السلام عليكم
انا معايا هوندا سيتي 2009 الشكل الجديد ومشكلتها انها بتنزل بفرش قماش سخيف جدا ولونه فاتح وبيتوسخ بسرعه اوي
حبيت اعمله فرش جلد عشان احافظ عليها وبعد ما شوفت كذا حد بيشكر في جينز كار انا رحتلهم عشان اعمل فرش تفصيل عندهم واليكم تجربتي بكل حياديه



....................................
الاتفاق مع جينز كار
....................................

اولا: انا رحتلهم واخترت نوعية الجلد واللون المطلوب والتفصيله اللي انا عايزها - هما ناس محترمين جدا وفاهمين شغلهم كويس ومعاملتهم كويسه اوي
ثانيا: بيتم كتابة اللون والتفصيله كويس ولازم تاخد بالك انه مكتوب بالظبط زي ما انت اخترت عشان ميحصلش اي لخبطه
ثالثا: دفعت مقدم والفرش بتاعي كان جاهز للتركيب بعد 24 ساعه بس انا رحت بعدها بكام يوم عشان مكنتش فاضي
رابعا: التركيب بتاع الفرش بتاعي كان للكراسي كلها وكمان فرش الابواب والعربيه فضلت عندهم من 2 ظهرا لغايه 10 مساءا - طبعا الفتره طويه بس انا كان يهمني جوده التقفيل والحمدالله التقفيل كويس جدا - كمان اللي زود الوقت اوي كده فرش الابواب ده لوحده 3 او 4 ساعات تقريبا .
رابعا: انا سبتلهم العربيه ورجعتلهم بالليل لما كلموني وكان الحج احمد مشعل بيتابعني بالتليفون كل شويه وبجد اشكره جدا لاهتمامه
خامسا: الحج احمد مشعل اداني 2 فوطه و 2 معطر هديه في الاخر


............................
ملاحظاتي
............................

اولا: الناس اللي بتركب الفرش فهمين اوي شغلهم وعارفين بيعملو ايه وعندهم خبره كويسه
ثانيا: هما عندهم زحمه والمكان صغير بس هما بيعرفوا يتصرفوا ويشتغلو في كذا عربيه في نفس الوقت
ثالثا: الجلد بيتحط تحتيه طبقه سفنج وده عشان تمتص المياه ويخلي الكرسي طري اكتر
رابعا: السعر يعتبر غالي شويه بس الفرش كانت جودته كويسه اوي والتقفيل فوق الممتاز ونضافه الشغل فوق الممتاز
خامسا: وقت الاتفاق لازم يكون معاك العربيه عشان تختار درجة لون مناسب


............................
الفرش الاصلي
............................







.................................................. ......
الفرش اللي عملته عند جينز كار
.................................................. ......










........................
فرش الباب
........................

وبالنسبه لفرش الباب - الباب في حته صغيره قماش بيج وده سخيفه اوي عشان بتتوسخ بسرعه جدا و تغييرها كان صعب وخد وقت كتير بس فرق جدا


............................
الفرش الاصلي
............................





.................................................. ......
الفرش اللي عملته عند جينز كار
.................................................. ......



وكل فرش وانتم طيبين