إستفســار عن شراء ميـــجان 2006

**KiNgMaX** · 10-09-2007 02:49 AM

بعد اللف والبحث لقيت ان الميجان ال 2006 زيرو عليها عروض يعنى الاوتوماتيك بالفرش البيج من غير فتحة سقف ب 117000 جم إيه رأيكو لانى نويت عليها إن شاء الله وال 2006 دى كويسة ولا كان فيها مشاكل وبستلم ايه مع العربية ضرورى وبرجاء توضيع اسعار الصيانة شاملة ايه لانى شايفها غالية اوى وهل فيه صيانة كل 5000 كم كمان وبالنسبة للتامين قالولى فى المعرض ان شركة CIG من احسن الشركات وأدونى سعر 2.8 % يبقى كويس ولا كتير وهل هى شركة كويسة ولا لأ برجاء الرد ضرورى وآسف للإطالة وشكرآ

**Sharky** · 10-09-2007 10:54 AM

بعد اللف والبحث لقيت ان الميجان ال 2006 زيرو عليها عروض يعنى الاوتوماتيك بالفرش البيج من غير فتحة سقف ب 117000 جم إيه رأيكو لانى نويت عليها إن شاء الله وال 2006 دى كويسة ولا كان فيها مشاكل

انا شايف إن السعر دا ممتاز
أنا شايف من تجربتى للعربية و تجربة الأعضاء فى المنتدى لا يوجد مشاكل فى الميجان إلى بعض السيارات بها نتشة فى الفتيس الأتوماتيكى و تحل فى التوكيل بنزول السوفت وير مجانا.

وبرجاء توضيع اسعار الصيانة شاملة ايه لانى شايفها غالية اوى

اللى أنا أعرفه إنها شاملة تغيير كل شئ ما عدا تيل الفرامل مثل الفلاتر - الزيت - البوجيهات - السيور
يعنى لو عملت الصيانة فى ميعادها لن تحتاج تغيير أى شئ فى العربية سواء التيل لإنه بيتغير حسب الإستعمال.
على فكرة الأسعار مش غالية قوى دى تقريبا نفس أسعار كل العربيات فى الفئة دى و قريبة جدا من أسعار صيانة الكرولا

وهل فيه صيانة كل 5000 كم كمان

يوجد صيانة الخمسات لكن تتم مجانا لإنه يتم تربيط العفشة و عمل فحص كامل على العربية .

قالولى فى المعرض ان شركة CIG من احسن الشركات وأدونى سعر 2.8 % يبقى كويس ولا كتير وهل هى شركة كويسة

بصراحة معرفش كويسة ولا لأ لكن أعرف إن شركة كونتكت محترمة جدا و تكاد تكون أحسن شركة تأمين فى مصر لكن هما أغلى شوية يعنى تقريا 3.5% من تمن العربية.

**KiNgMaX** · 10-09-2007 01:35 PM

الف شكر على الرد السريع المطمئن وبالنسبة لصيانات الخمسة ( 5-15-25-35 ) هل حضرتك متاكد ان كلها مجانآ لانهم فى المعرض قالولى اول خمسة بس هى اللى مجانا

يعنى لو عملت الصيانة فى ميعادها لن تحتاج تغيير أى شئ فى العربية سواء التيل لإنه بيتغير حسب الإستعمال.

اتمنى ان يكون كده فعلا وميكونش فيه تمن بوجيهات وفلاتر وسيوروخلافه اكيد حضرتك مجرب الموضوع ده وهل تمن الزيت داخل ضمن السعر وبيتغيرلها زيت إيه
بالمناسبة هى عربيتك عاملة كام كيلو
وانا مش عارف اشكرك ازاى على تعبك معايا

**Abo_Lina** · 10-09-2007 02:51 PM

فعلا صيانة الخمسات مجانية ..يتم فيها تربيط العفشة-تنظيف فلتر الهواء-مراجعة مستوى السوائل-الكشف على 25 نقطة بالسيارة..اي صلاحات اخرى تكون مدفوعة الاجر
تغيير الزيت في ال5000 كم الاولى يتم مجانا

**KiNgMaX** · 11-09-2007 03:27 AM

الف شكر ياجماعة على الردود وإستفسار كمان معلش من الاستاذ أحمد sharky بما انك معاك ياريس ولان والدى بيايد الياريس ياريت تعملى مقارنة شاملة بين الياريس والميجان واهم حاجة الصيانة وقطع الغيار وعلى فكرة انا كلمت توكيل رينو لقيت صيانة ال 10000 ب 460جم وال 20 الف ب880 وال30 الف ب 680 والمفاجأة بقى ال 60 الف ب 2200جم فهل صيانة الياريس اقل كتير وشكرا

**Sharky** · 11-09-2007 12:44 PM

وإستفسار كمان معلش من الاستاذ أحمد sharky بما انك معاك ياريس ولان والدى بيايد الياريس ياريت تعملى مقارنة شاملة بين الياريس والميجان واهم حاجة الصيانة وقطع الغيار

اولا يا باشا لا وجه للمقارنة بين الياريس و الميجان لإن دى فئة و دى فئة تانية خالص و فى نفس الوقت لن أستطيع إنى أفيدك فى الموضوع دا لإنى لسه حاعمل صيانة ال5000.00 الف الأولى الأسبوع القدام إن شاء الله و حتتكلف فى الياريس 350.00جم شاملة تغييير الزيت و الفلتر .

وعلى فكرة انا كلمت توكيل رينو لقيت صيانة ال 10000 ب 460جم وال 20 الف ب880 وال30 الف ب 680 والمفاجأة بقى ال 60 الف ب 2200جم

بالنسبة للأسعار اللى حضرتك قولت عليها دى أغلى من اللى أنا حاططتها فى المنتدى بس أنا لسه مكلك برضه رينو قالولى إن صيانة ال30 الف ب 611.00 جم بالضريبة و 60.000 الف ب1911.00 جم بالضريبة و ال40.000 الف ب 775.00 جم بالضريبة

فهل صيانة الياريس اقل كتير وشكرا

بصراحة لسه مش عارف بس هى أكيد أقل من الميجان لكن فى نفس الوقت الكرولا قريبة من الميجان فى أسعار الصيانة