محتاج رايكم بخصوص شراء الاسبيرانزا

**aelgebaly** · 30-05-2007 06:40 PM

السلام عليكم

رحت اتعاقدت على شراء اسبيرانزا بالتقسيط من معرض الفادى بمدينة نصر من خلال بنك باركليز واخدت خلاص موافقة البنك والمفروض ان انا اروح استلم عايز اعرف ايه الاجراءات بالضبط عند الاستلام واعمل اتشك على ايه بالضبط وانا باستلم وعايز اخد رايكم فى حاجة كمان المعرض حاسب العربية ب 69000 وقالى لما تيجى تدفع المقدم وتستلم حيحاول يخليه 68500 وقالى ان التامين مع الجمعية التعاونية ب 2.5 % وانا شايف ان ده كتير مقارنة بعرض المنتدى بالاضافة ان انا حاسس ان سعر العربية ممكن يقل عن كده لانى بدات افكر ان انا حاشتريها ب 4000 جنيه زيادة عن ثمنها ده غير فوائد التقسيط فهل العربية تستاهل الزيادة دى كلها ولا الواحد يفكر فى افيو او ماتركس ويزود حبة المقدم ولو حد يعرف معرض بيتعامل مع باركليز ويبعيها بسعر اقل انا ممكن انقل الموافقة للمعرض ده

يا ريت تسعادونى لان انا محتار اوى اخد القرار

**sh_masry** · 30-05-2007 07:19 PM

يا ريت تقراء كل ما على هذه السياره فى المنتدى و بعدين انت تحدد .......
عموما فى رأيى انا ان دفع فلوس ايا ان كانت قيمتها فى سياره صينيه الصنع و مصريه التجميع يبقى حرام و الأفضل شراء سياره معروفه للجميع و معروف ما بها و ما عليها بدلا من مغامره غير محسوبه العواقب فى مثل هذه السياره و كفايه العيوب الكثيره التى بها و التى لا تشجع اى شخص فى التفكير فيها ....
و انا بالطبع مع الماتريكس اولا ثم الأقيو .....ثم اى سياره فى نفس الفئه السعريه بعيدا عن هذه المسماه بألأسبرانزا
تعليق صغير من عندى ( روح ياعم ده انت ربنا بيحبك انك هاتخلع من العربيه دى ههههههههه )

a7'ook
Sherif

**ehabbadr** · 30-05-2007 07:32 PM

يا ريت تقراء كل ما على هذه السياره فى المنتدى و بعدين انت تحدد .......

انا مع شريف فى الجزء السابق جدا لأننا مش حنعيد كل يوم القصه دى شويه مجهود من سيادتك للمراجعه و خلى بالك شريف ده العضو المندب فى شركه هيونداى و احنا عارفينه كويس من زمان

**TAREKSHEIR** · 30-05-2007 07:35 PM

لو فكرت فى كام هتدفع مش هتشترى حاجه خالص .
خلًص من غير ماتفكر هتدفع كام لأنه على 7 سنين مش هتحس .
ولعلمك أى عربيه زيرو حلوه .
مبروك علسك إن شاء الله .

30-05-2007 07:36 PM

بصراحة حرام تدفع جنية واحد زيادة عن تمنها الاصلى --يعنى لو ح تاخدها ب 64 الف -يبقى مبروك عليك اكتر من كدة لا انصحك --خاصا ان كل مالكى السيارة ورغم ارتياحهم لها الا انة هناك بعض المخاوف خاصا ان اقتناء هذة السيارة وبحكم انها جديدة على السوق المصرى بها بالكثير من المغامرة-لو ح تدفع اكثر من ثمنها الاصلى يبقى تجيب حاجة نسبة المخاطرة فيها اقل-

**aelgebaly** · 30-05-2007 07:37 PM

الاخوة الافاضل شريف وايهاب شاكر لاهتمامكم وردكم وانا فعلاً قرايت كل المكتوب فى المنتدى بس محتاج طيب اعرف رايكم فى السعر بتاع الاسبيرانزا هل ممكن يبقى فى حاجة احسن ولا كده معقول ونقطة تانية ايه اللى اتشك عليه وانا باستلم العربية

**TAREKSHEIR** · 30-05-2007 07:46 PM

كل عربيه من البنك هتزود على ثمنها نفس القيمة .
طاوعنى لو عملت محاسب مش هتشترى حاجة . إوعى تتردد .

**sh_masry** · 30-05-2007 08:02 PM

محتاج طيب اعرف رايكم فى السعر بتاع الاسبيرانزا هل ممكن يبقى فى حاجة احسن

بص يا باشا مع احترامى لكل الأخوه انا شايف ان 64 الف كتير على العربيه اساسا ..... و لكن فى نفس رينج السعر ممكن تلاقى الفيرنا ..... الأفيو بس هاتزود طبعا و الماتريكس
اما بخصوص شراء اسبرانزا و قسط كمان فده مش مقبول خالص .....ليه ؟؟؟
- علشان القسط هايبقى فى حدود 5 سنوات ..... تفتكر انت العمر الأفتراضى قد ايه للعربيه دى ؟؟ ماحدش يقدر يجاوب عليك دلوقتى خالص ..... مع انى فى اعتقادى انه مش هايزيد عن 3 سنوات و من قبل ما يخلصوا هاتواجهه مشاكل للعيوب اللى فيها طبعا ...... يبقى هاتكون راكب عربيه عيوبها كتير و سريعه الأعطال و انت لسه بتدفع اقساط ....و اعتقد مش هاتبقى مبسوط.

- هاتجبلك كام لو فكرت تبيع بعد ماتخلص الأقساط ؟؟ و طبعا هاتكون واقفه عليك فوق ال 77 الف جنيه و ده يبقى حرام .
و برده فى رأيى انا انها ساعتها مش هاتجبلك فوق حاجه و اربعين (ده لو لسه موجوده فى السوق)...... يبقى انت خسرت فيها كتير جدا جدا

- من وجهه نظرى برده ... غير مستحب انى ابقى راكب عربيه عليها اقساط و كل شويه اروح التوكيل علشان العيوب اللى فيها .

a7'ook
Sherif

**ehabbadr** · 30-05-2007 10:06 PM

بص يا باشا مع احترامى لكل الأخوه انا شايف ان 64 الف كتير على العربيه اساسا ..... و لكن فى نفس رينج السعر ممكن تلاقى الفيرنا

طبعا معروف ان الاسبرانزا أحسن من الفيرنا اللى سعرها وقع لغايه 59000 و بعدين غبور طلعها تانى علشان منظره كان وحش (سعرها العادل 40000)
ثانيا ضمان الاسبرانزا 3 سنوات أو 100000 كم
الاسبرانزا منتظر بغلى فى التوكيل من موديل 2008 و كده سعر المستعمل سوف يعلى زى الدايو اللى جابها أول مانزلت بيبيعها دلوقتى بمكسب و بسبب سياسات ابو الفتوح التسويقيه الجيده لكن المستشار الفنى بتاع هيونداى ( شريف المصرى ) بيخسر الناس فى عربياته المستعمله عند البيع

**Hossam Mounir** · 30-05-2007 10:33 PM

و طبعا هاتكون واقفه عليك فوق ال 77 الف جنيه و ده يبقى حرام .

حاسب يا عم شريف ... ما ليكش دعوه بالرقم ده ...

صدقني يا عم هو ما يقصدكش خالص ... ولا كان قصده يجيب سيرتك ...ههههههههههههههههه

تحياتى للجميع ...

م/ حسام منير

الموضوع: محتاج رايكم بخصوص شراء الاسبيرانزا

LinkBack

أدوات الموضوع

عرض

-

-

-

-

-

-

المواضيع المتشابهه

محتاج رايكم ضرورى فى شراء اكس تريل ماشية 30 الف كيلو

محتاج رايكم فى شراء جهاز انذار

محتاج رايكم ضرورى فى شراء النيسان

محتاج رايكم في شراء نيسان صني

محتاج رايكم فى شراء هونداrvf 400 موديل 93

الكلمات الدلالية لهذا الموضوع

المفضلات

المفضلات

ضوابط المشاركة