goaaaaaaaaaaaaaaaaaaaaaaaaaaaaaaaal
عرض للطباعة
هو دا الشعب المصري
مرة كنت بقى ماشي في زفة وفيها عيال بعربياتهم - او بعربيات اهاليهم بمعنى أدق - والتهييس زاد وبدأت الاحظ العربيات اللي بتطلع من الزفة طالعين متنرفزين وحارقين !!! رحت طافي الفلاشر وعامل نفسي ماليش دعوة بالزفة وماشي قدام ولا كأني أعرفهم :))
موضوع النافورة وتمثال رمسيس محير جدا بقى !!! ايه المتعة في التمثال دا بالذات والنافورة دي بالذات
عشان يبرر للناس دي تقف في منزل او مطلع الكوبري او يركنوا عاليمين ويعدوا برضة من منزل او مطلع الكوبري ويعدوا الشارع
للأسف بعد الثورة
التهريج على الطرق وفى الزفة زاد عن حده
كل عربيات الروشين ماشية تهرج على الطرق
ومشغلين سارينه فى منتهى الإزعاج
فى الزفه وغير الزفه
انا اشتقت لصوت سارينه موتوسيكل المرور وونش المرور
أنا بقى في خطبة واحد صاحبي خُده بالكوا مش فرح كنت راكب مع واحد صاحبي تاني وللي فاكره إنه عمل كام حركة كده على كوبري 6 أكتوبر كانت نتيجتها إن عربية ابن خاله العريس راحت الإتجاه المعاكس بنصها كله وإن اللي راس اللي كان جاي فالمقابل ربنا ستر ومالبش فيها
وإن العربية اللي أنا كنت راكبهـا عملت امريكاني ومشيت بعرض الكبري ووقفت بالضبط عند السور بوشها ده غير عربية تانية الجنة بتاعها اتعوج ماتفهمش من إيه
---------
التانية بقى فرح واحد قريبي وطالعين على طلعت المريوطيه من ناحية المهندسين واخو العروسة راح جاي قاطع الطريق عليَّ بالعرض أكتر من زاوية 45 فالطالعة اللي هي 3 حارات واسعين ومعرفتش افاديه إلا بكابس فرامل وحدف للرصيف وبعدين ببص عليه لقت فتح الباب وطلع نص جسمه وبيشاورلي لأ
-----------
وقشطة ياما هنشوف
بجد دلوقتى بقيت حاجه مستفذه جدا فى اى فرح لازم يقفل الطريق ومره كانت عمى تعبان ومشيين لقيناهم كده علقت قيدى على الكلكس وكنت هخبط عربيه واحد عشان مديله كلكس وبيبصلى وبيضحك حسبى الله ونعم الوكيل
اخر مرة قابلت فيها زفة مستفزة زى دى
قعدت احاول اعديهم و هما يزنقوا عليا لغاية مقدرت ابقى اول عربية و قمت واقف بعرض الشارع و كنت نازل اتخانق معاهم لولا ان اختى كانت معايا وكانت خايفة ركبت تانى
فى زفة كانت عند محمد نجيب وقت الصلاة و كلاكسات و فرك و زغاريد المهم الشيخ فى المايك يا جماعة فى مسجد ما فيش حد سامع حاجة قام متصل بالجيش و الضباط قامو لمو شوية صيع بموتسيكلات و قاللوهم لو ما مشيتوش حتروحو السجن الحربى و محدش حيعرف يجيبكو لو ميين مافيش ثانية و كانت الوتسيكلات طارت من المكان و النقيب جه اده العروسين و المعازيم محاضرة فى احترام الدين و حقوق الاخرين و لمو الليلة
كنت مره مروح ومراتي كانت محفظتها اتسرقت ودايخين ندور عليها ونعمل محضر ومروح في شارع الصداقه في سيدي بشر ولقيت عربيه فيات جديده واقف بجنب كده ومينفعش اعدي وبعدين بزمر لقيت واحده شكله محترم بيقولي فرح عقبال عندك فانا مفهمتش وفضلت واقف لقيته بيقولي لف من شارع تاني عشان ده فرح والباشا اللي موقف العربيه موقفها كده عشان يسد بيها الشارع
يعني صباح السفاله وقلة الأدب شارع رئيسي يقفله عشان فرح
لما بلاقي حاجه زي دي بصراحه مبقدرش امنع نفسي اني ادعي علي العريس والعروسه ومحدش يقولي ملهمش زنب لان لو العريس مش عايز اي حاجه تحصل يبقي مفيش حاجه هتحصل وده انا عملته في فرحي