الكاوتش

**baset** · 17-01-2011 07:05 PM

السلام عليكم

هو الكاوتش الجديد يا جماعة ليه مدة صلاحية حتى لو ماستخدمتوش ؟؟

**Col. Eng. Khaled** · 17-01-2011 07:06 PM

و عليكم السلام و رحمة الله و بركاته

3 سنوات من تاريخ الإنتاج

**alaa99991111** · 18-01-2011 01:02 PM

المشاركة الأصلية كتبت بواسطة tamer61

طيب ده معناه إننا لازم نستخدم الإستبن إللي بيفضل مركون في الشنطه علشان ما يحصلش فيه مشكله.

اكيد لانه عند تدوير العجل كل 10000 كم حسب الصيانة بتستخدم الاستبن ويتم تدوير الاطارات الخمسة

**Ahmed A Rahman** · 18-01-2011 01:35 PM

المشاركة الأصلية كتبت بواسطة tamer61

طيب ده معناه إننا لازم نستخدم الإستبن إللي بيفضل مركون في الشنطه علشان ما يحصلش فيه مشكله.

المشاركة الأصلية كتبت بواسطة alaa99991111

اكيد لانه عند تدوير العجل كل 10000 كم حسب الصيانة بتستخدم الاستبن ويتم تدوير الاطارات الخمسة

بالضبط فيه طريقتين لتدوير العجل

اول طريقة تدوير العجل مع الاستبن وده بيخلي العجل يقعد رينج 50000
بيفضله الناس اللي عايزه تريح الكاوتش لان كل عجلة حتريح 10000

مميزاتها: بتستهلك الاستبن وبالتالي صلاحيته مش حتنتهي منك

عيوبها: لما تيجي تغير الكاوتش : حتغير ال 5 مع بعض مش الاربعة

[sor2]http://img27.imageshack.us/img27/183/87224091.png[/sor2]

ثاني طريقة تدوير العجل بدون الاستبن وده بيخلي العجل يقعد رينج 40000
بيفضلها الناس اللي عايزه تبيع العربية وتقول ده حتى الاستبن لسه جديد ملمسش الارض (آل يعني لو لمس الارض تبقى عيبه)

مميزاتها: بتقلب الكاوتش بسرعة خصوصا مع اسفلت بلدنا الحلو فبالتالي لو كاوتشه باظت او اتمسحت مثلا فيه استبن تغير يه
عند تغيير الكاوتش بتغير ال 4 بس

عيوبها : الاستبن ممكن يخلص منك !

[sor2]http://img34.imageshack.us/img34/4611/30521908.png[/sor2]

**hobby10** · 18-01-2011 04:40 PM

والله ياجماعة انا عن نفسى عملت الروتيشن على ال 10000 بس من قريب كنت فى التوكيل وسألت مهندس هناك على موضوع الروتيشن وكده قالى انى معملوش تانى وان الصانه بالنسبة للوجان مش بينصح بيه وانى لما بعمله كده بصعب عليه معرفة حالة العفشة لو في مشكلة ... قولت طيب
وبصراحة رجعت تانى بعدها وسألت مهندس حسام شخصيا مدير الورشة وقالى نفس الكلام !!

النتيجة على كلامهم انى معملش الروتيشن

تانى حاجة انا معلوماتى من بريدجستون ان تغيير العجل على 40000 او بعد 4 سنين من تاريخ الصنع
وطبعا كل العجل المفروض سواء استخدمته او لا

بالنسبة بقى لانى انزل الاستبن ولا لا فبرضه والكلام من بريدجستون انه مش صح اننا مثلا والعجل ماشى 10000 اجى اشيل واحدة وانزل الاستبن مكان واحدة من القدام .... هو مش غلط بس القصة ان العجلة الجديدة دى حيبقى سمكها بالنسبة للجزء اللى بيحتك بالاسفلت غير طبعا اللى ماشيين ال 10000 مثلا اللى حيحصل ان معدل تأكلها حيبقى عالى جدا لحد ما تبقى زى زمايلها وهكذا .... طيب الخلاصة لو فى عجلة حصلها حاجة امرنا لله حنزل الاستبن وخلاص نفع نرجع تانى على طول بعد اصلاح التانية يبقى تمام وهكذا منفعش والتانية باظت خلاص حيبقى لازم نستخدم الاستبن

ارجو انى اكون وفقت فى نقل المعلومة

**MMamdouh** · 18-01-2011 05:19 PM

المشاركة الأصلية كتبت بواسطة Col. Eng. Khaled

و عليكم السلام و رحمة الله و بركاته

3 سنوات من تاريخ الإنتاج

6 سنوات يا كولونيل

MMamdouh

**MMamdouh** · 18-01-2011 05:23 PM

المشاركة الأصلية كتبت بواسطة baset

شكراُ ياباشا لردك

طيب أعرف منين تاريخ الإنتاج - هل مثلاً بيبقى مكتوب على الفردة نفسها - ولو فيها تعب ممكن صورة توضح دة.

عادتا بيبقى تاريخ الانتاج مكون من اربع ارقام... الرقمين الشمال بيوضحوا اسبوع الانتاج من العام و الرقمين اليمين بيوضحوا سنة الانتاج... بالتالى الفردة اللى فى الصورة انتاج الاسبوع الرابع عشر ( اول اسبوع فى ابريل) من سنة 2008

MMamdouh

-

-

الموضوع: الكاوتش

LinkBack

أدوات الموضوع

عرض

الكاوتش - انشر الموضوع فى :

-

-

-

-

-

-

المواضيع المتشابهه

الفرق بين الكاوتش التيوبلس و الكاوتش الداخلى و ايهم افضل

الكاوتش انفجر مباشره بعد لحام الكاوتش .. الاسباب ؟؟

ايه الفرق بين الكاوتش الناشف و الكاوتش الطرى و انهى احسن للعربية؟

ايه الفرق بين الكاوتش الناشف و الكاوتش الطرى و انهى احسن للعربية؟

محل الكاوتش اللى فى شارع السودان بيخرم الكاوتش

الكلمات الدلالية لهذا الموضوع

المفضلات

المفضلات

ضوابط المشاركة