ياريت بس من صاحب الموضوع لما يكون فى جديد فى الموضوع
يكتبه بخط اكبر و لون مختلف شويه عشان نقدر نتابع
عرض للطباعة
ياريت بس من صاحب الموضوع لما يكون فى جديد فى الموضوع
يكتبه بخط اكبر و لون مختلف شويه عشان نقدر نتابع
طبعا موضوع مفيد وخصوصا ان صاحب الموضوع الاستاذ احمدكمال ربنا يحميه
الله يخليك يا باشا وميحرمناش من الناس والاخوه هنا بالمنتدي وبصراحه هما إل ولعوا الموضوع بصفحه فودافون
واشكركم بجد علي تضامنكم معي وهذا ما اتمناه انكم تقفوا جنبي لحد ما اخذ حقي منهم
لا جديد ياباشا والله هما باين بيتبعوا سياسه سيبه هيزهق لوحده
وبالنسبه لموضوع المحضر هو لسه شغال
لو حصل جديد هبلغكم يا اخواني
وياريت بس نولعها بالردود علي صفحتهم لزيادة الضغط عليهم
دى مشاركتى هناك:
================================================
مشكلة مماثلة حدثت معى :
مبيعات فودافون اتصلوا بيا على رقم خاص بى لاحدى الشبكات الاخرى وقالوا ان فيه عرضا انى اخد الرقم الفولانى مجانا مقابل انى اشغله فاتورة لمدة سنة ونفس لشروط الخاصة بيك، وافقت وتم تحديد ميعاد لتسليم الخط وحضر المندوب ومضينا العقد لافاجأ بالاتى:
1- الرقم اتغير لا وكمان اييييييه اتغير وجايين يدونى رقمى الخاص بفودافون اللى شغال معايا فاتورة
طبعا عملت مشكلة وقلتله انت جاى تبيع خطى لواحد تانى (بما انه مش عارف انى صاحب الخط ده)
2- بعد كام تليفون منه وهو قاعد معايا قالى خلاص يا فندم رقمك اللى اتقالك اهوه لكن للمرة الثانية غيروا العقد وبدل ما يبدأ ب010 لقيته بيقولى 019
طبعا شوية كلام وزعيق تانى قالوا من الاخر مفيش ارقام 010 هدية
قولتله هو انا طلبت منكم حاجة ولا جيت عندكم اقولكم ادونى رقم، انتوا اللى اتصلتوا بيا وقولتوا فيه رقم هدية وانا قبلت
لا يا فندم هو اتقالك 019 بس ممكن حضرتك سمعتها 010 اقوله انا متأكد سمعت ايه وبعدين ارجع لتسجيل المكالمة وانت تعرف ان دى غلطت الناس عندكوا مش انا
وطلبت منه عدم تفعيل الخط الا بعد الرجوع لادارته وسؤالم عن الخط الخاص بس اللى اتبلغلى والا مش عايز الخط ده، قالى حاضر.
طبعا اعتذر برسالة (مكلفش خاطره يتصل) وقال ما نفعش الرقم اللى طالبه وبالتالى قلت مش عايز الخط
3- مع الفاتورة التالية فوجئت بيهم ضايفين قيمة الاشتراك الشهرى للخط ده وبيقولولى الخط اتفعل وليه كام يوم شغال ولازم تدفع الفلوس اللى عليه اقولوهم خط ايه وانا مطلبتش خطوط وشرحت الموضوع كله وقدمت شكوى، بعد فحص الشكوى يقولولى صورة العقد معانا وانت ماضى عليها ومكتوب على العقد الرقم ال019
اتضح ان الاستاذ المندوب مشى من عندى وعشان ما يكلفش خاطره لما وصل الشغل حط الرقم على العقد من فوق، طبعا انا معايا صورة العقد الخاص بى ومفيهوش خالص اى ارقام مكتوبة من فوق.
بعد كام مكالمة وذهاب للفرع اكثر من مرة تم حذف المبلغ المضاف الى الفاتورة مع اعتذارهم بس الاعتذار مرفوض عشان كل اللى حصل معاهم ده
حاجة اخيرة: خطى اللى شغال معايا لما جيت اشغله قالوا ان ليا 1000 نقطة شهريا لمدة سنة وبعد مرور 6 شهور افاجأ بوقف النقاط ولما حبيت استفسر يقولولى بردو انت اكيد سمعت غلط.
محدش يا جماعة يعرف دكتور اذن كويس عشان اتعالج عنده؟؟؟؟
================================================
انا عارف انى اتساهلت فى حقى كتيييييير عشان كده بارجوك ما تتنازلش عن حقك
ما انا معايا رقم اتصالات ورقم من الارقام المميزة وهو ده الرقم اللى هما اتصلوا بيا عليه
والله أستهبال رسمى من الشركه متسيبش حقك وأحنا أن شاء الله معاك
السلام عليكم
احب اقدم التهاني لشباب وابطال ثورة الحريه واقدم العزاء للشهداء إل قدموا روحهم من اجل حريتنا واحترام ادمايتنا اسكنهم الله فسيح جناته
اخواني الاعزاء لحد دلوقت الشركة تستهبل عليه ومفيش اي احترام لمشاعرنا
انا قررت اني اروح اعمل اعتصام في المركز الرئيسي لفودافون
ايه رأيكم ومين عنده مشاكل مع فودافون او عنده اعتراض علي سياسيه الشركه والشركات الاخري للمحمول
وحابب اننا نعمل ونظم حمله ضدد الشركات إل بتنصب علينا بفلوسنا دي
مفيش حاجة اسمها مدير شكاوي منطقة اسكندرية .... دول بيثبتوك
حاول تاخد business card من الراجل ده و شوف اسمه ايه و مسماه الوظيفي ايه
شكر خاص ومميز
إلي جميع الاخوه والأخوات بتضامنهم معي ومساندتهم بالرأي لحل مشكلتي
بشكر الجميع وكلمه شكر لاتكفي
فعلا نايل موتورز اسرة واحدة
وشكرا ادارة نايل موتورز
اليوم تم الاجتماع مع المدير الاقليمي لمنطقه الاسكندريه مفوض عن حاتم دويدار المدير التنفيذي لفودافون وتم تشغيل الخط
شكرا شكرا شكرا شكرا
اسرة نايل موتورز
مبرووووووووووووك
ما ضاع حق وراءه مطالب
ربنا يبارك لك في الخط
صدقني لازم كلنا نعمل كده و ما نقولش حرام و بلاش اذى و بتاع
او مالوش لزمة و صداع و بتاع
مع شركة خاصة
مع شركة حكومية
مع مصلحة حكومية
مع جهة رسمية
ماخدتش حقك اشتكي
شكوتك ما عملتش حاجة ارفعها لمستوى أعلى فأعلى فأعلى لحد ما توصل لحقك
ناضل لآخر نفس
ما تهمدش و لا تقبل بانصاف الحلول
برافو am79 ...... فعلا
ما ضاع حق وراؤه مطالب
الف مبرووك
ما ضاع حق وراءه مطالب
ألف شكر وكلمه شكرا والله لاتكفي
وبجد الناس هنا كانوا متضامنين معي وبشده ضد الشركه وكانوا دايما وقفين جنبي بموضوع المشكله بالفيسبوك
والله انا عاجز عن الشكر ليهم وكانوا دايما علي اتصال بي لمعرفه اخر تفاصيل المشكله بشكرهم جريل الشكر
وفعلا المنتدي هنا اسرة واحدة
وأتمني من اي شخص ليه حق مش يسيبه مهما كان بسيط علاشان محدش يستهون بينا ويحترمنا علاشان برضه متكررش تاني معي او مع غيري
شكرا جزيل الشكر
إلي الامام اسرة نايل موتورز
تحيا مصر ويحيا شباب الثورة
غير توقيعك ياعم بقى