لو سمحتم بعمل عمرة للسباكة عندي ومش عارف اركب المواسير اية؟
1-بولي باننجر مصري الماني
2-بولي صيني
3-حديد
مع العلم تكلفة البولي الباننجر حتبقي زي الحديد في حدود 700 جنية
الصيني حيبقي 350
عرض للطباعة
لو سمحتم بعمل عمرة للسباكة عندي ومش عارف اركب المواسير اية؟
1-بولي باننجر مصري الماني
2-بولي صيني
3-حديد
مع العلم تكلفة البولي الباننجر حتبقي زي الحديد في حدود 700 جنية
الصيني حيبقي 350
الا السباكه ما تسترخصش فيها اعمل حاجه غاليه و كويسه تقعد معاك عمر و ما تشيلش همها
اسال مجرب
شقتي اللي كنت واخدها عياده كانت مواسير حديد قلت انا لسه هغير دي عياده و اضطريت اني اعمل شويه مواسير كده و تعديلات لزوم الشغل فجبت بولي رخيص و بعدها بشويه المواسير باظت مع اول شهرين و كسرت و غيرت و عملت تاني بس جبت النضيف و الحمد لله تجربه جميله
صرفت خامات و مصنعيه اول مره
و جبت سباك تاني و خامات تانيه بفلوس تانيه ده غير العطله ووقف الحال
اغلى حاجه وانت مغمض
اسمع الكلام
خليك في البولي ده كمان بيبقي عليه ضمان.
بولي باننجر مصري الماني طبعا وانسى الحديد ومواسير الصرف اعملها الشريف ...
باننجر طبعا بدون تفكير وكمان هات الشركة تكبسلك الدايرة وتديك ضمان
طبعا بولي ويكون محترم عشان ميقرفكش كل شويه وعمرة الإفتراضي كبير
بس يا جماعة لقدر الله حصل تسريب في البولي الالماني الشركة حتيجي تغير لي المواسير طيب ما انا حضطر اغير السيراميك ما دي تعتبر تكلفة برضة لكن الحديد عايش وزي الفل
عن تجربة ، خليك فى الباننجر المصرى الالمانى و ابعد عن الحديد خالص
البولى احسن من الحديد
صينى او المانى او مصري المهم الشركة او السباك يكون كويس ويكبس هواء ويتاكد كويس ان مافيش تسريب
وان شاء الله ما هتشوف مشاكل سباكه إلي ماشاء الله
نصيحة كمان اقفل جميع المداخل والمخارج بورق مثلا بعد العملية ما تخلص
لحد ما تستخدمهم
علشان ايه : اي حاجة بتقع فى الاول كده حته جبس او اسمنت او تراب او رمل اصفر بيكون عذاب بعد كده
الباننجر معدش الماني خلاص بقى مصري بس
احسن حاجة في السوق الاكوا ثيرم نمرة واحد ولسة مركبة والفرق مش كبير بينة وبين الباننجر ومتعملش حديد اطلاقا بيصدي ومع الوقت هتكسر وتغير لانة معدش زي الحديد بتاع زمان وغير كدة يعتبر المواسير البلاستيك عمهرها طويل تكاد تكون مش هتغيرها لان البلاستيك مبيتححلش والخمات معاجلة تتحمل المياة السخنة مش تستخسر في حاجة هتقفل عليها بعد كدة سيراميك وهدة وفولس
و مين اصلا السباك الى هيرضى يشتغلك حديد دة كانت شغالانة العتالين
شكرا لردك طيب بالنسبة للاكوا ثيرم دة بلده اية؟؟؟ افضل من الباننجر ؟معاه ضمان؟
الاكوا ثيرم ألماني أصلي ومعاه ضمان برضة
وفعلاً مش هتلاقي سباك يشتغلك حديد كلهم باعوا العده الي بيشتغوا بيها في المواسير الحديد
لا والله ياباشا لسه في كتير كمان بس المصنعية اعلي شوية,هل شركة اكوا ثيرم بتبعت لك حد يكبس
بص يا باشا ، مواسير اكواثيرم دى صنع فى المانيا و هتلاقيها لونها اخضر و مكتوب عليها صنع فى المانيا ، و بتجى شركة اسمها حمزة اخوان و دا الوكيل الوحيد للشركة فى مصر بيكبس المياه و يدك شهادة ضمان
أكوا ثيرم أو باننجر
الأثنين جودتهم كويسه
المهم الأكسسوار (من كوع وطبه ونبل وجلبه و.........) لازم تكون من نفس النوع
وزى ما قال الأخوه هات الشركة تعمل أختبار كبس والسباك موجود عشان الضمان
والبولى صحى أكتر
وأهم حاجه تركب طبب فى نهايه المواسير (الواحده بجنيه )
وطبعا المواسير هاتكون دفن
عشان كده يفضل السباك اللى هاركب المواسير هوه اللى يركب الأحواض
عشانم يبقى فاكر المسارات
وميحطش مسمار فى ماسوره (يخرمها ) بطريق الخطأ
وأى أستفسار انا فى الخدمه
وممكن أبعتلك تليفونى عالخاص
بالترتيب الأكوا
ثم الباننجر
والسباك لازم يكون موجود عشان لو فنى الإختبار طلب حاجه تتغير أو كوع مش راكب كويس
والأختبار ده بيبقى عباره عن كبس مواسير الميه لحد عشره بار مثلا
للتأكد من سلامه الوصلات وعدم حدوث تسريب
حتى مع أقصى ظروف التشغيل
تقبل تحياتى وبالتوفيق بأذن الله
الفرق مش كبير
سعر المواسير واحد تقريبا
الفرق بيكون فى قطع الأكسسوار زى الكوع بسن والجلبه بسن
وعموما هات الباننجر كويس برضه جدا وشغااااال معايا من عشر سنين وعمره ما عمللى مشكله
أهم حاجه الصنايعى والضماااااان
حضرتك المثل بيقول أسئل مجرب ولا تسئل طبيب ؟ خد رآى المجرب فقط ؟؟؟ وبالتوفيق ان شاء الله
بص يا باشا ، حاجات السباكة تنزل تجبها من السبتية ، و لازم السباك يكون معاك و يفضل انو يكون معرفة و عمل شغل عن كذا حد تعرفه علشان هو اللى هيقدر يفيدك فى الاكسسوارات و الكوع و الجلب و الحاجات الباقية