عندي سؤال غريب بعض الشيئ . وارجو الافادة من اصحاب الخبرة
عندي سيارة اوبترا 2006م مانوال .. هي يمكن تحويلها الي اوتوماتيك ؟؟
ارجو الرد والافادة ولكم مني جزيل الشكر
عندي سؤال غريب بعض الشيئ . وارجو الافادة من اصحاب الخبرة
عندي سيارة اوبترا 2006م مانوال .. هي يمكن تحويلها الي اوتوماتيك ؟؟
ارجو الرد والافادة ولكم مني جزيل الشكر
ازاي يا فندم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
اقولك ازاياقتباس:
المشاركة الأصلية كتبت بواسطة mega911
اقصد ينفع استبدال صندوق نقل السرعات من العادي الى الاوتوماتيك؟
على ما أعتقد لازم تغير الأنجين بواحد أتوماتيك أستيراد
معقولة عشان اغير الفتيس من عادي الى اوتوماتيك اغير الموتور كله !!
التجارب اللي مكتوبة في المنتدي بتبين ان تحويل السيارة الي اتوماتك فاشلة وبتؤدي الي مشاكل كتير
يعني احسنلك تبيعها وتشتري اوتوماتك
كان فيه لسة زميل عامل الموضوع دة في عربية زلموكة وكانت النتيجة مش كويسة
اقتباس:
المشاركة الأصلية كتبت بواسطة aif
كل الشكر والتقدير لك على اهتمامك وردك
تقبل تحياتي
مع كل احترامي لكل الآراء
تحويل السيارة من مانيوال الي اوتوماتيك ممكن و لا معنى لتغيير الموتور كلة لأن الموتور واحد في الحالتين طالما بتجيب الفتيس الاوتوماتيك الخاص بنفس السيارة يعني نفس النوع و نفس الموديل و مش شرط نفس سنة الصنع يعني لو العربية شكلها و موتورها واحد سنة 2006 و 2005 و 2007 مثلا و الموتور واحد يبقى الفتيس المانيوال و الاوتوماتيك واحد على نفس الموتور
و الطريقة المثلى للقيام باستبدال الفتيس المانيوال باوتوماتيك او العكس انك تدور عند بتوع العربيات المتقطعه الاستيراد في الحرفيين او الوكالة او بورسعيد او جسر البحر على عربية اوتوماتيك نفس نوع و موديل عربيتك و تعمل معاه اتفاق انك تستبدل مع التاجر الاجزاء و تدفع لة بدل نقدي و يقوم هو بفحص السيارة و يتطمن ان الفتيس المانيوال تمام مافيهوش مشاكل و انة حايقدر يبعه عادي جدا و انك مش بتديلة فتيس بايظ
و يتم استبدال الاجزاء التالية:
1- الفتيس الاوتوماتيك (الجير بوكس ) بالقربة و ياخد المانيوال بالفلام ( ترس الفلام المتثبت في الموتور) بتاعه من الموتور
2- الكونسول بعصاية الفتيس (بالآخر اللي فية سيليكتور الاوتوماتيك بدل العصاية المانيوال و معاة الكابل السلك الواصل بين السليكتور و الترباس بتاع الفتيس بدل بارات عصاية الفتيس)
3- طقم البدالات (اللي فية دبرياج بالآخر بتاع الاوتوماتيك مافيهوش و بيبقى بدال الفرامل عريض)
4- طقم العدادات بتاع التابلوة (بيبقى فية مؤشرات للفتيس الاوتوماتيك توضح النقلة اللي انت عليها P R N D 3 2 في العدادات و المانيوال بالطبع مافيهوش)
5- الردياتير أيضا يتم استبدالة (حيث ان الفتيس الاوتوماتيك بيبقى لة سربنتينة او ماسورة تبريد داخل الردياتير من اسفل تقوم بتبريد زيت الفتيس و الحفاظ على حرارة التشغيل للزيت باختلاف الطقس بين البلاد التي بها حرارة استوائية او جليد) و برضة تاخد الوصلات او الخراطيم و امواسير بين الفتيس و الردياتير
6- و لو الفتيس لة كونترول يونيت يعني فية فيش كهرباء مش نازلة في كمبيوتر السيارة يبقى كمان لازم استبدال كمبيوتر السيارة بالضفيرة بتاعتة بالفيشة اللي بتركب في الفتيس لو كانت مش موجودة في كمبيوتر السيارة المانيوال
يعني الموضوع برضة مش سهل وبالذات لو العربية فيها كمبيوتر و لو حاتشتري كل القطع اللازمة دي جديدة او من التوكيل حاتصرف عشرات الألوف و في المقابل انت بترمي قطع غيار كتير تساوي ألوف
لذا انا قلت في الأول ان الحل الأمثل هو القيام بالاستبدال مع تاجر عندة عربية متقطعه علشان تجمع او تاخد منها كل القطع دي و ياخد فرق و يكون الاتفاق ان الفتيس الاوتوماتيك عالتجربة كذلك الردياتير والكمبيوتر و كل ما يتم تغييرة
تحياتي
أرى أن أفضل حل هو بيع السيارة وشراء أخرى مثلها ولكن أوتوماتيك
مسمعناش صوتك من زمان يا أدهم باشا نورت المنتدى
الله يسلمك أحمد باشا, الحمد لله, انا فعلا بقالي كتير مابدخلش علشان مشغول قوي و كمان الدي اس ال مش شغال بقالة كذا شهر فاباخش دايل اب و غالبا الجمعه بس من البيت
هو طبعا الاسهل و الارخص والأسهل و الاضمن انة يبيع العربية و يشتري واحدة تانية اوتوماتيك زي ما قلت يابوحميد,
تحياتي
انسي الموضوع ده .. عك علي الفاضي ..
يا جدعان اللي معندوش اوتوماتيك مايحاولش يركُب اوتوماتيك ... و نفس النظام بالنسبه للتكيف .. و الاي بي اس .. و مش عارف ايه ...
ينفع مش ماينفعش ... بس هاتصرف و تكلف بلاوي و ممكن ماتطظبطش ...
الافضل بيع العربية واستبدالها بسيارة اتوماتيك
أولا التكلفة كبير فى موضوع تغيير الفتيس
ثانيا مش هتبقى زى اللى نازلة من الشركة اتوماتيك
ثالثا التكلفة عالية ولما تيجى تبيع العربية تاخد الصدمة التمام لما تلاقى الفلوس اللى دفعتها فى الفتيس راحت فى الارض خاصة ان العربية الاتوماتيك فى البيع سعرها اصلا بينزل عن العربية المانيوال
غير صحيح العربية الاوتوماتيك اغلى من المانيوالاقتباس:
المشاركة الأصلية كتبت بواسطة hfarouk
بس لو الفتيس مافيهوش اعطال
كلام سليماقتباس:
المشاركة الأصلية كتبت بواسطة Xpert
موافقك 100%
ولكن في بعض السيارات الكورية مثل النوبيرا الأوتوماتيك أرخص من المانوالاقتباس:
المشاركة الأصلية كتبت بواسطة Adham
وذلك بسبب سوء سمعة الأوتوماتيك في بعض السيارات الكورية
anything is attainable as long as you are willing to pay for it... the real question is: what is the cost of other alternaives (selling your car and buying another one with auto tranny)
MMamdouh
the real question is :
is it worthin or not ?!