السلام عليكم
هو الكاوتش الجديد يا جماعة ليه مدة صلاحية حتى لو ماستخدمتوش ؟؟
عرض للطباعة
السلام عليكم
هو الكاوتش الجديد يا جماعة ليه مدة صلاحية حتى لو ماستخدمتوش ؟؟
و عليكم السلام و رحمة الله و بركاته
3 سنوات من تاريخ الإنتاج
طيب ده معناه إننا لازم نستخدم الإستبن إللي بيفضل مركون في الشنطه علشان ما يحصلش فيه مشكله.
بالضبط فيه طريقتين لتدوير العجل
اول طريقة تدوير العجل مع الاستبن وده بيخلي العجل يقعد رينج 50000
بيفضله الناس اللي عايزه تريح الكاوتش لان كل عجلة حتريح 10000
مميزاتها: بتستهلك الاستبن وبالتالي صلاحيته مش حتنتهي منك
عيوبها: لما تيجي تغير الكاوتش : حتغير ال 5 مع بعض مش الاربعة
[sor2]http://img27.imageshack.us/img27/183/87224091.png[/sor2]
ثاني طريقة تدوير العجل بدون الاستبن وده بيخلي العجل يقعد رينج 40000
بيفضلها الناس اللي عايزه تبيع العربية وتقول ده حتى الاستبن لسه جديد ملمسش الارض (آل يعني لو لمس الارض تبقى عيبه)
مميزاتها: بتقلب الكاوتش بسرعة خصوصا مع اسفلت بلدنا الحلو فبالتالي لو كاوتشه باظت او اتمسحت مثلا فيه استبن تغير يه
عند تغيير الكاوتش بتغير ال 4 بس
عيوبها : الاستبن ممكن يخلص منك !
[sor2]http://img34.imageshack.us/img34/4611/30521908.png[/sor2]
والله ياجماعة انا عن نفسى عملت الروتيشن على ال 10000 بس من قريب كنت فى التوكيل وسألت مهندس هناك على موضوع الروتيشن وكده قالى انى معملوش تانى وان الصانه بالنسبة للوجان مش بينصح بيه وانى لما بعمله كده بصعب عليه معرفة حالة العفشة لو في مشكلة ... قولت طيب
وبصراحة رجعت تانى بعدها وسألت مهندس حسام شخصيا مدير الورشة وقالى نفس الكلام !!
النتيجة على كلامهم انى معملش الروتيشن
تانى حاجة انا معلوماتى من بريدجستون ان تغيير العجل على 40000 او بعد 4 سنين من تاريخ الصنع
وطبعا كل العجل المفروض سواء استخدمته او لا
بالنسبة بقى لانى انزل الاستبن ولا لا فبرضه والكلام من بريدجستون انه مش صح اننا مثلا والعجل ماشى 10000 اجى اشيل واحدة وانزل الاستبن مكان واحدة من القدام .... هو مش غلط بس القصة ان العجلة الجديدة دى حيبقى سمكها بالنسبة للجزء اللى بيحتك بالاسفلت غير طبعا اللى ماشيين ال 10000 مثلا اللى حيحصل ان معدل تأكلها حيبقى عالى جدا لحد ما تبقى زى زمايلها وهكذا .... طيب الخلاصة لو فى عجلة حصلها حاجة امرنا لله حنزل الاستبن وخلاص نفع نرجع تانى على طول بعد اصلاح التانية يبقى تمام وهكذا منفعش والتانية باظت خلاص حيبقى لازم نستخدم الاستبن
ارجو انى اكون وفقت فى نقل المعلومة
عادتا بيبقى تاريخ الانتاج مكون من اربع ارقام... الرقمين الشمال بيوضحوا اسبوع الانتاج من العام و الرقمين اليمين بيوضحوا سنة الانتاج... بالتالى الفردة اللى فى الصورة انتاج الاسبوع الرابع عشر ( اول اسبوع فى ابريل) من سنة 2008
http://t1.gstatic.com/images?q=tbn:A...msaOO6Kdq0brTw
MMamdouh
بص لو بنتكلم على الكلام الرسمى فا مفيش تاريخ صلاحية رسمى لاى اطار فى الدنيا...
لكن من الناحية العملية و بناء على الابحاث اللى اتعملت فى امريكا... 88% من حوادث الطرق اللى كان سببها مشاكل اطارات حصلت لعربيات كان كاوتشها عدى على تاريخ انتاجة اكتر من 6 سنوات
معنى كدة ان احتمال وقوع حادث لعربية فيها كاوتش عمرة اكبر من 6 سنوات كبير جدا... و دة اللى كان بتطالب بيه بعض الجهات (المشابهة لجهاز لحماية المستهلك) فى امريكا و هو اجبار صناع الاطارات على كتابة تاريخ انتهاء صلاحية على الاطارات الا ان دة محصلش حتى الان
عموما حتى لو دة مبقاش حاجة رسمية فا احنا شوفنا ادلة على ان الاطارات القديمة تمثل خطر و يجب اتخاذ اللازم عشان نحمى نفسنا منة
MMamdouh
مش عايزين ننسى إن الدول دي الأسفلت عندهم عامل إزّاي و عندنا عامل إزّاي
و دا بدون شك بيأثر على الكاوتش .
سمعت - و الله أعلى و أعلم - في السعودية من ضمن إجراءات فحص العربية لتجديد الترخيص
بيجدد للفترة الباقية من ال 3 سنين من تاريخ الإنتاج .......... و شوفوا شوارعهم من شوارعنا .
عن نفسي بأغير طقم الكاوتش على 40000 كم أو أقل مع مراعاة تاريخ الإنتاج ، في كل مرة بيكون قبل 3 سنين من تاريخ الإنتاج
الكلام دا في عربيتي الحالية و ما قبلها (lanos , matiz) على التوالي .
بصراحة الواحد كدة إتلخبط
ناس بتقول الصلاحية 3 سنوات وناس بتقول 4 وناس تانية 6 مش فاهم !
وبرضة إتلخبطت الروتيشن صح ولا غلط ؟؟؟
ألصلاحية مفيش رقم محدد و قاطع... نتائج البحث الامريكى قالت ان 88% من حوادث الطرق اللى سببها مشاكل اطارات كان فيها اطارات عدى على تاريخ انتاجها 6 سنوات
طبعا لو غيرت قبل ال6 حتكون فى امان اكتر بس دة حيبقى تكلفة كبيرة... و اعتقد صعب واحد يعمل اقل من 40 الف كيلو فى 6 سنوات بالتالى فى الغالب حتغير كاوتش قبل مرور ال 6 سنوات دول
الروتيشن صح طبعا و لازم يتعمل
MMamdouh