عاوز رأيـكم فى قطع الغيـار المش اصلية المتوفرة فى السوق للميــجان 2

**CosmicOne** · 23-03-2008 01:51 PM

السلام عليكم يا رجالة
بأختصار عاوز رأيكم فى قطع الغيار المش اصلية المتوفرة فى السوق للميجان 2
ياعنى القطع التايوانى مثلاً
علشان عربية ناس قرايبى ميجان 2 2007 عملوا بيها حدثة و الخسائر رفرف و فانوس امامى
التوكيل بلغهم ان كل قطعة 1500 جنية
لكن شافوا قطع مش اصلى فى السوق ارخص من كدة فممكن الخبراء فى الموضوع دة يئولوا رأيوهم

جازاكم اللة كل خير

**momo10000** · 23-03-2008 04:25 PM

اولا حمدللة علي السلامة

ثانيا : الرفرف جيبو من برة مقيهوش مشكلة اما الفانوس اما حلين ..يا استيراد
او تجيب اتنين من برة التوكيل عشان ميفرقش الجديد علي القديم اللي راكب ..بس لازم تشوف استيراد الاول ...انا عن نفسي شايف الاستيراد افضل لانة مش حيفرق واصلي .

اي قطع تانية لازم التوكيل ..مفيش فيها نقاش .زي التيل وخلافة

وشكرا

**fahd_628** · 23-03-2008 05:59 PM

خد بالك ممكن تلاقى الرفرف التيوانى دة مش راكب كويس اوى يعنى ممكن تلاقية مفارق سنة و طبعا مش حيبقى زى الأصلى فى الأستحمال ممكن تلاقية مثلا بتكسر بسرعة اكيد مش زى الأصلى

و ممكن يطلع كويس انت و حظك

بالنسبة للفانوس انا رأى تجيبة اصلى برضة لأن اكيد المش اصلى حيصفر بسرعة و مش حيبقى زى الأصلى فى الأضاءة

من الأخر هات كل حاجة اصلية اصل العربية ب 150 الف تقريبا مجتش على ال 3 دول :)