تقريرmazagngi2010الشامل بخصوص معرض فورملاالاهرام350صوره الجزءالرابع الامريكى والاسيوى

**mazagngi2010** · 15-01-2011 03:23 AM

باسمك اللهم نبدا الجزء الرابع والاخير ان شاء الله
اللى كان بيفعر فى البلكونه وفتح الموضوع ده ومش عارف فين اوله من اخره اقوله ده الجزء الاخير من التغطيه ودى روابط الاجزاء التلاته اللى فاتو
http://www.nilemotors.net/Nile/196243-350.html

http://www.nilemotors.net/Nile/19629...010-350-a.html

http://www.nilemotors.net/Nile/19632...010-350-a.html
وياريت ياجماعه سنه صبر فى الردود لحد ماخلص الموضوع

بعد الشغل العالى والنضافه بتاعت الجزء التالت هبدا اديكم الصدمه بالتدريج من غير ماتحسوا فتعالوا معايا فى المرحله الانتقاليه دى قبل الانزلاق تدريجيا للهاويه اتفقنا؟
نبدا بقى المرحله الانتقاليه ومستحيل طبعا انقلكم من البى ام والمرسيدس والفولكس والفولفو ل........ مره واحده (حطوا اى حاجه معفنه صينى او كورى من اللى جايين مكان النقط علشان محدش يزعل)

فطبعا ملقيتش احسن من الفورد التوروس بجد ياجدعان عرفت معنى الفخامه الامريكيه لما ركبت العربيه دى يمكن هو ده التفرد اللى بيقرفونا بيه انا بصراحه دايما بكره العربيات الامريكانى بس اول مره عربيه تخطف الواحد كده من حيث الشكل او الصالون او كل حاجه

طبعا الغندوره كانت بنص مليون وكسر مش فاكره بصراحه

صورتها كذا مره الحته دى

**mazagngi2010** · 15-01-2011 03:25 AM

فعلا انا اتكيفت من العربيه دى

انزل بقى بالتدريج على المونديو

سونى منوره فى كل حته

**mazagngi2010** · 15-01-2011 03:29 AM

اسرحوا مع الموستانج شويه

مش عارف ايه العقم اللى فى مرايه الصالون ده؟

**mazagngi2010** · 15-01-2011 03:32 AM

ندخل على النيسان وبصراحه كان وشها حلو من اول صوره والكاميرا فصلت خالص والموبيل طلع يكمل المسيره
السلفى ام كشافات عجيبه ورا وقدام

قشقاى كان الناس متلمه عليها بغباء مش عارف ليه؟ يمكن علشان قعدتها عاليه شويه ؟ مش عارف بس الواضح ان العربيه دى هتبيع جامد 155 الف جنيه محرك 1600 و 118 حصان بانوراما

الناس بتوع نيسان كانوا عاملين يافطه علشان تمضى عليها مكنتش فاضى اسال ليه بس كتبت اسمى على السريع ومشيت

انا اسمى جنب ال M علي

كشاف الصنى اللى اعلى فئه وب 101 باكو علشان متفيمه وكشاف مفحم وحساسات ركن

**mazagngi2010** · 15-01-2011 03:33 AM

نروح لحبيب الكل
الصوره دى بينى وبينكم

التاريخ بيعيد نفسه نفس صور اوتوماك

اول مره اشوف زرار انتظار فى مكان كويس

**mazagngi2010** · 15-01-2011 03:36 AM

نييجى للسياره المنتظره الاكسنت الشكل الجديد ومتوصيلكم بصورها شويه
لما شفتها افتكرت الجاك بى كلاس !

بصراحه غبور قام بالواجب ونفضها سمعت انها ب 90 و96 علامه تعجب لبكره بس اللى متاكد منه هتنزل بعجله استبن وكوريك كتجهيز قياسى

**mazagngi2010** · 15-01-2011 03:38 AM

ندخل على الشيفورليه
وش الكروز مش راكب عليها خالص

كده كويسه لكن قدام زفت بصراحه

بكام ياسيدى؟ ب 74 الف

وانا بقول الحشيش بيروح فين فى البلد

**mazagngi2010** · 15-01-2011 03:41 AM

لازم برضه نديها حقها

كفايه كورى بقى كان فيه كيا هاتشباك ونفضت علشان مفيش وقت
لازم برضه نعدى على الاختيار المفضل للشعب الوحش الرابض فى الاعماق منتظر الفريسه طبعا عرفتوها العربيه العظيمه اللى بحترمها جدا سوزوكى ماروتى فى الزحمه تفوتى

كنت انا الوحيد اللى بيقلب فيها حته حته ! والبايعين نايمين فى العسل

طفايه مبتكره فى الباب اللى ورا

ياريت حد من حبايبنا يقوللى اخر العداد 150 ولا 160؟ وفعليا اخرها كام لو طريق 130كم؟

السعر 39 الف !! موديل 2011 ده بقى الجنان

كالعاده بقى العرض بتاع ادريان

**mazagngi2010** · 15-01-2011 03:44 AM

شويه موتوسيكلات ياماها اجى لها يمين او شمال علشان تتصور كويس مفيش رحت ضاربهم اى صوره وخلاص

نبدا نلم حاجتنا علشان الموضوع قرب يخلص
سابيا الايرانى كانت عامله شغل تحفه بجد قاعه مجهزه وفاضيه ومفيهاش ولا عربيه ! ممكن يكون ده مستقبل المعارض المشاركه بالنيه
قاعه الصينى

الكورولا الجديده انضربت يارجاله

للمحترمين اصحاب الbyd شكل جديد للجنوط كان على ال f3 اللى هناك

**mazagngi2010** · 15-01-2011 03:47 AM

الهوندا انضربت ناس مبتتفهمش ياعم الحج

byd f0 طالما مفيش عنها اى صور هنا بصراحه مرتحتش لتقفيلها ودهانها والزجاج الخلفى غير عملى بالمره وشركه الامل قاموا بالواجب وجابوا عربيه طارشه زيت وحاطينها فى المعرض

مفيش فرش باب كامل منك للصاج

يتبع