الموضوع: سيارة فى حدود 70 -75 الف

لو عايز رأيي الشخصى...سيبك م اللانوس والفرنا والحاجات الجديده دى

شوف مثلا صنى استعمال كويس...او لانسر سبورت وتمنها مش هيزيد عن الرينج الى انتا حاطه

او ممكن تشوف رينو ميجان بانوراااماا.....

خليك فى مستعمل محترم احسن ماتشترى جديد واقع :)

المشاركة الأصلية كتبت بواسطة A7MED_PHARMA

ولو تحب كلمة ع الماشي...شوف الانوس زيروووو
أو أفيو ..ولو إن الافيو الجديدة فيها مشاكل
وقبل ماتقرر هتشتري ايه..هتلاقي في كل قسم تقرير عن كل عربية..عيوبها ومميزاتها
والله المستعان

شكرا على الرد يا دكتور أحمد لكن بشهادة بعض أصدقائى وبعض سواقين التاكسى اللى ركبت معاهم الانوس لما حطت علامة شيفورلية مبقتش كويسة وأهم عيب قالوه أن سحبها بيقل أوى لما تفتح التكيف......وعن نفسى صوت ماتورها تحس بشخلله ( مش عارف يمكن بيتهيألى )
الأفيو ناس كتير هنا فى المنتدى بتقول فى مشاكل فى rpm وأنا وقفت أتنين ملاكى فى هايبر وان فى أكتوبر واحد قالى بتاكل بنزين والتانى تخيل بيقولى راح التوكيل بعد ما أشتراها بكام يوم علشان يرش بعض أجزاء من السقف لأنها قشرتحاجة غريبة جدا مش كده

المشاركة الأصلية كتبت بواسطة creative_art

لو عايز رأيي الشخصى...سيبك م اللانوس والفرنا والحاجات الجديده دى

شوف مثلا صنى استعمال كويس...او لانسر سبورت وتمنها مش هيزيد عن الرينج الى انتا حاطه

او ممكن تشوف رينو ميجان بانوراااماا.....

خليك فى مستعمل محترم احسن ماتشترى جديد واقع :)

والله أنا فكرت فى المستعمل وتحديدا فى اليابانى فعلا زى ما حضرتك بتقول ولكنى خايف من مشاكل المستعمل ومفيش مستعمل بيخلى من المشاكل وأنت وبختك يا بو بخيت
أرجوكم محتاج حد يفكر معايا لأنى تعبت من التفكير

[QUOTE=creative_art;3873222073او ممكن تشوف رينو ميجان بانوراااماا.....

خليك فى مستعمل محترم احسن ماتشترى جديد واقع :)[/QUOTE]
الله يسامحك عايزنى أشترى ميجان وكمان مستعملة
يعنى المهيه على العلاوات على البدالات اول كل شهر لتوكيل رينو وان شاء الله اكل انا (اكل انا اكل انا ) عيش حاف ...حاف....حاف
أرجوك شوف لى حل تانى ....وشكرا لك

انا عن نفسي احب الزيرو واكون انا اول واحد اركبها

انا شاري اللوجان وعربية ميت فل و 14

انصحك بيها
وانتشرت بسرعه جدا جدا وكمان غليت فالحق خد واحدة ^ ^

المشاركة الأصلية كتبت بواسطة eldeep

شكرا على الرد يا دكتور أحمد لكن بشهادة بعض أصدقائى وبعض سواقين التاكسى اللى ركبت معاهم الانوس لما حطت علامة شيفورلية مبقتش كويسة وأهم عيب قالوه أن سحبها بيقل أوى لما تفتح التكيف......وعن نفسى صوت ماتورها تحس بشخلله ( مش عارف يمكن بيتهيألى )
الأفيو ناس كتير هنا فى المنتدى بتقول فى مشاكل فى rpm وأنا وقفت أتنين ملاكى فى هايبر وان فى أكتوبر واحد قالى بتاكل بنزين والتانى تخيل بيقولى راح التوكيل بعد ما أشتراها بكام يوم علشان يرش بعض أجزاء من السقف لأنها قشرتحاجة غريبة جدا مش كده

+++++111111111111111111111

الكلام دا صح 100% واحد جارى عنده عرييه سقفها مقشر انا افتكرت ان فيه حاجه ولعت فوق السقف بتاعها ( كلب مثلا ) ولكن لقيته بيقولى التوكيل راششها اى كلام

المشاركة الأصلية كتبت بواسطة eldeep

الله يسامحك عايزنى أشترى ميجان وكمان مستعملة
يعنى المهيه على العلاوات على البدالات اول كل شهر لتوكيل رينو وان شاء الله اكل انا (اكل انا اكل انا ) عيش حاف ...حاف....حاف
أرجوك شوف لى حل تانى ....وشكرا لك

امممممممممم بص...هو الرينو هتشتريها رخيصه وهتدفع قد تمنها 10 مرات فى التوكيل ولكن هتحس فعلا انك راكب عربيه مش ناقصه حاجه شد وجرى وتكيف واداء...انما اللانوس هي عربيه متوسطه منتشره فى السوق المصرى عشان قطع غيارها رخيصه ومش متعبه ولكن كل حاجه ليها مميزات وعيوب..انا عن نفسى كان عندنا اللانوس دى فى البيت من يجي 9 سنين فاتو كانت عربيه جميله بمعنى الكلمه ولكن مع انتشارها فى السوق المصرى بقيت بحس انى راكب 128....انتا زي ماهتدفع فلوس ياباشا لازم تحس انك مميز برضه


عموما لو عايز أفضل سعر لقطع الغيار والصيانات وكدا عليك وعلى الصنى...عربيه جميله جدا وانا شخصيا بعشقها...وياسلام بقه لو شوفتلك واحده يابانى ( ماقبل موديل 2005 ) الى كانت بتنزل بموتور 1300 سى سى...فى نظرى جميله جدا وموفره للبنزين ومش هتتعبك فى السحب لو حافظت عليها

بصراحة احسن حاجة في السعر ده لانسر بومة مستعمل
لو حضرتك مصر تركب زيرو انا ارشحلك جيتز 1.6 او بيرسونا اقل فئة