عندي ديب فريزر كريازي راسي ال 6 درج
اللي نازل بشاشة بتبين درجة الحرارة داخل الفريزر
المهم انا لسه مشتريه من كام يوم وكان شغال كويس جدا
بس النهاردة لقيت ان درجة الحرارة بتعلى لغاية لما وصلت 3 والديب فاصل
يعني مش شغال ومازالت درجة الحرارة بتعلى زي ما اكون فاصل الكهربا عنه
والعادي ان درجة حرارته بتبقى من 17 تحت الصفر ل 22 تحت الصفر
بس اللمبة الخضراء منورة عادي واللمبة الحمراء مشتغلتش
فهل دي كده مشكلة ؟ ولا احتمال يكون هو بيفصل كل فترة لتسييح الثلج ؟ مع العلم انه نوفرست
بس اللي مخليني اعتقد كده اني لقيت تلج متكون على الادراج من برة طبقة رفيعة جدا
ياريت اللي عنده فكرة هل دي مشكلة ولا ده عادي يقولي مع العلم اني مخليه على 1