عرض للطباعة
مطلوب المناقشة بهدوء:
هل أصبحنا جبناء ؟
أم
نحن في الأصل هكذا؟
سبب في هذا السؤال:
أني أرى ما يعانيه الشعب المصري من الحكومة - للأسف - يحدث في كل مكان على أرض مصر ، ختى لو كان بصورة مصغرة ، في العمل .. في البيت ... في الشارع .. في كل مكان.
لم يعد احد يريد أن يتحرك لتصحيح خطأ أو مواجهة ظلم وفساد.
الكل ينتظر الأخرين كي يسير وراءهم ..
الأمر أصبح مؤلما.
لماذا وصل بنا الحال لهذا الحد ؟
سؤال يحتاج الى إجابة وتحليل متأني وهادي.
نعم بالفعل فا نحن مع الأسف فى الأصل هكذااقتباس:
المشاركة الأصلية كتبت بواسطة osoliman88
لنا ولك الله يا مصر
احنا مش فى الاصل كده
احنا فى الاصل منعرفش حقوق البنى ادمين عشان نطالب بيها و لو عرفناها هتبقى بالنسبة لنا خيال علمى
لذلك احنا فى الاصل مش عايشين زى البنى ادمين اصلا و بكده مينفعش نسال هل نحن جبناء او لا او من الاصل احنا كده لان دى صفات الناس العايشين حياة البنى ادمين المحترمين
شكرا
اه جبناء
اخرنا نعمل جروب على الفيس بوك
ويوم ما تونس تثور بدا ما نثور زيهم لا ننزل نايدهم
انا مش فاهم نايد ايه
عايزين تنزلو انزلو ثوروا مش ناس تعد تهلل و خلاص
زرعوا فينا الخوف
قتلوا فينا الامل
عودونا نعيش اقل الشعوب
والمفروض اننا اعلى الشعوب
اقولك اية تانى كرهونا حتى فى بعضنا
الفرج من عند الله
لايااخي الفاضل لسنا بجبناء ولكن نريد ان نضمن ان نقوم جميعا علي قلب رجل واحد وبقبضة رجل واحد فالكثير يخشي او بالأحري يحذر من ان يقوم هو وقلة قليله ولايقوم معه الكثيرون كما يتوقع فيصبح فريسه سهله بيد النظام ويقوموا بأعتقاله كما يحدث حاليا لذا فقد اصاب الشعب المصري الحذر وبسبب الأساليب المروعه التي يتخذها الأمن مع المواطن المصري والتي سمعها البعض ممن تعامل معه الأمن بهذه الأساليب المروعه جعله لايلقي بالا ويحذر من بعضه البعض وللأسف استطاع النظام ان يغرس هذا الشعور داخل الشعب وهو لا تلتفت لمن يريد ان يجعلك بطلا ثم في وقت الشده وعندما تصبح في فوهة المدفع سيتخلوا عنك جميعا وستحمل الحمل بكامله
مين فينا مش خايف يلاقي نفس مصير خالد سعيد والسيد بلال وغيرهم كتير؟!
أنا بحس إننا بنخاف أوي من أيام سيدنا موسى مع فرعون ودايما بينضحك علينا بالكلام زي ما فرعون قال " أليس لي ملك مصر وهذه الأنهار تجري من تحتي أفلا تبصرون" ربنا عقب على حال فرعون وحال أهل مصر " فاستخف قومه فأطاعوه". بس بجد إللي أعرفه عننا كمصريين إن احنا بنسد في وقت الشدائد وكل واحد بالبلدي كده (بيستبيع) يعني نظام اللي هو خلاص فاقد ومش فارقة معاه حاجة بس إمتى اللحظة دي تيجي الله أعلم، حاجة أخيرة اللي هي مشكلة إن كله بيعتمد على بعضه، يعني مثلا لو فيه إضراب الناس تقولك اه دول بتوع كفاية عاملين إضراب علشان رغيف العيش، ولو فيه مظاهرة يقولك دا بتوع الإخوان عاملين مظاهرة علشان الأوضاع السياسية وفلسطين..... طيب انت ياعم تبع مين ولا بتاع مين؟؟؟؟؟؟. فلازم الكل يحس إن المشكلة مشكلته وإذا هو ما ضحاش علشان يعيش عيشة كريمة يبقى في حياته ما هايشوف العيشة دي؟
لأ هو ممكن السؤال يتسأل بطريقة تانية هل اي حد فينا او في الشعب المصري كله مستعد يضحي بنفسه او بحد عزيز عليه في سبيل ان حال البلد يتعدل .؟؟؟؟؟؟؟ لان لو بصينا لتونس هنلاقي ان فيه فوق ال 100 واحد ماتوا في المظاهرات هل عند اي حد فينا استعداد يبقي من ضمن الناس دي ولا كل واحد فينا عايز غيره اللي يموت ويضحي وهوا يجني الثمار ؟!!!
:what:نمشيها مسالمين:36_2_33:اقتباس:
المشاركة الأصلية كتبت بواسطة osoliman88
بصو للموضوع من ناحية اخري
يعني احنا كدة كدة بنموت في العبارات والقطارات وحوادث الطرق
بنموت من المبيدات المسرطنة وخلافة
بس بنموت منغير هدف
عندك حق يا اخى:bravo:اقتباس:
المشاركة الأصلية كتبت بواسطة namla
من حوار خوف او جبناء او احنا اصلنا كدة الاجابة من وجهة نظري المتواضعة تتلخص في الاتي::
نجحو في الهاءنا في لقمة العيش وتربية العيال واكلهم وشربهم ومستقبلهم. فالكل يقولك علي لسان واحد ( من هيربي العيال ده لو جرالي حاجة ). فهو ده بيت القصيد
سؤال مهم و الاجابة صعبة جدا
لان فيها مواجهة صريحة مع الذات
احنا مش جبناء
احنا اتعودنا على الصبر و تحمل شتى انواع المصايب و البلاء و القهر و الظلم
و دائما يحدث تفريغ لشحنة القهر بطريقة سلبية
بنطلعه على بعض فى التعامل سواء فى الشارع او فى الشغل او السوق او حتى البيت
و لما نحاول نفوق و نعرف ان اللى بيحصل ده بسبب الفساد و الحكام الفاسدين نخاف نعمل حاجة بسبب الرعب من التنكيل و التعذيب و القتل و التمثيل بجثثنا بعد الموت على يد الامن
و علشان كده احنا دايما فى انتظار يد خارجية هى اللى تكون الفاعل لاننا دائما و سوف نظل ابدا المفعول به
و الامثلة واضحة فى التاريخ لمن يريد ان يعرف التركيب النفسى للشخصية المصرية
جبناء طبعا بلا تجميل كلمات
كله خايف على رزقه وحياته وأهله
وكل الحاجات دى اساسا فى يد خالقها مش فى يد بشر
الشئ اللى ممكن يحدث تغيير فعلا هو إما زيادة الإيمان عند غالبية الشعب (صعب) أو ظهور قائد يلهمهم الانتفاض والسير خلفه (صعب برضه)
طبعا جبناااااااااااااااااء
بس يا ترى حد فكر جبناء ليه
اعتقد انه فى الاساس هو
حب الدنيــــــــــــــــــــ ـــــــــــا
و صدق الرسول الكريم حين قال فيما معناه "غير متذكر النص الاصلى " انه يخاف علينا حب الدنيا
و الدنيا كلها فانيه لمن احبها
و المبكى فى الموضوع اننا احببنا دنيا دنيئه "يا ريتها كانت دنيا عدله "
و كما ذكر دكتور احمد للتغيير يجب ان يزيد الايمان عند غالبيه الشعب
و اعترف معه ان هذا صعب
و نسأل الله الا يجعله مستحيلا
نظام صهيونى متحكم اقتصاد البلد بالكامل ومش فى الاقتصاد بس فى جميع المجالات
امشى جنب الحيطه
لما تروح تحرق نفسك هل تعتقد ان حد هيأكل عيالك؟؟
الراجل انهارده حرق نفسه قدام مجلس الشعب ولا اى حاجه حصلت ولا هتحصل
احنا فقدنا ادميتنا و احترامنا لذاتنا قصاد الدوله من زمان
التعذيب منهجى و احنا خايفين و انا خايف
احنا شعب بووووووووووء بس
اول ما حصل اللى حصل فى تونس كل المنتديات و المواقع و الفيس
تشوف تعليقات المصريين كله بيقول التوانسه دول رجاله التوانسه دول عملو الصح ياريت نعمل زيهم و عقبالنا و كل الكلام ده و طبعا كلنا شفنا ده
لكن تعالى بقى قول لواحد انزل اعمل مظاهره يقولك و انا ماااااااااالى
اقتباس:
المشاركة الأصلية كتبت بواسطة mtak
"إذا تبايعتم بالعينة، وأخذتم أذناب البقر، و رضيتم بالزرع،وتركتم الجهاد؛ سلط الله عليكم ذلا لا ينزعه حتى ترجعوا إلى دينكم".
أخرجه الطبراني وابن القطان و صححه الألباني في السلسلة الصحيحة
كله موجود و رسولنا الكريم منبه عليه
بس احنا اللى حالنا بقى سيئ مع الاسف و حتى الدنيا اللى خايفين عليها لا تصلح لمعيشة ادمية فى البلد المنكوبة بحكومتها دى