عرض للطباعة
السلام عليكم ورحمة الله وبركاته
انا عاوز اعرف ليه الاسبرانزا a516 منتشره بالرغم من اللى بسمعه من اهل المنتدى انها مليانه عيوب كتير
مع انها شغاله تاكسى بالهبل
ياريت حد يفيدنى لانى كنت بفكر اجيبها وخايف من مشاكلها
بس اللى مستغربه انها منتشره اوى اوى اوى
انتشار العربية فى مصر بالذات بييجى من الفكرة الأزلية (البيضة و لا الفرخة) مين فيهم الأول هل العربية كويسة عشان كده منتشرة و لا عشان العربية منتشرة تبقى كويسة و أغلب أدمغة (جمع دماغ) الشعب المصرى بيميل للفكرة التانية إنها مادام منتشرة تبقى كويسة زى انتشار السيراتو دلوقتى و من قبلها الانسر ال1300 و ال128 أكيد العربيات دى مش وهم و مش أحسن حاجة فى سعرها ولكن انتشارها بيدى انطباع إن أكيد قطع غيارها بالتبعية هتنتشر و بالتالى هتبقى أرخص و برده الميكانيكية اللى بيفهموا فيها و بيشتغلوا فيها هيبقوا كتير و ده برده هيرخص الخدمة و كل اللى فات ده هيقوم تمنها فى المستعمل و دى أغرب حاجة بالنسبة للمصريين اللى بيفكروا يبيعوا العربية قبل ما يشتروها تلاقى كل واحد من أهم نقاط تقييمه للعربية سعر إعادة البيع بتاعها كام و كل المقدمة الطويلة اللى أنا قلتها دى بصرف النظر عن عيوب العربية عشان كده إوعى انتشار عربية يخدعك و يخليك تعتقد إنها عربية كويسة و بالنسبة لموضوع التاكسيات فده لأن الشركات اللى قامت بالتمويل كان همها فى الأول و الآخر سعر العربية نفسه يكون رخيص عشان التمويل ما يبقاش عالى لكن اعتمادية العربية نفسها أو خدمات ما بعد البيع و لا تفرق معاهم لأن دروهم بينتهى عند التمويل و بس.
منتشرة علشان كماليات كتير + موتور كويس + عربية واسعة مقابل سعر قليل بالنسبة لفئتها
دى حاجات الناس بتحطها فى اعتبارها لما بتشترى عربية جديدة
بس المشكلة بتبقى ان الناس مش بتبص للعيوب بتاعة العربية (اغلبهم بيقولوا ان العربية الزيرو بتقعد 3-4 سنين مش بتحتاج صيانة)
بس طبعا العربيات دى مشاكلها كتير ودى الناس بتتغاضى عنها مش عارف ليه
اقرب مثال : قطع غيارها غالية عن مثيلاتها ومش اعتمادية
ده ببساطة اعتقادى فى العربيات الصينى عامة
معظم الناس اللى اشتريتها عاوزه اوبشن كتير وسعر صغير وعربيه جديده ( رغم انهم وقعوا فى مصيدة العربيه الصينى+ فوائد تقسيطها = عربيه يابانى محترمه
لكن فعلا هى كويسه لمدة صغيره بعد كدا بتتورط فيها الا اذا كان حظك حلو ووقعت معاك عربيه بنت حلال مفيهاش مشاكل ودى موش حاتدوم اكتر من 3 سنين:Copy of new:
وهناك سبب للاسف منتشر وهو المنظرة:0002014A:
عاوز اعمل برستيج اودام الناس واركب عربيه زيرو بعد ماكان معايا 128 او عربيه قديمة
وطبعا بتمنظر بيها لمدة وبعد كدا برجع اتورط فى مشاكلها :POINTIy2[2]:
الدعـــايه الصح بتعمل المعجزاااااااات
اقتباس:
المشاركة الأصلية كتبت بواسطة omaroof
حضرتك تقصد الجميلة نيسان صني:ma(36):
العربية حلوة و تستاهل
رايي زي الاعضاء ما تفضلوا وقالوا . وجهات نظر سليمة
+111اقتباس:
المشاركة الأصلية كتبت بواسطة moonish_galaxy
للأسف الناس فاهمة ان العربية الرخيصة بس هي اللي بتبيع
طب مانا ايام ماكنت بشتري فيرنا المفروض كان في نفس الفئة VW pointer ....بس ولا كنت سمعت عنها غير بعد ما اشتريت بفترة!
توكيلات نايمة في العسل و اخيراً الحمد لله على الإختيار ..لأن pointer اثبتت فشل زريع
مش كل الصيني اثبت كفائه زي الاسبرانزا بس بصراحه هي عمله شغل حلو ومش معني اني الابشنز ال فيها علشان كده مبيعاتها كتير لكن هي عربية تستاهل وفي تطوير وبصراحه ان معجب اوي m11 عربيه جميله وسعرها مناسب جدا والناس ال عندها بتشكر فيها وهو ده الاثبات ال العربية عمله شغل حلو في السوق ـــ مجرد وجهة نظر وشكرا
يا جماعه دى وجهات نظر كل واحد له مواصفات معينه فى العربيه اللى هيجبها
بس طبعا الكل ماعدا القليل متفق على ان الصينى غير جيد بدرجه كبيرة
الصيني صيني اركب كوري احسن
يا جماعة اهدوا بس شوية على الراجل انا واحد من الناس كان معايا الاول بى ام 316 موديل 94 وبعد كدا لانسر موديل 2005 ومكنتش متخيل اساسا انى اجيب عربية صينى فى يوم من الايام وجبت الاسبرانزا تيجو والحمد لله العربية تمام ومحسيتش انى نزلت من لانسر على حاجة اقل بالعكس اداء جميل وكل حاجة فى الدنيا لو الصيانة بتاعنها اتعملت فى مواعيدها هاتبقى كانها جديدة مهما قعدت المهم مش هى نوعها اية المهم انتا بتحافظ عليها ازاى ولو هانزكر العيوب الى فى العربيات اليابانى والالمانى الى نزلت فى الفترى الاخيرة هانقعد نتكلم للصبح
اسف للاطالة لكن دى وجهات نظر وان اتفقنا او اختلفنا ففى النهاية دا كلة لصالح اعضاء المنتدى
انا بفكري اللي علي قدي شايف انها كويسة جدا بس المشاركة المصرية هيه اللي مسوءة كتير منها .... عربيتي كويسة غيري معاه نفسها بس وحشة ....
و اي حاجة بتتجمع في مصر كدا
ربنا يهدي الجميع و يباركلهم
اقتباس:
المشاركة الأصلية كتبت بواسطة jisso82
احسن مشاركة لحد دلوقتى فى الموضوع ده :verygood::bravo:
اسباب الانتشار فى رايي كالاتي:
1- رخص الثمن
2- كثرة الكماليات
3- المنظر العام الملفت (وجهات نظر)
4- قدرة التوكيل فى الاعلان
ولا انكر ان بها مشاكل لانها كانت معي 516 من سنه ونص, ولكن بصراحه كفائتها محترمه ومشاكلها عادية جدا وايضا توكيلها متعب فى الاصلاح ولكنه يصلح الاعطال ولكن بتعب من العملاء وشكاوي
والهوجه علي هذه السيارات لان اصحابها دافعين فيها تقريبا كل مايمكلون ولذلك لا يتوقعون ان يروا فيها عيبا واحدا ويسبب ذلك لهم النرفزه والارق والتفكير فى كل 100 جنيه
عذرا ولكنها الحقيقه
تقبلو مروري
و
الى مش عجباه ميشترهاش والى ميعرفهاش يا ريت يتكتم احسن انا فخور بعربيتى وتقلها اهى احسن كمن الدايو الافيو فى وجهه نظرى . وبس الى شايف غير كده برضه صح كل واحد مفتى نفسه
^^^^^^^^^^^^^^^^^^^^^^^^^^^^
+++++++++++++1 :bravo:
اقتباس:
المشاركة الأصلية كتبت بواسطة osha
بالروح بالدم نفديك يا بو الفتوح:36_3_10[1]:
يا كبتن بتستا انا شغال فى السياحه وملش دعوه بابو الفتوح ..
ايجيبتو مش لازم كل واحد يقول كلمه كويسه او تكون العربيه عجباه انه يكون شغال في ابو الفتوحاقتباس:
المشاركة الأصلية كتبت بواسطة egypt0777
وبعدين معظم الاقسام ليها وكلاء في المنتدي ومعروف انهم مندوبين عن الوكيل
لتقديم مساعده للا عضاء وكنوع من الدعايه لسيارتهم
اظن ان ابو الفتوح مالوش مندوبين في المنتدي وان وجد لايعيب السياره في شيء
لان السياره وان وجدت بعض العيوب بها الا انها تعتب رمناسبه جدا بل يمكن ان تكون ازيد من سعرها:36_3_10[1]:
علشان سعرها قليل على امكانيتها مع العلم ان العربية وحشة جدا من حيث الاعطال وصيانتها غالية جدا بمعنى اصح استعمار اقتصادي
أنا والله شايفها كويسه جداااااا أنا ركبت مع اكتر من سواق تاكسي ببص ع العداد العربيه عامله معاه حوالي 145000 كيلو في سنتين يعني طاحنها ولكنه بيشكر فيها جدا ده من كلامهم بصراحه بس واحد قاللي أنه كان معاه فيرنا والفيرنا في السحب أحسن منها ده للأمانه فقط .
اقتباس:
المشاركة الأصلية كتبت بواسطة bassemali
علشان فرق الوزن مش اكتر
علشان عربيه زباله
اقتباس:
المشاركة الأصلية كتبت بواسطة zago
انت قصدك ان الانتشار دليل علي انها زبالة؟؟؟؟:what:
اصل لو فعلا ده رأيك يبقي شكرا .... خلص الحوار
ياباشا متزعلش كده بساقتباس:
المشاركة الأصلية كتبت بواسطة hemaa_82
لو افترضنا ان الاسبيرانزا تمنها 200 الف جنيه هل كان ممكن حد يشتريها ؟؟
طيب ليه المرسيدس الكوبيه مثلا مش منتشره ؟
طيب ليه في السعوديه عندهم تويوتا كامري واحنا معندناش غير تويوتا
طيب ال 128 بقالها كام سنه في مصر؟؟
وايه رايك فيها كعربيه مقارنه بنفس الموديلات اللي نزلت معاها ؟
وانتشرت ليه ؟؟
الانتشار دليل على انها رخيصه مش على انها كويسه
متزعلش يا بيه ده رايي
اقتباس:
المشاركة الأصلية كتبت بواسطة zago
في فرق شاسع ما بين الرخيص و الزبالة
ال 128 كانت بتنزل ب 38 الف جنية ........ رخيصة بس مش زبالة .... معروف عيوبها و مميزاتها بدون خدع.... و كان في ناس كتير معاهم مرسيدس و تيوتات و بيجيبوها لابن صغير مثلا او بنوتة صغيرة لسة بتتعلم سواقة...علشان في اسوأ ظروف السواقة و البهدلة هتتصلح و تلرجع عروسة ب 3-4 الاف جنيه
انما في عربيات زي مرسيدس سمارت....حتي عيب نقول عليها عربية
جيلي الفروتة ... اول و اسوأ عربية صيني نزلت مصر بدون منازع ..... مش رخيصة ..كانت ب اوائل الاربعينات ...بس موتور هلس و صاج هلس و منظر عجيب و بدون اي شك كانت برضه متستاهلش لفظ عربية
انما مثلا ال a11 اللي شبه التوليدو القديمة ؟؟؟؟ كويسة
و مش ببلاش برضه
و علي فكرة الفروتة منتشرتش .... مع انها وحشة
احنا فعلا كشعب بنحاول نسترخص بس مش معني كدة ان احنا بنستعفن
فينا بيسترخص علي مدار فترة ... يجيب زيرو رخيص و يبيع بعد فترة
و فينا بيسترخص علي المدي الطويل ... بيجيب اغلي سنة و يستحمل فترة اطول و مايحاولش يبيع
و فيه معاه فلوس مش فارقة فبيريح دماغه و يجيب الغلي باعتبارة اكيد الافضل و كل شئ تمنه فيه
بس عمر ما كان انتشار شئ دليل علي سوئه الا لو كنا بنتكلم عن ناس هبلة ... و انا معتقدش ان انت و انا و اخواتنا هنا هبل و العياذ بالله
العربيات الاسبيرانزا بالذات فيها كويس جدا بس النصيحة ان الواحد يحاول يجيب تقفيل بلاده هربا من نقطة عيوب التجميع المصري و رينا ما يوريك
تاني حاجة تكون عارف ان اكيد كسر الزيرو مش هيخسرك زي الزيرو لو انت غاوي تتاجر شرا و بيع
تالت حاجة تبص بدل المرة 100 مرة علي العربية اللي هتاخدها علشان هبل التجميع و تلافي العيوب
رابعالا تراجع ولا استسلام في لتعامل مع التوكيل طوال فترة الضمان.... بس خارج الضمان متسترخصش و ركب بديل -يباني او الماني للقطع- هتلاقي فرق في الاداء
خامسا ... التوكل علي الله عمره مهيجيبك ورا حتي لو صور لك العكس
ربنا يهدي اخواتنا في التحرير و في كل مكان لصالح البلاد و العباد و يعديكي علي خير يا مصر
سامحينا يا مصر ........ مش قصدنا ندمر فيكي
خلاص يابيه متزوقش
بس انا مركبهاش
حريه شخصيه
اقتباس:
المشاركة الأصلية كتبت بواسطة zago
ربنا يباركلك في ركوبتك و يكفيك شرها ايا كان نوعها .... و من غير زق :b4_611:
+1اقتباس:
المشاركة الأصلية كتبت بواسطة jisso82
العربية ممتازة بالنسبة لسعرها بس عيبها انك لما تبيعها هتخسر كتير ومش هتمسك فلوس علشان صيني وغير كدة التقفيل المصري انت بقى ونصيبك ومش كل الناس بيطلع هندهم عيوب في العربية وممكن واحد يطلع عنده عيب وواحد يطلع عنده عيب تاني يعني بختك يابو بخيت بس لما تشتري حاول تنقى اللي على وش القفص وهتطلع حلوة ومش هتندم
الوضع الايام دي اصبح افضل فى تقفيل الصيني وكمان البيع انتشر