أستفسار بخصوص سرعة اللادا

**darkmask** · 21-01-2011 09:08 AM

المشاركة الأصلية كتبت بواسطة smsm061274

انا العربيه بقالها سنه وربع معايا وبردك 2105 1995
وعملت كل حاجه فيها وصرفت كتيير وكل مره العربيه تبقى زى الفل لمده 3 ايام وترجع اخرها 90 الى 100
وكبرت دماغى لانى فى كل الاحوال مش بعدى ال60 70 على البحر
و80 90 على السريع

أزاى؟؟ غريبة دى لازم تشوف ميكانيكى كويس
لو أنت من الأسكندرية ممكن أدلك على واحد ممتاز

**smsm061274** · 21-01-2011 11:01 AM

انا فعلا من الاسكندرية يا ريت تدلنى لميكانيكى كويس

**darkmask** · 21-01-2011 01:43 PM

المشاركة الأصلية كتبت بواسطة smsm061274

انا فعلا من الاسكندرية يا ريت تدلنى لميكانيكى كويس

ده رقمى لو حابب تكلمنى أوصفهولك
0173562685

**blazer** · 21-01-2011 10:42 PM

اصلا الادا عمرها ما كانت عربيه جرى
بجيب ال 100 عند rbm 3.7 وصوت الماتور قاااتل

**nawafith** · 21-01-2011 11:22 PM

سيارتي لادا 2107 موديل 2002 بتجيب الـ 100 كم / سا على الغيار الخامس ودوران المحرك 30 وأحياناً أقل بسنة صغيرة

ما شاء الله تبارك الله والحمد لله

**mrastra** · 23-01-2011 11:58 AM

عندى نفس المشكلة بس انا خمنت حلها وهو تغيير الكارونة بواحدة تانية سريعة لان اللى راكب كارونا بطيئة مع انها سليمة جدااااااا وبامر الله اما احوش هانزل اسكندرية اجبلها كارونا سريعة بتعتها او كارونا يابانى او كارونا فولفو

**darkmask** · 23-01-2011 12:10 PM

المشاركة الأصلية كتبت بواسطة mrastra

عندى نفس المشكلة بس انا خمنت حلها وهو تغيير الكارونة بواحدة تانية سريعة لان اللى راكب كارونا بطيئة مع انها سليمة جدااااااا وبامر الله اما احوش هانزل اسكندرية اجبلها كارونا سريعة بتعتها او كارونا يابانى او كارونا فولفو

فكرك الكرونا تفرق فى السرعة
أظن لأ
لأن الكرونا ماهى الى تروس عكس حركة من حركة طولية لعمود الكردان الى حركة عرضية لأكسات العجل وبس
وأنت بتقول أنها كويسة يعنى التروس مش مفوتة
على العموم جرب وقولى لو فرقت معاك

**mrastra** · 23-01-2011 02:18 PM

المشاركة الأصلية كتبت بواسطة darkmask

فكرك الكرونا تفرق فى السرعة
أظن لأ
لأن الكرونا ماهى الى تروس عكس حركة من حركة طولية لعمود الكردان الى حركة عرضية لأكسات العجل وبس
وأنت بتقول أنها كويسة يعنى التروس مش مفوتة
على العموم جرب وقولى لو فرقت معاك

ازاى بس الكارونا ما تفرقش فى سرعة العربية هى فعلا تروس عكس حركة من المحرك او بالاحرى من الفتيس بس تروس بنسب يعنى الكارونا وظيفتها تخفيض السرعة اللى جاية من المحرك عن طريق الفتيس ومعروف جدا ان الكارونات نسب تخفضها كمان عالية زى 1:43 يعنى كل 43 لفة من عامود الكردان تلف الكارونا لفة واحدة بس وبدورها للعجلة او كاوتش العربية ومعروف مثلا ان فى عربيات بتدى عزم عالى زى النص نقل لكن سرعة بطيئة اى ان السرعة تتناسب عكسيا مع العزم

**darkmask** · 23-01-2011 02:26 PM

المشاركة الأصلية كتبت بواسطة mrastra

ازاى بس الكارونا ما تفرقش فى سرعة العربية هى فعلا تروس عكس حركة من المحرك او بالاحرى من الفتيس بس تروس بنسب يعنى الكارونا وظيفتها تخفيض السرعة اللى جاية من المحرك عن طريق الفتيس ومعروف جدا ان الكارونات نسب تخفضها كمان عالية زى 1:43 يعنى كل 43 لفة من عامود الكردان تلف الكارونا لفة واحدة بس وبدورها للعجلة او كاوتش العربية ومعروف مثلا ان فى عربيات بتدى عزم عالى زى النص نقل لكن سرعة بطيئة اى ان السرعة تتناسب عكسيا مع العزم

متشكر ليك جدا على المعلومات القيمة
طيب أنا من الأسكندرية فكرك أركب أيه يكون مناسب للادا 2105 عشان يظبط السرعة معايا؟؟
أوصنى بنوع معين

**mrastra** · 23-01-2011 02:33 PM

والله يا بختكم العربيات دى حاجتها عندكم ارخص من هنا بكتير ممكن بقى تركز معايا شوية
هاترفع العربية على الكوريك بعد اما تفك فردة كاوتش وتعلم مكان مسمار من بتوع الفردة مكانة فين على اى حتة ثابتة فى جسم العربية ونفس العلامة على عامود الكردان بالطباشير وهانعمل لفة كاملة لفردة الكاوتش مهما كلفنا الموضوع دة من مجهود المهم نوصل للفة كاملة لفردة الكاوتش ونشوف اخدت كام لفة من عامود الكردان ودى هاتبقى نسبة التخفيض بتاعة الكارونا بتعتك وتكتبها فى ورقة عشان ما تنساش ونروح عند بتوع الاستيراد واعتقد عندكن فى شارع اسمة صلاح الدين وننقى كارونا تكون بنت حلال وبنفس الطريقة نلف مكان فلنشة الكردان ونشوف السورة لغاية اما تلف لفة كاملة ودى تبقى نسبة التخفيض بتاعة الكارونا ولازم تكون نسبة تخفيضها اقل من بتعتك يعنى مثلا لو بتعتد 1: 40 لازم التانية تكون 1: 30 دة على سبيل المثال واسمحلى اطلب منك تشوف سعرها كام عندكم لان هناك انا متاكد انها استيراد مش خلع وارخص من عندنا