مشكله فى cd بانسوينك

**teamahmed** · 15-01-2011 12:06 AM

عندى cdماركه بانسوينك مركبه فى العربيه
هوه كان من زمان شغال معايا كويس جدا
دلوقتى حاجه غريبه بتحصله
اما بيجى يقرا الاسطوانه الصوت تلاقيه بيقطع او يطلعلى على الشاشه خطا
غيرت كذا اسطوانه ونفس المشكله
رحت اخذت الاسطوانه الى بتطقع عندى وجربتها فى سى دى عربيه واحد صاحبى اشتغلت كويس جدا

ياترى ايه المشكله
ارجو الافاده؟

**Memo_Lancer** · 15-01-2011 02:35 AM

عايز يتنضف يا باشا
روح لوحد يفكه و ينضفه و اديله 10 بس

**nicegypt** · 15-01-2011 02:41 AM

لو متأكد حضرتك ان حالة الاسطوانة ممتازة ومفهاش خرابيش .. وان فعلا السى دي بلاير بيبدء قراءة كويس وبعد كدة بيضعف او يقطع صوت
كدة العيب فى عدسة القراءة .. محتاجة نظافة جيدة .. وان لم تعمل بعد اجراء عملية النظافة .. هيكون العيب فى العدسة نفسها وممكن تتغير العدسة
ويرجع يشتغل زى الفل

**beetleMOSH** · 15-01-2011 03:16 AM

المشاركة الأصلية كتبت بواسطة nicegypt

لو متأكد حضرتك ان حالة الاسطوانة ممتازة ومفهاش خرابيش .. وان فعلا السى دي بلاير بيبدء قراءة كويس وبعد كدة بيضعف او يقطع صوت
كدة العيب فى عدسة القراءة .. محتاجة نظافة جيدة .. وان لم تعمل بعد اجراء عملية النظافة .. هيكون العيب فى العدسة نفسها وممكن تتغير العدسة
ويرجع يشتغل زى الفل

الكلام ده زى الفل جدااااااااااااااااااااااا ااااااا

(استـــــــــــــــــــــ� �ــــــــــــــــــــاذ

)

احب اضيف انك ممكن تغير الكريستاله اللى على العدسه الاول
لو اشتغل يبقى تمام لو مش كده يبقى للاسف لازم تغير عدسه
الكريستاله فى حدود 50-60 جنيه
العدسه مش اقل من 150
و ابقى طمنا عملت ايه

**evram** · 15-01-2011 05:59 AM

المشاركة الأصلية كتبت بواسطة beetlemosh

الكلام ده زى الفل جدااااااااااااااااااااااا ااااااا

(استـــــــــــــــــــــ� �ــــــــــــــــــــاذ

)

احب اضيف انك ممكن تغير الكريستاله اللى على العدسه الاول
لو اشتغل يبقى تمام لو مش كده يبقى للاسف لازم تغير عدسه
الكريستاله فى حدود 50-60 جنيه
العدسه مش اقل من 150
و ابقى طمنا عملت ايه

الكلام ده زي الفل

**rzk** · 15-01-2011 01:52 PM

كدة صح

**teamahmed** · 15-01-2011 02:03 PM

الف شكر ليكم يارجاله على الردود
وهجرب وهرد عليكم

وجزاكم الله كل خير

**wasta** · 15-01-2011 05:17 PM

عندى واحد بناسونيك بردوه كان فى نفس المشكله وعلشان الأغانى ماتقطعش بقيت أنسخ ألبومين أو ألبوم واحد وبقوا يشتغلوا كويس ومع الوقت بقوا أغنيتين بس يا إمه يقطع وبعد كده بدأما يقبلش إسطوانات وطبعا كان بيدينى ايرور زى عندك المهم العيب فى العدسه الناس قالتلى العدسه ب 150 بردوه روحت قولت ده انا أجيب واحد جديد أحسن أينعم هاتدفع زياده بس أكيد اللى بيتصلح موش بيرجع زى الأول وشويه وهيبوظ

**teamahmed** · 16-01-2011 05:00 PM

اه ربنا يستر ومش تخش فى عدثه

**nicegypt** · 16-01-2011 06:34 PM

هشام باشا " موش " احنا تلاميذك دايماَ ..

بالنسبة للسى دى .. انا بعشق حاجة اسمها سي دي دريفر .. كنت شغال ف مول كمبيوتر زمان وكنت مشهور جداَ بأصلاح اي سي دى روم
ولذلك حافظ السى دى الكاسيت من جوة وحافظ السى دي روم .. والدى في دي الخ ...

ودة بس تأكيد للمعلومات اللى هقولها لحضراتكم دلوقت ... بالنسبة للكريستالة .. الافضل يتغير العدسة كاملة وهى فيها الكريستالة بتاعتها
لان الكريستالة اللى بتركب لازم تكون بمقاس معين مناسب للعدسة ..والا هتخرف مع الوقت .. او ع الاقل هتخرف بمجرد ما الاسطوانة تتخربش خربوش بسيط غير مؤثر .. هتلاقيها اثرت جامد ف الكاسيت .

بالنسبة للنقطة اللى اشرها استاذ " wasta " .. السى دى من اسهل ما يمكن ... العدسة لما بتتغير .. بتتغير كلها بكابل البيانات بتاعها
" كابل رفيع جداَ وصغير فى كاسيتات العربيات " ولما بيركب عدسة بنفس مواصفات عدسة الكاسيت بالكابل بتاعها عمرة ميحصل فيها مشكلة
وهيرجع الكاسيت كما كان .. العدسة شغالة على مجري .. عمودين معدن صغيرين واحد ف الجهة اليمينى وواحد ف الجهة اليسري

اللى بيحرك العدسة على المجري موتور .. اللى بيصلح الكاسيت بختبر الموتور يشوفو شغال ولا لاء ... طالما شغال يبقى تمام
يبص ع العدسة .. بتقرا وبتتحرك صح فى المكان المطلوب فى الاسطوانة ولا لاء ... طالما الموتور سليم .. واتغيرت العدسة هيرجع زى
مكان جديد . وللعلم العملية دى بتم بـدون اي لحامات .. ولو شفتة بيلحم قولة بتعمل اية حضرتك ؟؟؟ الكابل لة مكان يركب فية والعدسة
بتركب على مجري وانتهى الامر .. كاسيت بانسوينك من الكاسيتات المحترمة على فكـرة .. وانصح صاحب المشاركة حتى لو هيكلف 200ج
ادفع وغير لة عدسة .. والسبب ان الكاسيت يستاهل ومفيش كاسيت ف السوق زية حاليا كلة صيني .

الموضوع: مشكله فى cd بانسوينك

LinkBack

أدوات الموضوع

عرض

مشكله فى cd بانسوينك - انشر الموضوع فى :

-

-

-

-

-

-

المواضيع المتشابهه

مشكله

عندى مشكله تأخر الدواره صباحا و مشكله تانيه فى السخونيه

مشكله فى اضاءه فوانيس السيراتو واظن انها مشكله عامه

مشكله ف اي بي اس

مشكله مشكله جامده لخبراء تويوتا

الكلمات الدلالية لهذا الموضوع

المفضلات

المفضلات

ضوابط المشاركة