انا ملاحظ حاجة غريبة

**derinyym** · 15-01-2011 04:31 PM

انا متابع جدا الموقع ده لانه الافضل تقريبا ولو انى مش باشارك لانى باحب اقرا اراء الناس اكتر من المشاركة ومن خلال النايل موتورز انا اقتنعت باللوجان واشتريتها الحمد لله من سنه ومفيش مشكلة بس انا ملاحظ حاجه
على الرغم من ان العربية حلوه فعلا بالنسبه لسعرها بس انا ملاحظ فيه نسبه مش صغيرة من ملاك اللوجان اللى اشتروها فى 2010 و 2009 عارضين عربياتهم للبيع وانا شفت ده فى كونتاكت كارز على الرغم من ان معظم اصحاب العربيات فى الفئة السعرية دى مش بيشتوا العربية النهارده علشان يبيعوها بكره ياترى كل اللى بيبيع عنده ظروف ولا فى حاجة انا ماعرفهاش

**tamer61** · 15-01-2011 04:55 PM

الله أعلم بظروف كل واحد و لا أعتقد أن البيع بسبب مشاكل في السياره و لكنها ظروف في الغالب.

**nour_nrc** · 15-01-2011 06:44 PM

المشاركة الأصلية كتبت بواسطة tamer61

الله أعلم بظروف كل واحد و لا أعتقد أن البيع بسبب مشاكل في السياره و لكنها ظروف في الغالب.

+1111111111111111111111111111111

**Dr.Karim Emam** · 15-01-2011 10:46 PM

يا باشا دول هم كلهم على بعضيهم 9 عربيات لوجان مستعملة على كونتاكت كارز؟!!!!!!!!!!!!!!!!!!!!!!!!!!

**amrelzawawy** · 15-01-2011 10:49 PM

شوف الوسيط هوه معيار اكتر لبيع السيارات هتلاقى 3 او 4 لوجان معدل طبيعى مع الانتشار ومعظم البيع لظروف او حد كان بيدور على رفاهيه اعلى فمعجبتوش او عايز اوتوماتيك لكن كونتاكت كذا حد باطلبه اللى يقولى بعتها واللى يقولى لا خلاص مش عايز واللى يقول العربيه مش معايه باحس انه فيه منه كتير تقييم وابو بلاش مش هانخسر حاجه

**elmkaneeki** · 15-01-2011 10:53 PM

الى يبيع يبيع
معاك اخواتك هنا فى نايل موتورز
محدش هيغشك
وكله هنا ناس محترمة
اسأل على الى انت عاوزه

**elshaky** · 15-01-2011 10:58 PM

دعوا الخلق للخالق كل واحد هو وظروفه وانا كنت هبيع العربيه قبل ما تكمل 100 كيلو بس لاسباب عائليه وشخصيه

والله ظروف والعربيه بسم الله ما شاء الله العربيه العيوب بتاعتها بتتعالج مره مع مره

**derinyym** · 16-01-2011 06:16 AM

الحمد لله انا كده اطمنت لانى بصراحه خبرتى فى العربيات مش قد كدا فعلى الرغم انى معايا العربية وشايف انها كويسه جدا بالنسبه للفئه دى بس قلت يمكن الناس شايفه حاجة انا مش شايفها

**ahmedbakr50** · 16-01-2011 12:18 PM

حضرتك جرب تدور على فيرنا ولا لانسر هتلاقى أعداد كبيرة جدا وبرده موديل 2009 و2010
هل ده بسبب عيب فيهم؟؟ لأ طبعا!! الظروف هيه إلى بتحكم

**derinyym** · 16-01-2011 01:21 PM

انا عارف ان اعداد الفيرنا واللانوس موديل 2009 و 2010 المعروضه للبيع اكتر من اللوجان بس حضرتك ماتنساش ان العدد الكلى للعربيات اكتر من اللوجان يعن ببساطة لو عملت نسبة وتناسب بين اعداد العربيات المعروضة للبيع والعدد الكلى للعربية اعتقد هاتلاقى نسبة اللوجان اكبر هذا والله اعلم
دى بس مجرد محاولة لقراءة السوق وارجو الافادة لان اخوكم جبرته على قده فى الموضوع ده