مكان الكارته بتاعت الجين 2

**ayman_83** · 15-01-2011 12:45 AM

ياريت ياجماعه حد يقولي فين مكان الكارته عشان الناهرده بجد كان في شتا رهيب في اسكندريه وتقريبا والله انا كنت ماشي في بحر وكنت حاسس اني هطلع ايدي من الشباك وائدف شبه الفلوكه في طريق العجمي بجد كنت مستني العربيه تقف مني في اي وقت بس الحمد لله طلعت تمام معايا وموقفتش وكان غصب عني اني امشي بيها في البحر ده لاني لاقيته قدامي ومينفعش ارجع خالص وبجد بعد كده لو في شتا زي ده انا هاخد مواصلات احسن ولا ان جيجي تتهان او تتبهدل كده

**eslam_wega** · 15-01-2011 02:53 AM

فعلا الجو النهردا كان غريب رعد وبرق وسيول وللاسف حصلت حوادث كتير وعربيات كتير عطلت للدرجة انى شوفت جيب كبيرة عطلانة والله
المهم لو تقصد كارتيرات بيت العجل
مكنها امام العجل الامامى وطبعا هى فيبر عشان تستحمل المباة والاتربة ومش تصدى
ومعلومة ليك الكارتة بتاعتنا هى هى بتاعت السيراتو الجديدة وتقريبا سعرها 90 ج للوحدة لاكن بتاعت الجين بى 150 ج

**ayman_83** · 15-01-2011 03:03 AM

ربنا يباركلك بس ان في واحد صاحبي قالي ان الكارته بتاعت الجين غاليه اوي بس محددش كام
والناهرده انا فعلا الجزء اللي تحت من العربيه كان غطسان في الميه والحمد لله ربنا سترها معايا عشان كنت هتبهدل اوي لو كانت عطلت لا قدر الله وشكرا علي ردك يااسلام وفعلا الواحد مكنش هيلاقي قسم ناس جدعان زي بروتون

**alarabiya11** · 15-01-2011 03:55 AM

متقلقش حتى لو ملقتش كارتيره استاندر بتاعت العربية السمكرى بيوفق واحده يتاعت اى نوع كبيره ويقصها على قد العربية

**waleedfesal** · 15-01-2011 08:06 AM

يا جماعه اعتقد الراجل بيسأل عن الكارته (Control Unit)
مش الكارتيره
لانى عايز اعرف مكانها برضه

**elmadawy** · 15-01-2011 09:55 AM

انا حصل معايا موقف لما كنت بسلم العربية لشركة التامين للتكهين المسئول قالي ان كارته العربية (كمبيوتر العربية مش موجود) ولما سالته هو فين معرفش يرد واتصالت بالتوكيل وعرفت ان مكانها اسفل الكاسيت لو تقصد كمبيوتر العربية بس الحمدالله كان موجود وهو ال مش عارف مكانه