامله بانوراما ماشيه 40 الف والراجل بيتكلم فى حدود 75 الف طبعا الكشف فى التوكيل شرط اساسى
ولو حد يعرف سكة ميجان استيشن يبقى خدمنى خدمه كبيره
ربنا يبارك فيكم

م/ عبدالله القط

**hollowmanegypt** · 15-01-2011 04:57 AM

و اللة يا باشا انا كنت وقفت واحد معاه سنيك و اشتكا منها اوي ان قطع غيارها غالية جدا و مش موجودة غير في التوكيل و قالي انه غير المرش تقريبا 4500 جنيه و الفيبر اللي فيها كتير و ان القوائم فيبر بس انا مش مقتنع بموضوع القوائم ده و برده الميجان منتشرة اكتر يعني هتكون سهلة في بيعها و صيانتها

و اللة اعلي و اعلم

**ecybrarian** · 15-01-2011 11:08 AM

على فكرة الميجان الهاتش باك مش صغيرة خالص..بالعكس دي لا تقل عند السيدان في الصالون..ومافيش اكبر من شنطتها في الهاتش بال..اما عن السينيك فهي عربية فيها تكنولوجي اكتر من الميجان منها مثلا عداد ديجيتال وفرامل يد كهربا عموما السينيك نفس عفشة وموتور وجر الميجان..يعني كل دول لهم فطع غيار جديد واستيراد.. وعلى فكرة التوكيل بيبيع عربيات مستعملة trade in ممكن تسأل عليهم برضة ...وربنا يوفقك في عربية نضيفة إن شاء الله

**abdoelkot** · 15-01-2011 03:07 PM

كان في زميل هنا فى المنتدى اشترى ميجان من فرع التوكيل فى مصر الجديده ياريت لو حد يعرف العنوان ورقم المهندس اللى هناك اشوف لو عندهم حاجه تناسيبنى

**meso76** · 15-01-2011 05:40 PM

رينو اللى فى مصر الجديدة موجود فى شارع ابو بكر الصديق ، وانت جاى من ميدان سفير باتجاه ميدان المحكمة حتلاقيه على الناصيةاللى قبل المحكمة

**ysamerlabib** · 16-01-2011 03:59 PM

انا اللي اشتريت من التوكيل موديل 2010 ب 103000 والتفاصيل كالتالي:
العنوان: 28 ش ابو بكر الصديق - مصر الجديده (خلف المحكمة من شارع الحجاز)
اسم المهندس احمد طعيمه
تليفون: 26386395 - 26386397
موبيل 0101675136

وممكن تقوله انك من طرفي انا اسمي سامر عبد القادر

وربنا يوفقك للخير