معــلومات عن ميــــجان 2008

**Sharky** · 02-10-2007 03:34 PM

شكرا جزيلا يا أحمد باشا.

بس الأسعار فى Connect مختلفة شوية - هل فيه سبب لكده ؟

ميجان 1.6 State F/O A/T 2008 150000
ميجان 1.6 State F/O A/T S/R 2008 160000

يا فندم دى أسعار الميجان الإستيشن (State) مش السيدان

هل تكييف هذه ال Version من ال Megan تتش (Climate Control)؟

فئة الميجان اللى فيها التكييف دا اللى بتبقى بفتحة سقف و جنوط اللى هيه بـ 143.000 الف

**TheMo** · 02-10-2007 09:04 PM

شكرا يا سيدى على سعة صدرك و مساعدتك القيمة. هذا الفوروم فعلا أكثر من رائع.

سأوافيكم بتفاصيل ما سيحدث بالتوكيل و انطباعاتى التى قد تفيد أى من الزملاء بالفوروم.

أى نصيحة أخيرة؟

شكرا. محمد

**Sharky** · 02-10-2007 09:15 PM

شكرا يا سيدى على سعة صدرك و مساعدتك القيمة. هذا الفوروم فعلا أكثر من رائع.

يا محمد إحنا كلنا هنا إخوات و مرحبا بأى إستفسارات أخرى

سأوافيكم بتفاصيل ما سيحدث بالتوكيل و انطباعاتى التى قد تفيد أى من الزملاء بالفوروم.

منتظرين منك يا باشا إنطباعك عن التوكيل و عملت إيه

أى نصيحة أخيرة؟

عليك بصلاة الإستخارة و ربنا يبارك لك إن شاء الله فى العربية

**TheMo** · 02-10-2007 11:40 PM

معلهش يا أحمد باشا. آخر سؤال و أعتقد انه سؤال خايب.

أنا عادة الصبح بيبقى معايا سائق. أنا طبعا لم أستخدم الكارت من قبل - لكن فى كل السيارات السابقة بأعطى السائق مفتاح و أستخدم أنا المفتاح الآخر بحيث ما نحتاجش اننا نتبادل المفاتيح. هل لو خليت الكارت معايا يكون فيه طريقة علشان السواق يقدر يخش العربيه و يسوقها؟

معلهش أعذر جهلى بهذا الموضوع.

و كالعادة أنا شاكر لمجهودك معايا.

ألف شكر. محمد

**Sharky** · 03-10-2007 12:26 AM

يا باشا لا سؤال خايب ولا حاجة دا إنت تأمر يا محمد باشا

لازم علشان العربية تشتغل تحط الكارت فى المكان المخصص له فى التابلوه :(
يعنى حضرتك لازم تدى كارت للسواق و يبقى معاك الكارت التانى

**TheMo** · 03-10-2007 09:39 AM

ألف شكر يا أحمد باشا.

أنا كنت فاكر ان العربية بييجى معاها كارت واحد مش اثنين. شكرا على المعلومة الهايلة دى لأنها تحل مشكلتى تماما.

حأحاول أجيب أكبر كمية من المعلومات عن Process الشراء + ال Features الكاملة بتاعة العربية و الأسعار الفعلية اللى حايحاسبونى عليها لمعلومات اخواننا فى الفوروم.

بالمناسبة - هوا ال CD طلع فى الآخر MP3 ولا لأ؟

شكرا مرة أخرى على مساعدتك الأكثر من قيمة.

محمد.

**Sharky** · 03-10-2007 09:59 AM

بالمناسبة - هوا ال CD طلع فى الآخر MP3 ولا لأ؟

أنا أعرف إنه مافيهوش MP3 لكن كانو كاتبين فى الإعلان الأخير راديو MP3 + سى دى فياريت تسألنا معاك بالمرة و إنت بتسأل على الأسعار النهائية

**وائل عطية** · 03-10-2007 10:05 AM

يا أحمد أنا لسه امبارح وصلني معلومة مفادها إن الميجان السيدان (التركي) فيها مشاكل جامدة في الكهرباء ودا مدي انطباع سيئ عن السيارة
على عكس الهاتش باك (فرنسية الصنع) مفيش منها أية شكاوى
ياترى عندك أخبار عن المعلومة دي؟!!

**Sharky** · 03-10-2007 09:46 PM

يا وائل باشا كل اللى عرفته إن فيه بعض العربيات فيه نتشه فى الفتيس و فيه عربيات قليلة غيرت علبة دريكسيون جوة الضمان و موديلات 2005 الجنوط بتاعتها بتتنى من الحفر و المطبات اللى فى البلد لكن غير كده ما سمعتش اى حاجة تانية نهائى

لكن فى نفس الوقت و الحمد لله عربيتى و الأعضاء فى المنتدى و كل التاس اللى كنت بسألهم على العربية فى التوكيل و فى الشارع محدش إشتكى من مشاكل فى الكهرباء نهائى و كلهم سيدان

الغريب إن اللى بسمع منه كده معندوش العربيو و كل اللى معاه العربية محدش إشتكى من الكهرباء

هو حضرتك جبت المعلومة دى منين ؟

**Abo_Lina** · 03-10-2007 10:31 PM

انا جربت اشغل اسطوانة mp3 اتكتب ERR CD بس يمكن كان فيه مشكلة في الاسطوانة لان برضه ساعات يحصل كده مع ال Audio ..بس انا غيرته اصلا و مع ان الجهاز الاصلي مش بطال بس Basic شوية

انشاء الله نبارك ليك على العربية قريب