الموضوع: لمــن يريــد الإستفســـار عن ريـــنو 19

ياريت تقيملنا الرينو الرينبو تقيم شامل و قطع غيارها و ايه الفرق بين موديلات 97-98-99-2000

العربيه دي بدء تصنيعها في فرنسا سنه1986 تقريبا وكانت شكل مختلف بعض الشي بداء الشكل الجديد يصنع سنه 94 وكان فرنسي بعد كده موديل 97-99-2000 وده تصنيع فرنسي تقفيل تركي(التقفيل التركي كويس جدا واحسن من التقفيل المصري الي موجود في اغلب العربيات المهم التصنيع)من ناحيه الصاج العربيه دي صاجها قوي جدا شاسيه قوي جدا جدا من ناحيه العفشه مريحه جدا من ناحيه المتور المتور الي نزل مصر ده متور 1300سي سي متور جميل وقوي بس متنساش ان العربيه وزنها تقيل وعلي فكره العربيه لها اكتر من متور لها 1400 او1600 او1800 في بورسعيد واسعار ملهاش حل وقطع غيرها متوفره ورخيصه جدا وليها كماليات اضافيه بس العربيه دي مش واخده حقها في مصر وانا لو قيمت العربيه دي اديها مش 100% اديها اكتر من كده بكتير

http://www.youtube.com/watch?v=Per5p...eature=related
اتفرجوا وقولوا رايكوا

حد جرب موضوع تعديل الموتور من 1300 الى 1400؟ اللى سمعته ان بيزود العربيه 14 حصان و اعتقدده ممكن يفرق مع وزن العربيه.
كمان عندى مشكله فى شداد سير الكتينه (ورره)ن وده تمنه 225 ج وبسأل اذا كان حد جرب يغير بس رولمان البللى بتاعه بدل تغييره كله؟

عاوز اعسال عن ميكانيكي رينو اسمه فريد شوقي كان في المعادي من 7 سنين .. تعرف توصله ؟

معلش انا مكنتش موجود عشان فتره الامتحانات
اما بلنسبه لسعر السياره الرينو مو94 فا دا يعمل في الثلاثينات حسب الحاله
اما بلنسبه للمكانيكي انا معرفوش لان انا من المنصوره وليس من القاهره بس متهيالي المتور بتاع الرينو مش معقد وهو سهل وبسيط واي مكانيكي شاطر ممكن يظبطه

اما بلنسبه لتعديل المتور ده مينفعش احسن تغير المتور في اكتر من نوع وكلهم بتوع رينو 19 يعني يركبوا علي طول من غير تعديل حتي العفشه بتاعت العربيه واحده مش محتاجه تغير وده موجود في بورسعيد كتير