انا متابع جدا الموقع ده لانه الافضل تقريبا ولو انى مش باشارك لانى باحب اقرا اراء الناس اكتر من المشاركة ومن خلال النايل موتورز انا اقتنعت باللوجان واشتريتها الحمد لله من سنه ومفيش مشكلة بس انا ملاحظ حاجه
على الرغم من ان العربية حلوه فعلا بالنسبه لسعرها بس انا ملاحظ فيه نسبه مش صغيرة من ملاك اللوجان اللى اشتروها فى 2010 و 2009 عارضين عربياتهم للبيع وانا شفت ده فى كونتاكت كارز على الرغم من ان معظم اصحاب العربيات فى الفئة السعرية دى مش بيشتوا العربية النهارده علشان يبيعوها بكره ياترى كل اللى بيبيع عنده ظروف ولا فى حاجة انا ماعرفهاش