ميزانيه محل كماليات سيارات..ارجو المساعده من الاعضاء

**ahmed_mooka** · 27-03-2011 11:23 PM

السلام عليكم

عاوز مساعده من الاعضاء

محل كماليات سيارات علي مستوي كويس محتاج ميزانيه قد ايه علي شان تحط بضاعه حلوه

ميزانيه في حدود كام؟

و بالنسبه لتجار الجمله و المستوردين ازاي الواحد يقدر يوصلهم

ياريت مساعده من الاعضاء في الموضوع دااا....

و بالنسبه لصنايعي تركيب فاميه و استيكر
و كهربائي بتبقي يوميتهم في حدود كام؟

**amrelsaqqa** · 27-03-2011 11:26 PM

متاااااااااااابع باهتماااااام شديد

**gaaz** · 27-03-2011 11:28 PM

عايزلك بضاعة مش اقل من عشرين الف جنية لو محل متوسط ومتعدد
والكهربائي ممكن تتفق مع كهربائي يبقى اون كوول

**MOUSTAFA_SAAD** · 28-03-2011 12:05 AM

موضوع مهم

**ahmed_mooka** · 30-03-2011 08:44 PM

المساعده يا شباب......

**askanas** · 30-03-2011 09:06 PM

بص انا رأيي تشوف من مواضيع الكماليات ايه اكتر سلعتين تلاتة مطلوبين وتجيب منهم 20 من كل واحدة وتفتح بيهم المحل
الاسعار ايه ؟
اقولك موقع اسمه Manufacturers, Suppliers, Exporters & Importers from the world's largest online B2B marketplace-Alibaba.com ده بيستورد حاجات مالصين تشوف انت عايز ايه و تعمل سيرش وتبعت لصاحب السلعة الاوردر بتاعك هيقولك السعر و تتفق مش شركة استيراد وتصدير عشان تعرف تستوردها . و ساعتها هتعرف الميزانية كام

واظن لو انت جبت حاجات و عرفت احتياجات السوق و عملت دعاية وتخفيض كويس عالاقل هنا في المنتدي هيعمل معاك شغل كويس

**askanas** · 30-03-2011 09:06 PM

بص انا رأيي تشوف من مواضيع الكماليات ايه اكتر سلعتين تلاتة مطلوبين وتجيب منهم 20 من كل واحدة وتفتح بيهم المحل
الاسعار ايه ؟
اقولك موقع اسمه Manufacturers, Suppliers, Exporters & Importers from the world's largest online B2B marketplace-Alibaba.com ده بيستورد حاجات مالصين تشوف انت عايز ايه و تعمل سيرش وتبعت لصاحب السلعة الاوردر بتاعك هيقولك السعر و تتفق مع شركة استيراد وتصدير عشان تعرف تستوردها . و ساعتها هتعرف الميزانية كام

واظن لو انت جبت حاجات و عرفت احتياجات السوق و عملت دعاية وتخفيض كويس عالاقل هنا في المنتدي هيعمل معاك شغل كويس

وفيه موقع تاني اسمه China Wholesale - Buy wholesale products from Chinese wholesalers on MadeInChina.com

**ahmed_mooka** · 30-03-2011 10:18 PM

جزاك الله كل خير ياباشااا...اصلي

**madaxman** · 30-03-2011 11:04 PM

بس حوار الصين دا صعب لواحد لسه جديد في المهنه وبيبتدي مشروع
علي فكره انا لسه كنت هعمل الموضوع دا لأني ناوي افتح محل بأذن الله
بس مش عارف لسه اجيب منين واتعامل مع مين

**keko** · 31-03-2011 09:50 AM

معلش يا جماعة فيه قواعد لاى محل جديد
بعد ما تحدد المبلغ تشترى بنص او تلتين فلوسك اول مرة لسببين انك لاز يتضحك عليك فى البداية فى الاسعار والتانى ان فيه اصناف كتير ممكن تكون ناسيها فكدا يكون معاك مبلغ للتكملة
تشترى باكبر تشكيلة اصناف ممكنة واقل كميات ممكنة وبعد كده الاصناف اللى تلاقى اقبال عليها تزود منها
بتشوف مستورد او اكتر تتعامل معاهم تاخد التشكيلة من عنده وبعد كده تروح لتاجر جملة تاخد اللى مش موجود عند المستورد وبرضه تشكل اصناف اكتر وبكده تكون استفدت من رخص سعر المستورد وكبر التشكيل عند تار الجملة
بعد كده تلقائى هتلاقى عربيات بتعدى عليك (كومسيونجى) ويعرضوا عليك بضاعة لحد عندك
اشترى كاش وبيع كاش هتلاقى التجار كلها تتمنى تبيعلك
ماتسحبش من مكسب المحل فى الاول وسيبه يكبر نفسه
حاجة اخيرة فيه مثل بيقول (علمنى التجارة يابا قاله تعالا فى الهايفة و اتصدر ) اى صنف تحسه جديد و كمالى هات منه حاجات بسيطة وجربه هاتكون متميز عن السوق بحاجات جديدة وتكسب فيها علشان مش اساسية او منتشرة
لو احتجت اى استفسار انا تحت امرك لانى فى السوق من زمان بس فى مجال مختلف وعموما برضه اعرف كام مستورد اكسسوارات بس اغلبهم عندنا فى اسكندرية و اللى اعرفه من القاهرة غريب بتاع السباى
ارجو اكون افدتك وربنا يوفقك