الموضوع: نصائح لعمل صندوق صب ؟؟!!

حبيبى يا موش
خش بقى على الشغل التقيل ودى شوية حاجات لازم تخلى بالك منها انت وبتعمل الصندوق بتاعك :
1- أهم حاجه ان الصندوق معمول زى المقاسات اللى مكتوبه فى كتالوج الصب علشان تستفاد بكل طبقات البيز ومفيش حاجه تروح منك .
2- الخشب يكون MDF سمك 21 ملى .
3- فتحة ( الشكمان ) تكون برضو زى اللى فى الكتالوج علشان دى بتفرق جامد فى الصوت ( عن تجربه ) .
4- تقفيل كل أجناب الصندوق بالغرا أو السليكون + المسامير علشان لو فى تسريب هواء حتسمع صوت مش حيعجبك .
5- الداير اللى حتفتحه للصب لازم يكون مظبوط وتخلى بالك علشان الدايره متوسعش منك
6- تبطين الصندوق من الداخل بماده ممتصه للصوت زى الفايبر .
7- تغطية الصندوق من بره بموكيت ( شكله اشيك بكتير ) من الدهان أو الجلد .
8- خلى بالك من مقاسات الصندوق و المكان اللى حتحط فيه الصب فى العربيه .
و ربنا معاك يا كبييييييييييييييييييييييي يييييييييير

تعديل البند رقم 3
القطر بتاع فتحة ( الشكمان ) و طول الماسوره تكون برضو زى اللى فى الكتالوج علشان دى بتفرق جامد فى الصوت ( عن تجربه ) .

المشاركة الأصلية كتبت بواسطة merty

حبيبى يا موش
خش بقى على الشغل التقيل ودى شوية حاجات لازم تخلى بالك منها انت وبتعمل الصندوق بتاعك :
1- أهم حاجه ان الصندوق معمول زى المقاسات اللى مكتوبه فى كتالوج الصب علشان تستفاد بكل طبقات البيز ومفيش حاجه تروح منك .
تمام كده و دى هاتبقى نفس المقاسات ان شاء الله
2- الخشب يكون MDF سمك 21 ملى .
طيب دلوقتى محمد فريد كان قايل انه 18 ملى
مين اللى احسن ؟
3- فتحة ( الشكمان ) تكون برضو زى اللى فى الكتالوج علشان دى بتفرق جامد فى الصوت ( عن تجربه ) .
كده كده الصندوق سيلد مقفول ف مصلحه
4- تقفيل كل أجناب الصندوق بالغرا أو السليكون + المسامير علشان لو فى تسريب هواء حتسمع صوت مش حيعجبك .
طيب هو مش الخشب ال MDF
مش بييمسك فيه مسامير كويس !!
انا كنت بفكر اعمل الخشب عاشق و معشوقو اعمل بغرا برضه
و الفروق برضه كنت هاعملها بغرااو سيليكون
5- الداير اللى حتفتحه للصب لازم يكون مظبوط وتخلى بالك علشان الدايره متوسعش منك
ده اللى مقلق منه
طيب لو ظبط الفتحه
اثبت الصب كده بمسامير بس ولا احط حاجه تحت الشفه ؟
6- تبطين الصندوق من الداخل بماده ممتصه للصوت زى الفايبر .
طيب ده اجيبه منين ؟
و لو معملتش الفايبر ده الصوت هايبقى ايه نظامه
7- تغطية الصندوق من بره بموكيت ( شكله اشيك بكتير ) من الدهان أو الجلد .
لالالالالا انا مش هاعمل دهان ولا جلد
احتمال يبقى استيكر مطبوع عليه اشكال و الكلام ده ( كنوع من انواع التغيير لو شكله حلو يبقى مصلحه لو مش كده يبقى موكيت )
8- خلى بالك من مقاسات الصندوق و المكان اللى حتحط فيه الصب فى العربيه .
كده كده هايترموا على الكنبه ف مش فارق D:
و ربنا معاك يا كبييييييييييييييييييييييي يييييييييير

والف شكر يا مستر ميرتـــــــــــــــــــــ ـي
يا كبيــــــــــــــــــــــ ـــــر اوى

ايوه يا موش يا جااااااااامد :)
يا جماعه فى مفاجأة السنين
انا كان عندى صب سيمفونى فى علبته وصب كينوود فى بوكس بازوكا شبه jbl
المهم بعت الكينوود الحمد لله ربنا يبارك للى اشتراه
وركبت السيمفونى فى البازوكا والراجل ظبطها واسمه يا معلم
انا وصلتها على الجى ام الكينوود واسمع يا معلم الحمد لله الصوت فرق كتير عما كانت فى البوكس اللى كنت بحلف بيه
البوكس كان صوته جوه العربية وحوالى 10 متر حواليها دلوقتى الصوت ناعم ونظيف جوه وبره جامد جدا بيرمى لبعيد
صوت البازوكا احلى بكتييييييييير
صحيح محدش بيتعلم بسهولة
الكينوود بعته ب 250 + 75 البوكس بتاع السيمفونى = 325 ج

مبروك البيع يابو فريد..بس قولي ال اشتراه من نايل موتورز ولا بره??
صدقتني ان الصب الكينوود ده تعبان ههههههههههههههه بجد مبروك انك بعته...كده موش هيلغي مشروعه و هيجيب بازوكا ههههه يا عيني يا موش يا خساره التخطيط

اااه هانبدأ الحيره بقى :)
اولا الف مببرروووووووووووك يا مستر فريييييييييييييييييد :)
ثانيا هو مش الالجى ام الكينوود كده كتير اوى على الصب السيمفونى ؟
ثالثا انا كده كده معايا بازوكا بس الصبين جايبهم عشان
ابقى مغطى كل طبقات بنغمات بسلطات البيييز
مش هاخلى حاجه تفلت d:
كنت قلى انك هاتبيع البوكس بتاع السيمفونى كنت خدته و فصلت عليه واحد تانى
بس نو بروبليم d:
و الف مبروك بيع الصب :)

هههههههههههههه لا يابو حميد انا متمسك بموقفى
اولا انا معياي بازوكا
ثانيا كده كده مش هاينفع احط بازوكتين كمان فى العربيه d:
كده يبقى جنان بقى ( قال يعنى الواد عاقل اصلا d: )
ثالثا بقى و دى الاهم
ممممممممم
مش فاكر دلوقتى d: ما علينا