:ma: :ma: :ma: :ma: :ma:
عرض للطباعة
يا اخي انت جيت على الجرح
لسه من ربع ساعة بالظبط على كتابة هذه المشاركة
انا ساكن على شارع عمومي وقدامي ميدان واسع شوية العربيات بتخمس فيه وخصوصا الموتسيكلات الصينة
طبعا اكتر من نص ساعة الطريق واقف الناحيتين
لان ناحية بيخمسوا فيها والناحة التانية بقية الفرح وواقف معاهم عربية فيها dj غبي
كملت بقى وعربيتي نقل الكبار المقطجورة راحوا مزمرين وقعدوا يشتموا في الفرح بالكلكسات
كان فاضل شوية وانطلهم من الشباك
حسبي الله ونعم الوكيل
فكرتنى يا نورمال بموقف حصل معايا بسبب الموضوع ده
كنت ماشى فى امان الله بعربيتى القديمة وكان قدامى زفه من النوع ده والموضوع رخم جدا وطول الموتسكلات عاملة تروح وتيجى يدوبك ماشى جنب عربيه فى الزفه وكان فى موتوسكل راكب عليه اتنين ومرة واحده فى موتوسكل وقع قدام العربية اللى ماشية جنبى الباشا طبعا حاول يفادى اللى وقع قدامه راح جايب شمال وجايب الجنب اليمين بتاعى وكان جنبى رصيف على الشمال رحت لابس فيه والعجله فرقعت والجنط اتعوج
هو تفادى اللى وقع قدامه وخبطنى ....طبعا الموضوع حصل فى ثانية ...الزفه وقفت
والناس اتلمت ..... نزلت وانا بهلل لقيت حوالى 30 واحد قدامى ومعلش وحصل خير والراجل كان هيموت بتاع الموتوسكل ....طبعا العريس نزل واللى انتو عاوزه نعمله ..بس علشان خاطرى ما تبوظ فرحتى ....قلت حسبنا الله ونعم الوكيل ومشيو وانا واقف بتحسر على عربيتى ....
دى عادات وثقافات موروثه وللاسف بتحصل اكتر فى الافراح الشعبية او على حسب البيئة اللى الواحد بينشى فيها .
عقبالك يانورمال ونعملك زفه فى الصحراء الغربية :ma(36):
يا حظى الجميل .... نورمال وأبو ليلى فى ليلة واحدة
والله واحشينى جداً
مش هو ده الشعب المصرى برضه ؟؟
نقول ايه وللا ايييييييييه
حسبنا الله ونعم الوكيل
معاك فى كل كلمة
ولا الدى جى على العربيات النص نقل
ياخرابى على التخلف
فعلا الامن والشرطة مش فى دماغهم وهما السبب فى التسيب والاهمال ده
الألعن من كده التهريج ده على الطرق السريعه
شوفت زفه بعربيه لانسر اخر موديل على طريق القاهره الاسكندرية الزراعى
طبعا احلى غرز ولف وتفحيط بالعربيه
وفجأة فقد السيطرة ولاقيت شجره بتقع عليه
بهدلت اللى فى العربيه
وشنط العربيه بالبربيز الجلفى ادمرت
واللى كانوا قاعدين ورا اغمى عليهم
واتقلب ميتم
ربنا يهدينا ويهديهم
كنت لما بشوف الموضوع ده وقبل ما يكون معايا عربية اصلا
كنت بقول
عشان واحد بيتجوز يتوقف حال البلد؟؟؟ ربنا يوقف حاله في ليلته دي
ههههههههههههههههههههههههه هههههههههههههه
حاجات مستفزة الحقيقه ويستاهل الدعا عليه
تحياتي
كل ده كلام جميل , طب والي يوقف كوبري 6 اكتوبر يبقى ايه ؟؟؟؟
:angry27: :angry27: :angry27: :angry27: :angry27: :angry27: :angry27: :angry27: :angry27:
والله كاني انا اللي كاتب الكلام بتكتبو المصايب اللي بتحصل
والله اتذكر مره انا ماشي وطلعت مني زفه كل العربيات ماشيه مش اقل من 110 علي الاتوستراد عند مدخل المشروع الامريكي الاولاني ودا اللي عند مقبره العربيات اللي تحت دي وهب عربيه من اللانسر اللي موجوده خدت الجزيره واتقلبت من اقصي الشمال لغايه اخر اليمين علي الرصيف
والله دمار شامل العربيه اصبحت حته حديد اللي كانو ورا كانو مطلعينهم الله اعلم عايشين ولا مايتين
العريس كانو اعتقد واحد من اخواته كان في العربيه كانت بدلته كلها دم
العروسه بره عربيه الزفه واقفه بتعيط
وانا بصراحه ما قدرتش اقف ابص اكر من كده كل اللي قلته لاحول ولا قوه الا بالله دورت عربيتي ومشيت وطول الليل ما دقتش طعم النوم من الضيق والاحباط
حصل معاى موقف عمرى ما هنساه مع الزفف دى
كنت مع واحد صاحبى وواقفين فى التقاطع اللى تحت كوبرى الفردوس فى الدراسة وجنبنا زفة والحياة طبيعية جدا وفجأة خدنا خبطة عنيفة جدا من ورا والدنيا ضلمت خالص واتحركنا من مكاننا حوالى 3 متر قدام والحمد لله كان يادوب العربية اللى قدامنا لسه متحركة
بنبص ورانا مشوفناش غير صاج العربية اللى احنا راكبينها وميكروباص gme الصغير طالع من جنبنا بيجرى ووشه متهشم والناس فيه عماله تصوت ، صاحبى طلع يجرى وراه بالعربية بتاعتنا اللى اساسا منعرفش حصلها ايه من ورا بس باين قوى انها هتغير نص ورانى وسبحان الله كانت بتجرى زى القردة !!! ( فيات 132 ارجنتا )
وقفناه فى نزله النفق اللى بيدخلك على المقابر بعد مستشفى الحسين اللى بينها وبين مكان الحادث حوالى 3 : 4 كم ونزلنا عليه جبناه من العربية فبيقولنا فى ايه دا انا كنت بس بركن يمين علشان الزحمة :) , برده اتلم علينا الفرح كله ومخدناش ولا جنيه منهم والعربية اتصرف عليها مبلغ محترم بسبب ان البيه اتأخر عن الزفة وكان جاى بيجرى بيهوش عربية العريس وهما واقفين الفرامل هربت منه فقرر يختارنا احنا حفاظاً على العريس بما اننا واقفين جنبه فى التقاطع
طيب والله غريب أنها منتشره بالصوره دى
لازم يكون فيه رادع للموضوع دا
مش بس عطله دا كمان بتحصل حوادث وتلفيات غير معوضه
بسبب أن فى فرح أنا وغيري ملناش علاقه بيه
طبعا أنا عارف أن مفيش حل :(
عايز بس أشكر الاشراف على تعديل بعض عباراتى بجانب عنوان الموضوع
أنا عرفت بعد مكتبته بفتره مدى حدته لكن أنا كتبت الموضوع على طول بعد مرجعت من بره ومريت بتجربه مماثله تعبتنى جدا
لذا من جديد بعتذر لأى حد لم تروقه عباراتى وبشكر الاشراف من جديد على تعديله للموضوع دون حتى كلمه عتاب
شكرا