يا ريت تقوليلى اية احلى مطعم اكلت فية وفين مكانة,, وشكرا:)
عرض للطباعة
يا ريت تقوليلى اية احلى مطعم اكلت فية وفين مكانة,, وشكرا:)
بما انى تقريبا مقضى حياتى اغلبها اكل تاكواى الصراحه اكتر مطعم عجبنى اسمه ترى بيان فى المهندسين و جايز يكون ما بيعجبش ناس كتير بس انا اكتر حاجه بتعجبنى فيه اولا اكله حلو ثانيا تحس ان فلوس الوجبه متناسبه معاها مش تحسه حرامى
Spectra و ده له فرع فى المعادى و 2 فى المهندسين
ابو عمار فى شارع سوريا (المهندسين) للأكل السورى, جامد جدا جدا جدا
مطعم أم محمد فى طنطا
ش الفاتح جنب موقف سوق الجمله
تحس أن الحاجه ( الوالده ) طبختلك الأكل
ويعتهولك المطعم علشان تاكل
يا مال الشام للأكل السوري
بصراحه خطير جدا جدا
في مدينة نصر وفي برضه في المهندسين
ديدوس في المعادي و بيعمل مكرونه بس بالفراخ و الجمبري و حاجات كتير و تحفه فعلا.
روستري و دا في المهندسين .
بلنسبه للاكل اللي بجد بقي
الدار البيضاء في طريق الا سكندريه حمام و كباب حكايه.
ابن حميدو بتاع سمك في ناحيه وسط البلد كده.
............................
في الامارات
كان احلي مناقيش كلها في مطعم الارز و زهره لبنان في طريق دبي الشارقه
لاكازيتا "ستانلي" اسكندرية....انا ممكن ارزع مشوار اسكندرية ده مخصوص علشان عشوة حلوة هناك و تمشية على الكوبري الجميل و ارجع على طوول
اصلا صورة الموناليزا اللي في المدخل تفتح نفسك على الدنيا و على كل الاكل اللي عنده و جوه هادي و دافي..بصراحة مطاعم لاكازيتا بتحس فيها بسكينة و هدوء و ليا فيه ذكريات كتير و خاصة لاكازيتا المعادي
فلفلة جميل جدا بردة يا شباب خاصة للاكلات السريعة.
بس عندي سؤال عن مطعم..حد فيكم يعرف مطعم اسمة " نجف" وفين مكانة؟؟
بيتزا===>بيتزا هت وبيتزا ستيشن(سفير)
فلافل===>يامال الشام
فياجرا===>كوك دوور
ام على===>المالكى
سلطة فواكه و فخفخينا بالبتنجان الاخضر:D===>العائلات و فرغلى
فراخ شيش===>شيخ البلد
ده عندنا احنا قدام هندسة عين هتلاقى الكليه كلها عنده لانه حل من 3 يا اما طارق بتاع الفول يا نجف يا الكافيتريا
في القاهرة..أبو شقرا القصر العيني ثم بلاطة (الرفاعي) في السيدة زينب ثم أبو السيد (فروع عديدة)..ولكن أحسن مطعم فيكي يا جمهورية مصر العربية هو بلبع بتاع اسكندرية..وكفاية كده علشان جوعتوني :-)
البرج&أسماك البحرين
أبو صلاح فى مصر الجديدة للكباب و الكفتة و الطرب الخ الخ
يا مال الشام بمصر الجديدة اخر مترو شيراتون
جوني كارينوس في مصر الجديد جنب سنترال الماظة
اصلي بحب المطبخ الايطالي شوية
بلبع بتاع اسكندرية مش طبيعي فعلا
لو كملت مش هانخلص
وليه السيرة دي والواحد ماسك ساندوتش جبنة يتيم في ايده
planet Africa
'طبعا معروف جدا
بحه في الناصرية
الركيب شارع بور سعيد
الجحش السيدة زينب
سبيكترا ، ونابليون ، وجوني كارينوس ، و #^%^&@$@$@$)@$) ، هي ديه مطاعم أكل ولا دوا قبل الأكل ؟؟؟؟؟؟؟؟؟؟؟
ستوديو مصر اللي في الأزهر بارك أكله حلو جدا وعندكم بأه الهابي دولفين اللي في شارع عبد العزيز آل سعود أكله حلو برده وأحلي حاجه انه بيطلع الأكل من الفرن عليك تحس انه ناقل البوتاجاز لحد الترابيزه
قرية عبد الوهاب للمشويات
ايلاع للاسماك
جاد شارع سيزوسترس للفول
SPECTRA & SPECTRA & SPECTRA
ابو فارس السورى
عندنا فى اسكندرية موجود فى ميامى وفرع تانى عند الحديقة الدولية
عليه شاورمه جامده جدا جدا
ومش عارف ليه كل ما اكل من عنده شاورمه افتكر "كريم منير"
المطعم ده ملوش حل خصوصا قرية بلبع اول مره اشوف قرية للاكل بس ما شاء الله
هى الحاجات دى بتتجاب من المطاعم ولا من الصيدليات؟؟
ممكن شرح اكتر؟
فتة الشاورمة بتاعته ملهاش حل فعلا
بـــيـــســــتـــروووووو جامد جدا جدا جدا احلى مكرونة ايطالى ممكن تاكلها فى حياتك ... ( بنافلانتينو ) بجد ابتكار جامد جدا . وبيعمل اجمد بيتزا( لا بيتزا هت ولا دومينوز ولا كينج ولا اى بيتزا ممكن تتقارن بيه الصراحة ) ... لما بدخل المكان دة بالرغم من انة صغير جدا جدا بس بحس انى فى ايطاليا فعلا من الديكور والميوزك و طبعا الاكل .
بجد احلي اكل اكلته في حياتي كان في المطعم بتاع ماريوت الزمااااالك بجد جامديــــــن اخــــــــــر حــــــــــــــاجه ;)
اول الشهر
فرايد دايز - تشيلز - ستوديو مصر – لاكازيتا
منتصف الشهر
فرحات ( حمام ) – ابو رامى - العهد الجديد
اخر الشهر
الشبراوى -التابعى
الاسكندرية
عرس البحر – بلبع
بورسعيد
البرج – عبده كفته
للسمك :
بحرى فى مكرم عبيد تحفة خاصة الجمبرى اللى بالخلطة يجنن
كباب و كفتة :
طبعا بلبع فى الاسكندرية
و حسنى عند مكرم عبيد الكباب بتاعة تحفة.
على فكرة
انا بطلت اكل اي لحوم برة البيت
الله يمسيك بالخير يا حفناوي
كل ما نكون بنسرح واجي ناكل يقوللي لحوم لاء انا عارف هيا معمولة من ايه
وانا اقولوة جمد قلبك
زماني واكللي حمارين وكلب صغير لحد دلوقتي:(:(:(
اندريا المريوطية علية فراخ مشوية ملهاش حل
احسن واحد يعمل فطاير في اسكندرية هو دهب في سبورتينج
واحسن واحد يعمل فول وفلافل هو جاد
واحسن واحد يعمل كبدة اسكندراني هو فهمي خطييييييييييييييييييييييي يير جدا
وفي واحد بتاع فطاير كويس برضه في ميدان الساعة اسمة علي بابا
البرج وعبد كفته في بورسعيد
ووووووووووووووووووووووووو ووووووووو
لما تروح عند بحه ح تلاقي صاحب المحل شاب اسمه ميمي قوله الحاج احمد ابراهيم بيسلم عليك ح يعمل معاك احلي واجب .. يعني طبق شوربة كوارع هدية ... شوية ممبار نقاوة ... لحمة راس مخصوص ... ياااااااه جوعتني يا اسلام
بحة دة خطير
وحلاوته في الشتاء لأنك ح تبقي قاعد في الشارع والهواء الطلق وبتنقط عرق من هول ما ستأكله
وعلي فكرة اللي بيسأل عن نجف له فرع جنب مكتبي علطول في عبده باشا عند هندسة عين شمس
ومطعم حسني اللي عند السراج مول في مدينة نصر مطعم ظريف جدا شوربة السي فود عنده تجنن
وفيه مطعم اسمة دولفين في جسر السويس بتاع سمك والديكورات كلها انك قاعد في سفينة صيد .. عشان تاكل بضمير واحساس عالي
كان المطعم اللي تناولت فيه اول وجبه مع خطيبتي اللي هي ام اولادي حاليا فلقد اضفي اللقاء والمناسبه حاله نفسيه جعلت منه افضل مطعم بل مكان ذهبت اليه وعلي ما اذكر كان تافارنا في اسكندريه ..هييييه .ليت الشباب يعود يوما
بما انى خبيره مطاعم وكافيهات اااافضل مطعم اكله فيه واكله ملهوش حل هو مطعم
تبوله مطعم لبنانى فى جاردن سيتى للى بيحب يسمع اغانى فيروز القديمه ويستمتع بالمشاوى والشنكليش اللبنانى على اصوووووله والمقبلات اللبنانيه
وثانى مطعم المطعم المغربى اللى فى الفورسيزون الجديد على حمام السباحه شششششى خرافى الاكل بس وووووولعه فى السعر للعلم بس
هو فين بلبع دة انا جعت خلاص؟
انا اقتراح للادارة وهو تثبيت الموضوع 000 وكل واحد يبقى يحط اسم المطعم ونوعية الطعام وموقع المطعم 000 علشان الامر يكون متيسر لمن يرغب فى التجربة 00 النفس وما تشتهى يا ادارة