سيراتو عاملة حادثه مطلوب نص امامي

**Deshahcoka** · 21-01-2011 06:55 PM

باشا الف سلامة عليه :( و ان شاء الله خير و يارب هوا كويس ديه اهم حاجة !

باشا انا ممكن ابيع الاكصدام الامامي بالفوجات بالشبكة بالفبر بتاعه بالفوانيس الامامية :) عشان عاوز اغيرهم ببتوع الكوب!

يعني لو هوا هيشتري استيراد فممكن ابيعهم بنفس سعر الاتستيراد مستعمل :) مفيش مانع و مش هنختلف اكيد :)

شوف كدة و قلي انا مش بجبرك بس قلت اعرض عليه ممكن يعني :)

**KHALED AYMAN** · 21-01-2011 07:08 PM

اكيد فى الحرفيين ...
بس بجد لو فى امكانياته يبيع العربيه و يجيب حاجه تانيه حتى لو اقل يبيع ....
العربيه مهما صرف و مهما عمل و مهما كان الصنايعى الى هيشتغل فيها ...مش هتطلع مظبوطه واسال مجرب :(

**Haitham10** · 21-01-2011 07:27 PM

انا متشكر جدا ياجماعة لروحكم وهو بخير الحمدلله ودة لان الايرباجات فتحو

ديشا ياريت تبعتلي الاسعار المطلوبة ولون عربيتك والفوانيس تقريبا سليمة عنده (ازاي معرفش)

ابعتلي سعر كل حاجه وان شاء الله ابلغه بيهم وربنا يوفق وموضوع الكوبيه ده جامد لو مش محتاج تعديل انصحك بيه

**Haitham10** · 21-01-2011 07:45 PM

هي الحادثه غريبه شوية لان كلها من تحت لغاية قبل الاسكترا
انا كلمت صاحبي وقالي انه نزل الحرفيين النهارده والنص لاقاه ب40 الف ولغي فكرة النص

فحاليا في حاجات زي دورة التبريد سواء رادياتير او سربنتينه او كباس التكييف لو حد يعرف اسعارهم يقولي
هو سأل علي الاكصدام ب600 استيراد نفس اللون
الفوجات سليمة والفوانيس الكبيره سليمة برضه
باقي المقصات
ورفرف
ودورة التبريد حاليا
الكبالن
وزجاج امامي

وفي ناس بتقول ان العفشه والموتور هما بتوع الالنترا

ويا شادي او مهاب حد من السيراتوية يقولي التابلوه الاتنين ايرباج فتحو العمل فيهم ايه سواء الصح او لمة للموضوع ايه العملgl

**Deshahcoka** · 21-01-2011 09:03 PM

طيب يا مسهل الحال الحمدلله انوا الفوانيس سليمة :)

عموماً انتا بس شوف و انا تحت أمرك في اي وقت :)

**fahd_628** · 22-01-2011 01:54 AM

بالنسبة للتابلوة فية ناس بتقفل الطارة و التابلوة بيبقى شكلة عادى بس طبعا مش حيبقى فية ايرباج

**Hesham_91** · 22-01-2011 10:19 AM

دورة التبريد كاملة 2300 استيراد

**Haitham10** · 22-01-2011 03:16 PM

ساعدوني بالعناوين والتكلفه ياجماعة بعد اذنكم
استاذ هشام .. السعر ده اكيد وياريت رقم تليفون او عنوان الي عنده

وهل ينفع الفتيس يتباع لوحده ؟؟؟؟
الفتيس الي جنب المكنة مش عاوزه كامل .. لان فارغته فيها كسره لكنه سليم ومستحيل حد يبيع فارغه والله اعلم لو في فتيس لوحده

المكنة بالفتيس رقمها خيالي 15 الف جنيه والي يقول 13 وفي ارقام اكترررر

صاحبي ماشي ورا كل كلمة من صنايعي لواحد ملوش في العربيات وهكذا الله يكون في عونه دماغه مبقتش معاه خالص فبحاول اساعدة بدل ما حد يشتغله

**Hesham_91** · 22-01-2011 05:55 PM

الكلام ده عند الشرقاوي في الحرفيين و مش معايا رقم تليفونه للاسف .. ده هتلاقي عنده اي حاجة للسيراتو و في واحد تاني في الحرفيين برضه اسمه رحمة نفس الشيء و اسعارهم متقاربة جدا ..